المساعد الشخصي الرقمي

مشاهدة النسخة كاملة : تعالوا ندردش ....!



ماحب حد ابد
16-09-2014, 11:37 PM
السلام عليكم ورحمة الله و بركاته

كيف من الممكن ان يتوفق إثنان رُغِموا على الزواج من قبل اهاليهم ؟؟

لو رجعنا الى الزمن السابق بنلاحظ ان مثل هالزواج كان شي عادي و طبيعي و التوافق يصير لان الحياة كانت عفويه و سهلة التعامل وخاليه من كل الظروف اللي نعيشها فهالزمن و بعيده عن كل هالمتغيرات !!

طبعاً الموضوح نطرحه لاجل سماع اراءكم و ثقافاتكم و مدى اكتسابكم من التجارب الحياتيه ،
المجال مفتوح اخواني
اتمنى تثروا الموضوع بالنقاش الهادف البناء

ملك التفكير
16-09-2014, 11:41 PM
لا بد حرية للزواج لأن أفكار الزوجات والأزواج ما متقاربة في أفكارهم

ماحب حد ابد
16-09-2014, 11:43 PM
نعم اخوي بس يمكن هي مش مسألة حريه كثر ماهي مسألة رأي و رضى و إقتناع

ملك التفكير
16-09-2014, 11:46 PM
نعم اخوي بس يمكن هي مش مسألة حريه كثر ماهي مسألة رأي و رضى و إقتناع
الزواج لا بد من اقتناع للطرف الآخر ومدى ميلانه له
والزواج في الأغلب في قبضة الأبوين

سراب الورد
16-09-2014, 11:47 PM
عادي يعني ندردش!! ههه
امززح..

طبعاً هذاك اوول يغصبوهم ع الزواج
الحين ناادر نحصل عائله كذاا
تو كل واحد ع راحته الي يريده

شكرا لك:)

تباشيرالأمل
16-09-2014, 11:48 PM
السلام عليكم
لعل الله يحدث بعد ذالك أمر
ربما بعد العشره يرائ كل منهما مايرغبه في اﻷخر
شكرالك

sarah1986
16-09-2014, 11:50 PM
ترا ها لزمن كل واحد بنفسه...وإذا حس نفسه ما يرغب ف شخص ثاني يتطلق ويبحث عن شخص اخر...وما يهتموا اذا معهم اولاد او لا اهم شي سعادتهم. .عكس زمان ولو اهل وكان اساءه ما بينهم فيصير صبر وتضحيه عشان اولادهم..

ملك التفكير
16-09-2014, 11:52 PM
ترا ها لزمن كل واحد بنفسه...وإذا حس نفسه ما يرغب ف شخص ثاني يتطلق ويبحث عن شخص اخر...وما يهتموا اذا معهم اولاد او لا اهم شي سعادتهم. .عكس زمان ولو اهل وكان اساءه ما بينهم فيصير صبر وتضحيه عشان اولادهم..
كلام في الصميم
ولكن ويش السبب

ماحب حد ابد
16-09-2014, 11:52 PM
صحيح بس مازال في ازواج ينجبرون ع بعض ، صحيح الوضع اختلف بس مازالت يعض الاسر تعاني من هذا الاسلوب و هذا النهج

روح طٌفلهـ
17-09-2014, 12:08 AM
نحن عدنا جي
تبدي تفتهمين م تسمعين الا انتي حق ولد عمتج ولد خالتج
رايج ع التبن خخخخ

sarah1986
17-09-2014, 12:08 AM
السبب اتوقع تفكير الخاطئ...
تميز بين رجل والمرآه هو سبب تشتت بينهم..
يعني انا دارسه واتزوج ولد عمي او خالي او اي شخص مقرب الي جاهل ما معه شهاده..
ف زميلاتي بينظرن الي بمنظر غير لائق كانه عيب...ودمرت حياتي معه..فتصير مشاكل عائليه نهايتها الطلاق

sarah1986
17-09-2014, 12:13 AM
بس افضل إذا ما يريدوا بعض فيفضل الرجل هو اﻷساس يقنع اهله ما المرآه ترفض.
ﻷن رفض المرآه تسبب تشتت عائلي وتشويه سمعتها..
اما الرجل فيقدر يقنع اهله برغبته ان ما بيعيش سعيد إذا تزوجها...

