البارحة - بن فطيس

[ثائــــر]

البارحة ربي كتب لي ومريت
درب عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

التم غيم الدمع من يوم لفيت
ورقا القصيد لشوفة الغيم ناحت

وضحكت ماأبغي الناس تدري يبالفيت
لكنها غصب على العين ساحت

حارت دموعي في عيوني وصديت
وأرمشت مابيها تبين وطاحت

وعقبه برق في العين براق واسقيت
خدي وناتي بصدري تلاحت

وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكا والتناهيت
وأشلا من سدود على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوله اني عقب بعده تدانيت
ورجلي عن دروب المعافين شاحت

البعد نار وطاعة العذل كبريت

يقصر على بعده ترى الكبد فاحت



محمد بن فطيس

[حبي خالص]

قصيده جميله لابن فطيس
يسلم ذوقك أخي

[نوارة الكون]

سلمت يمناك كل العاده اختيار متميز وراقي ربي يعطيك العافيه

[ثائــــر]

قصيده جميله لابن فطيس
يسلم ذوقك أخي

http://www.karom.net/up/uploads/132809046912.gif

[اهلي ملاذي]

نص جدآ جميــل ومميز
شكرآا جزيلآا لطرحكك وتفآعلكك آلرآئع
خآالص آحترآامي ~


نص يستحق آلنجوم آلخمس *

[ثائــــر]

سلمت يمناك كل العاده اختيار متميز وراقي ربي يعطيك العافيه
http://www.12allchat.com/upload/uploads/images/1232f416e55a.gif

[عملاق الشعر]

ثائر

نص جميل جداااا


سلمت يداك المبدعة وذوقك الراقي

[رايق البال]

هلا فيك ثائر ...
نص واختيار كالعاده ولا اجمل واروع
الف شكر لجهدك واختيارك .. كلك ذوووق