اقول لاه سمعت حاجه واريد اتاكد!!

[ملهم]

سلمن عليكم يا اعضاء

مو حالكم بخيرين

اقول لاه سمعت حاجه واريد اتاكد منها اوين اوين صح انه
يا ملهم اكتب زين ولا تجلس تطفربنا

ادش في موضوع بصراحه سمعت حاجه واريد اشوفها هل صح او غلط مثل واحد عنده بنت صغيره عمرها مثل 8 اشهر او طفل عمره 8 اشهر تعرفوا عاد في هذا العمر يبديوا يتقلبوا الاطفال هع هع هع انزين ركزوا عندي يعني هذا طفل او هذي الطفله يوم يتقلبوا ومثل طاح من كرفايه وطاح في الارض يقولن اوين العجائز ملائكة الاطفال تحميهم لا تخافوا على الاطفال

هل صحيح كلام العجائز ؟؟

شقرا جزيلا

[عاليه العالي]

تحميهم نعم في حاله وحده اذا حافظ اهل البيت جميعهم على اذكارهم وعلى تحصين الاطفال

[سحابة ذكريات]

للاسف ملهم كلام العجايز ما صحيح
اعرف وحده بعد ما ولدت اول مولود ظهرها صار يوجعها واااااااجد
وبعد الاشعه وكذا اتضحران هذا بسبب طيحه من وهي صغيرة وطلع اثرها الان
بس ف نفس الوقت الواحد ما يخاف
واااجد صغار طاحوا من الكرفايه وامورهم طيبه عادي بس نتحذر في الايام القادمه
واذا نخاف من طيحتهم
نحط بطانية نقصفها ف الارض بجانب الكرفاية المفتوح عشان اذا طاح الطفل يطيح فيها

[طيفُ ضآئع]

..



مجرڌ آآمثآل لآ غير ...
/
آڛآطير آلـ؏ـجآئز ڪثيرة :rolleyes:

[الطائي1100]

هههههههههههه
مع العجائز كل شي جايز
والتأليف والروايات الملفقه واجد منه
اهم شي لا تجاحد العجايز هههه
ولا تراه بنعال بتضربك ع الراس
لما تتكلم هز راسك نفس الهندي وقول صحيح ارباب

[مائة بيسة]

مااعتقد بس الله أعلم...
http://www.majaless.com/up/get-1-2012-c1lfd55x.jpg

[رهينة صمت]

والله العجايز يقولو كذا بس مااعتقد انه صحيح يعني خرافات والله اعلم:confused:

[1طيف1]

ما منه ذا الكلام
أختي صارة لها إعاقة و السبب طايحة من الكرفاية

[عذووووبه]

أكيد الله الحافظ ...

[يحيائي10]

ربما من كلام العجايز

ولكن العاده ان ا لاطفال غير الكبار يعني اوزانهم خفيفه واذا طاحوا من مسافه السري الى لا ما يتاثروا بعكس الكبار
في الماضي ولما كنا في الحارة وبيت الوالد رحمة الله عليه من البوت القديمة والحوش عبارة عن رمل في احد بنات اخي سقطت من السطح ولله الحمد والمنه لم تتاثر

بالتالي الاطفال اجسامهم تساعدهم على ذلك

[بنت الغالي ومابالي]

نعم صحيح اذا كان فقط البيت دائما يتلا فيه القران
والله اعلم

[غـــزلااان]

أخــي ملهـــم ..

اللــــه الحـــافــــظ .. نعـــــــم
والنعـــم باللـــــه .. هـــذا كـــلام لا غبــــــار عليــــــــــــه ولا جـــدال فيــــه
لكـــن علــى الإنســـان أن يأخــــذ بالأسبـــــاب
بمعنــى إنــي لا أضــــــــع ابنــي علـــى الســـــــــرير دون رقـــابة ثــم أنتظــر مــن المــلائكــة أن تحميـــه ..

واللـــه العجـــــــايز عليهـــــــم ســـوالــــف هههههه

ودي وتقــــــــــــديري لك