ملك التفكير
17-09-2014, 12:15 AM
السبب اتوقع تفكير الخاطئ...
تميز بين رجل والمرآه هو سبب تشتت بينهم..
يعني انا دارسه واتزوج ولد عمي او خالي او اي شخص مقرب الي جاهل ما معه شهاده..
ف زميلاتي بينظرن الي بمنظر غير لائق كانه عيب...ودمرت حياتي معه..فتصير مشاكل عائليه نهايتها الطلاق
الشهادة ما مقياس أهم شئ الأخلاق

ماحب حد ابد
17-09-2014, 12:15 AM
السبب اتوقع تفكير الخاطئ...
تميز بين رجل والمرآه هو سبب تشتت بينهم..
يعني انا دارسه واتزوج ولد عمي او خالي او اي شخص مقرب الي جاهل ما معه شهاده..
ف زميلاتي بينظرن الي بمنظر غير لائق كانه عيب...ودمرت حياتي معه..فتصير مشاكل عائليه نهايتها الطلاق
مش كذا وبس ، يمكن الانغلاق على فكر متوارث و تفكير متأثر بطبيعة الحياة ،
غياب الوعي غياب اسلوب الحوار فالاسره ،
تلاقين كل واحد عايش يمارس حياته بس اكل و شرب ونوم وخلاص
مافي حوارات مافي نقاشان مافي انفتاح ع بعض و تداخل

sarah1986
17-09-2014, 12:28 AM
الحياه الحين غير...فيفضل كل واحد يختار شريكه حياته بدون ما يدخلوا اﻷهل..
عشان خيرهم شرهم وحدهم يتحملوا نتيجته..

الشيخه الفلانيه
17-09-2014, 12:56 AM
- عاد شو يسوون بيتعودون ع بععض جآن يبون ")
بس احين نادر هذا أحين يآخذون شور الطرفين و جيه *!

صمت الشفاه
17-09-2014, 01:12 AM
سبحان الله
امرين لا اختيار لك فيها ولا تستطيع تغيرهما

القدر والنصييب
مهما قلت وجادلت وصرخت
لن تنال الا ما كتب وقدر لك

نسيم الجوري
17-09-2014, 01:24 AM
سبحان الله
امرين لا اختيار لك فيها ولا تستطيع تغيرهما

القدر والنصييب
مهما قلت وجادلت وصرخت
لن تنال الا ما كتب وقدر لك
صحيح كلامك اختي هدايا.
لن تنال إلا ماكتبه الله لك..

صمت الشفاه
17-09-2014, 01:30 AM
صحيح كلامك اختي هدايا.
لن تنال إلا ماكتبه الله لك..
هل من مستمع ومصدق ومطبق !!!

الواقع مر اختي وبنى ادم لا يحتمله
استغرب من شي واحد عند ادم

ليش يطلب من اهله يزوجوه ويرضى ويقتنع وبعد الزواج يتعذر بان اهله اجبروه
وين انت ورجوليتك
ممكن حواء تجبر
لكن انت لا

ابي رد مقنع ؟؟؟؟؟؟؟؟؟!!!

ماحب حد ابد
17-09-2014, 10:13 AM
يمكن انتوا تقولوا هالكلام بناءً على الحياة اللي عشتوها .. ناس تتصرف بهالشكل ، في اباء يتعاملوا مع ابناءهم بهالطريقه ، الرجولية احيانا مالها مجال عند اباء وصلوا لدرجه غريبة من السيطره و الشده على ابناءهم ..
ولكن احنا الآن ما يهمنا هالشي وانا ما قصدت اتكلم عنه ،،

يا اخواني و اخواتي
استفساري الى اي مدى ممكن يصير توافق بين شخصين اجبروا على بعض ؟ كم نسبة تقديركم لإمكانية حصول توافق بينهم ؟ و ما مدى هالتوافق ؟ هل هو توافق شكلي ؟ او توافق اثنين كانهم يدورون على بعض فعلاً ؟

في رأيكم ايش المقومات اللي تسعاد في بناء هالتوافق ؟
احب اشوف اراءكم ، ابي اعرفى مدى النضج و الثقافه والايجابيه اللي وصلنا له احنا كجيل واعي ومتعلم ،،

لا تصبوا اهتمامكم على السلبيات و تستسلموا ،، خلونا نحول السلبيات الى شي ايجابي
خلونا نشكل لوحات جميله بأشواك زرعها الاخرين في طريقنا

تباشيرالأمل
17-09-2014, 10:43 AM
يمكن انتوا تقولوا هالكلام بناءً على الحياة اللي عشتوها .. ناس تتصرف بهالشكل ، في اباء يتعاملوا مع ابناءهم بهالطريقه ، الرجولية احيانا مالها مجال عند اباء وصلوا لدرجه غريبة من السيطره و الشده على ابناءهم ..
ولكن احنا الآن ما يهمنا هالشي وانا ما قصدت اتكلم عنه ،،

يا اخواني و اخواتي
استفساري الى اي مدى ممكن يصير توافق بين شخصين اجبروا على بعض ؟ كم نسبة تقديركم لإمكانية حصول توافق بينهم ؟ و ما مدى هالتوافق ؟ هل هو توافق شكلي ؟ او توافق اثنين كانهم يدورون على بعض فعلاً ؟

