حرام عليكم

[ملهم]

السلام عليكم ورحمة الله وبركاته

شو اخباركم يا اعضاء
اقول بعد السبله عويقه اهم شي سلامتك يا السبله هع هع

ادش في موضوع من يومين وصلتني صوره ويوم جيت افتح الصوره حصلت رجال مسكين مدعوم وميت رجال وملقى على الارض والحادث صاير في الحيل شارع العام

بس سؤال شو من القلوب هذي رجال مدعوم وميت بعد تقومو تصوره خافوا ربك جالسين توزعوا وتنشحوا صورة رجال في لجروبات

ويوم تنصحهم ليش تعيدوا الارسال بيقولك ما انا مصور مرسوله صوره من جروب اخرى انزين انته عاد ما تجلسوا تنشحوا بصوره

اتمنا من الادعاء العام مثل هذي الامور يراقب الاشخاص المصورين ويعاقبوا بالسجن عشان يتادبوا وعيب تراه الي يصور شخص مايت مو تستفيد يوم تصور شخص مايت عشان توزعها في لجروبات وتنتشر صوره في كل مكان اتقوا الله في انفسكم

وشكرا جزيلا

[صمت الشفاه]

للأسف لا زالت هناك فئة تسعى للنشر فقط

ولااااا حياة لمن تنادي
كثير عائلات فجعت بموت اخ او ابن او اب من هذه الصور والرسائل اللي تنتشر

[أرجوانه]

حسبي الله ونعم الوكيل
يجب أن يكون هناك قوانين ومخالفلات لكل شخص يحاول يصور الناس بالحوادث وعلينا بالمقابل إذا وصلتنا الصوره نحذفها ومنع تداولها

[عاشقة المستحيل 2]

ملهم خلاص حذروهم بس ماشي فايده بعدهم يصوروا لاضمير ولا احساس ..

[سراب الورد]

يعني اذاتوفيت ب حادث لاسمح الله.. بتنتشر صورتي!

والحين نصهم العمانيين توفيوا بسبب حوادث..

والنااس تصور وتنشر
ما تعرف ان الدنيا دواره

حسبي الله ونعم الوكيل..

شكرا ملهم

[سحر الإحساس]

كل شخص وضميره
بس الحين يدوروا مصلحتهم
والله يهديهم ......

[ملهم]

كل شخص وضميره
بس الحين يدوروا مصلحتهم
والله يهديهم ......شو من مصلحة يا اختي يوم تصور شخص ميت وتنشر صورته

[سحر الإحساس]

المصلحه هو رزقه
وما عارف انه ف رب يشوفه
عالعموم عسى ان تعي هذه القلوب ما تفعل

[الحارثيه 3]

عندى سأل ؟؟؟

اين قلوبكم وانتو تصورو الحوادث

وفيه البعض يصورون

بعض الناس وهم يحتضرون

بجد والله وين قلوبهم

الواحد يصور مشهد ظريف او شي عجيب

لكن حوادث وناس تموت

ماااادري كيف

ياااخوك ملهم

[ملهم]

عندى سأل ؟؟؟

اين قلوبكم وانتو تصورو الحوادث

وفيه البعض يصورون

بعض الناس وهم يحتضرون

بجد والله وين قلوبهم

الواحد يصور مشهد ظريف او شي عجيب

لكن حوادث وناس تموت

ماااادري كيف

ياااخوك ملهمهذولاء ناس مريضين ومرضهم هو ما عندهم ايمان ي قلوبهم وما يخافوا ربهم

[أحبك يا عبري]

المفروض يوم حد يشوف شخص يصور ميت او حادث وفيه اصابات يرنه كف عى وجهه لين يطيحن ضروسه

عنبوها من حاله لين وين وصلنا

[منى حمدون]

هو هوس وهواية لدى البعض في ناس تشدهم الصور الطبيعة والمناظر الخلابة وناس تشدهم الحواث والذبح .............الخ .

