ما كان ودي تجرح القلب وتسير

[نـــــــقــــــــاء]

جرحتني وجرح المشاعر ترى غير
حتى الجروح لاشك ما هي سويّه

دام افتــرقنا يالله عســـى خيـــر
ما كل مكتـــوب علينــا بليّه

ما كان ودي تجرح القلب وتسير
ولا كان ظني تقتل الحلم فيّه

كثرة صدودك والبعد والمعاذير
ما عاد خلت للسوالف بقيّه

ياما عطيتك من صباحي تباشير
وأخلصت لك بالقلب حب ونيّه

كان اعتقادي لو حصل يوم تقصير
تبقى مشاعرك الوفية وفيّه

واللي طلبته قلت لك تم ويصير
ما كنت داري إن موتي بيديّه

صدق المشاعر صابه اليوم تغيير
كل شي تغير فيك والله عليّه

دايم أدور للهجر منك تبرير
وأقول يمكن جاك منّي خطيّه

حتى خيالي مالقى فيك تفسير
أروح وارجع باليدين الخليّه

رفعت قدرك وارتضيتك عن الغير
فيما مضى كنت بزماني هديّة

واليوم ردي مايبي منك تفكير
هو باقي أردى من حياتي الشقيّة

[الشيخه الفلانيه]

نص جميل خيتيه ،
يعطيك العآفيه :) '

[المحبه للخير]

دام افتــرقنا يالله عســـى خيـــر
ما كل مكتـــوب علينــا بليّه
انتقاء راائع
دمتي بود

[نـــــــقــــــــاء]

نص جميل خيتيه ،
يعطيك العآفيه :) '

الله يعافيك الشيخة
نورتي صفحتي

[نـــــــقــــــــاء]

دام افتــرقنا يالله عســـى خيـــر
ما كل مكتـــوب علينــا بليّه
انتقاء راائع
دمتي بود

الأروع مرورك عزيزتي
نورتي

[بــوح مغــترب]

نص في قمة الروعه
شككراً على الذوق الجميل :)