[ملهم]

المفروض يوم حد يشوف شخص يصور ميت او حادث وفيه اصابات يرنه كف عى وجهه لين يطيحن ضروسه

عنبوها من حاله لين وين وصلنا ما يبغاله رن يبغاله يدخل سجن ويصور يوم ياكل دال وينشر في لجروبات وبيتادب

[أحبك يا عبري]

ما يبغاله رن يبغاله يدخل سجن ويصور يوم ياكل دال وينشر في لجروبات وبيتادب

نعم يبغاله كذاك هذولا مثل الهوش الله يعزكم

[صوت الحمام]

السلام عليكم

الله يهديهم
شخص ميت بعده نصوره !!!
فهذيك اللحظه الواحد يحس بخوف لما يشوف ميت وهم يصوروه!!

شكرا لك

[ندى***]

ناس ما عاد بها ضمير ولا قلب يحس شخص ميت والله يرحمة وبدل عن تقوم ب واجبك اتجاهه تصوره و تنشر

إي انسانيه هذي !!!!!

[عذووووبه]

هذيله ناس مافيهم دم ولا أحساس
صارت الحوادث والموت عندهم عادي
الله المستعان ...

[بـــن ظـــآآهـــــــر]

تصوير الحوادث عادة سيئة
بس مع الاسف الكثير من الناس صار همها التصوير
من تشوف حادث
الله يكافينا شر هالحوادث ويحفظنا جميعا
من كل مكروه

[مائة بيسة]

انا كنت وقتها رايحة الدوام وطالعت الشخص وقلبي يعورني لفيت راسي عسب اتجنب اطالع هالامور
كيف اللي يقعد يصور وينشر ( قلب فيكم)
http://www.majaless.com/up/get-1-2012-c1lfd55x.jpg

[طيفُ ضآئع]

..




مآ في قلووب...
مآ يحسوآا ...ولمآا تسألهم البعض..
يقولوآ ل العبره!!!

سبحآان الله ع هالعقليآات..!

/
تشكر ع الطرح القيم آخي،،،
جُزيتَ الجنآان..]
.
.

[نسيم الجوري]

لا حول ولا قوة الا بالله..
هذه الفئة من الناس انعدم الاحساس من قلوبهم
هداهم الله..
تشكر اخي ملهم على طرحك الهادف..

[تباشيرالأمل]

السلام عليكم
حرمة المسلم عندالله اعظم من حرمة الكعبه
بأي حق ينتهكون حرمة المسلمين مثل
هؤلاء لايردعهم دين ولاذمة
الا القانون والعقااب الراادع
كذالك من يشترك في قروب ويصله مثل هذه المقااطع عليه النصح
وإلا أصبح أثم بسكوته عنهم
ومن يصله شيء فيه صور لناس يحذفه ويسترعلى المسلمين
نسأل الله الهداايه

[فديتني بنت أبوي]

نااااس عافاني الله مب صاحين ..
يرسلووون هالصور ع بالهم انجاز ..
مااااالت عليهم بس

[زهام الزهام]

ممنوع حد يصور امام الشرطه واعتقد اللي يصور ما يحتاج الا لخيزران تأدبه لانه ما فيه ادب ولا احترام

[عاشق البوادي]

عادة انتشرت وايد ف الاونه الاخيرة
المفروض اي واحد يمسك وهو يصور يسجن لان هذي فيها اعراض ناس

[غـــزلااان]

أولا / الحمــــدللــــه علــى ســـلامتــــك أخــــــــــي ملهـــــم
طـــــــــــال غيابــــــــــــــك عــن السبلـــــــــــة بعـــد أن كنـــت تتحفنـــــا بمواضيعـــــك الرائعــة ..

أمــا بخصـــوص ما طــــــــــــرحـــت فأنـــا أتفـــق معــــك ..
لـــم تعــــد هنـــاك أي خصـــوصيــــة واحتــرام لأعـــراض الآخــــرين
والنـــاس أصبــح همهـــا الوحيــــد التنافــــس علـــى نشـــر صـــور الحــوادث دون مراعـــاة لمــن فــي الصــــورة
ودون أي تقـــــــــــــدير واحتــــرام لمشاعــــــــــــــــر أقاربــــــــــــــه
ويكأنهــــم سيحصلــــون علـــى جائــــــزة ولقـــب البطـــولـــة بســــبب سبقهــــم فــي نشـــر هـــذه الأخبـــار ..

أســـأل اللــــــــــــه الهـــــــــداية للجميــــــــــــــع

وكــل الشكـــر والتقــــدير لك أخـــي ملهـــــــــــــم

[نـــــــقــــــــاء]

هذا إلي يهتموا يسووه للأسف .. التصوير ..
وحتى ولو حد يحتضر على وشك الموت يصوروه وهو محتاج إسعاف
نسأل الله السلامة .

[انا ومحد غيري]

جماعه اللي يعرف حد يوصل من لخوير حق واحة المعرف بليز ساعدوني

[ابن مذحج الجنيبي]

السلام عليكم

صحيح كلامك اخي بدل عن يساعد يقوم يصور الناس

صارت العام الماضي مجموعة بنات صارلهن حادث وشاب صور بنت وهي ف حاله صعبه م تقدر تستر نفسها

بسبب الحادث

علينا نحن المبادره والنصح لما نشوف هالاشياء

بدل التصوير نقوم بالمساعده

الزمن غير اشياء كثيره في المجتمع العماني للاسف

تقبل مروري اخي الغالي

[ذكرى تائهة]

هالعادة سخيفة بحد ذاتها ...
و لا أظن " المصور " يرضى لنفسه بنفس الحركة ...
احيانا فتيات و حريم يكونوا في الحادث
و يصوروهن ..
ليش تصور !! اسستر الله يسستر عرضك ...

الدنيا دوارة مثل ما يسوي في خلق الله
مرده بتصير له نفس الحركة ..

[سراب الورد]

تعبنا ونحن نتكلم
ونلعي
وننصح..

لا حياه لمن تنادي..

الله يهديهم..

شكرا لك اخوناا ملهم..

[حامي الذمار]

الميت له حرمة كحرمة الحي ....لذا ينبغي الابتعاد عن هذا التصرفات المهينه

[مستحيل أنساك]

للأسف الادعاء العام يحذر ولكن ما يقوموا بالواجب ..فيه اشياء كثيرة وهذي من اقبح الاشياء .هل الشخص يقدر يصؤر احد من اهله وهو متوفي .مستحيل يقدر بس للاسف احساس وضمير ماشي وماحد يعتبر من شي

[أسير أحزاني]

حسبي الله ونعم الوكيل في مثل هالنوعية من الناس

[تغآريد]

إنعدام الثقافة والوعي
فقط اعادة ارسال

واحيانا بدون قرآءة وفهم محتوى الرسالة والصور

للأسف التقنيات ووسائل التواصل متاحة للجميع كبار وصغار

الشيء المؤسف اكثر لما يقوم شخص كبير وواعي ودارس بنشر مثل هالأشيااء

وين عقولهم وضمائرهم!
وين مراعاتهم لمشاعر الآخرين

يرضوآ حد من أهلهم تنشر صوره بهذه الطريقة!

[يحيائي10]

الحل الوحيد هو التلبيغ لكل من تسول نفسه التصوير لحالات الحوادث
واي واحد يبلغ عنهم يكافء سواء ماديا او معنويا دون يفصح عن هويته


شكرا ملهم
بارك الله فيك

[Ammar91]

للأسف هؤلاء نااس ما في قلوبهم رحمه :(
ماعرف شو مستفيدين من نشر صور الحوادث وهالامور.

الله يهديهم ويهدينا ...

[تيجان الزمان]

المشكلة الحين صارت موضو التصوير منتشرة وبقوة يصورو الحي والميت اعرف الناس يصورو حتى اشياء خاصة ما مفروض الواحد يصورها بالاخير يفشي اسرار بيته فما اقول الا حسبي الله ونعم الوكيل ع هذه العقول

[رندويلا]

السلام عليكم

بالتأكيد من يتصرف بمثل هذه التصرفات ضعيف إيمان وقلبه من صخر يشوف شخص يحتضر من الموت وهو أكبر اهتمامه تصوير وتوثيق الحدث !! ونشره في الواتس.وتويتر وغيره