في رأيكم ايش المقومات اللي تسعاد في بناء هالتوافق ؟
احب اشوف اراءكم ، ابي اعرفى مدى النضج و الثقافه والايجابيه اللي وصلنا له احنا كجيل واعي ومتعلم ،،

لا تصبوا اهتمامكم على السلبيات و تستسلموا ،، خلونا نحول السلبيات الى شي ايجابي
خلونا نشكل لوحات جميله بأشواك زرعها الاخرين في طريقنا

السلام عليكم
سبق ورديت وقلت يمكن فيه خيره لهم.
بمكن مع العضره يعرفوا بعض
ويكتشف كل طرف ميزات الطرف اﻷخر
ويجد مايرغبه في اﻷستمرار معه
أما خلق طيب او صفه محببه.او
غير ذالك فامع العشره تتضح اشياءكثيره.تغيررأي الشخص
وفالختام القضاء والرضى بالمكتوب يريح النفس

صمت الشفاه
17-09-2014, 11:12 AM
الرضا بما كتب وقدر هو عزائهم الوحيد
محاولة تقبل كل طرف للاخر
نظرة الى الايجابيات وتغاضي عن السلبيات
تقبل الحياة كما رسمت ف طريقه
والعشرة الطيبه والاحترام للبقاء
بالتوفيق لمن كتب له ذلك
فكل أقدار الله خيير وان كان ظاهرها مؤلم

تقبلوها وارضوا بها

سحابة ذكريات
17-09-2014, 11:19 AM
راح يضطروا يتفاهموا ويتأقلموا مع بعض لان ما عندهم خيار

منى حمدون
17-09-2014, 11:23 AM
عادي .. الحياه مستمرة ..

عليهم بالتكيف ...

وبتكون الامور طيبة

ماحب حد ابد
17-09-2014, 12:13 PM
بالضبط اختي هدوء المطر .... اختي سحابة الذكريات يعني احيانا ما يضطر بالعكس ، انا اقول ان الواحد يكون مستصعب التداخل بسبب استياءه من اهله و لكن بعد فتره ممكن يكتشف ان الله رزقه بزوجة العمر بالصدفه ،
مثل ما قلتوا ترا الانسان الله يسير له الاسباب يبقى انه يعمل جهده للوصول لما يرضيه و يرضي الخالق بإذن الله

سحابة ذكريات
17-09-2014, 12:21 PM
بالضبط اختي هدوء المطر .... اختي سحابة الذكريات يعني احيانا ما يضطر بالعكس ، انا اقول ان الواحد يكون مستصعب التداخل بسبب استياءه من اهله و لكن بعد فتره ممكن يكتشف ان الله رزقه بزوجة العمر بالصدفه ،
مثل ما قلتوا ترا الانسان الله يسير له الاسباب يبقى انه يعمل جهده للوصول لما يرضيه و يرضي الخالق بإذن الله
شوف اخي كلنا يمكن تزوجنا بنفس الطريقه لكن اختلف الاسلوب
يعني البنت عمرها ما اتكون شافت زوجها الا من خطبها وهو نفس الشي
اتوافق ع حسب ما سمعته من الناس لما يسألوا عنه يعني ع ظاعر الشخص وكلام الناس عن اخلاقه
لازم تكون متخوفه منه وهو نفس الشي ولكن ينولد الحب بينهم اما بالنسبه للمغصوبين في البدايه
ايضطروايتفاهموا ويتأقلموا مع بعض
وبدون ما يحسوا اينولد الحب بينهم والاحترام

ماحب حد ابد
17-09-2014, 01:16 PM
انا معاج اختي ،، و لكن احنا اللي قصدناه اكثر شي بهالموضوع هو الازواج اللي يتزوجون لان والله حضرة ابوها البنت يقول والله انا عاطي كلمه لفلان ان بنتي لولدك من ١٠ سنوات و خلاص ما ارجع فكلامي ، وفنفس الوقت كل واحد يعرف الشخص الثاني او سمع عنه كلام او يعرف اخلاقه و طبايعه و يعي انه ما يتناسبوا بس اهلهم مصرين ع قرارهم ،، هذا اللي قصدناه ..

ولا تستغربوا ترا بجد في اباء بهالشكل و انا بنفسي اعرف ناس بهالشكل

ندى***
17-09-2014, 01:50 PM
اتوقع مع الايام الامور بتمشي وكل واحد فيهم راح يتقبل الثاني بكل الي فيه و بيتغلبون على كل نقطه ما يحبوها ف بعض و راح يحاولوا تكون حياتهم اقظل لان هي مجبوره و هو مجبور

ماحب حد ابد
17-09-2014, 01:59 PM
بالضبط ، الانسان بطبيعته بمقدوره التكيف و الانسجام

شاكر لك مرورك

امنتك الله
17-09-2014, 02:05 PM
وعاشروهن بالمعروف
تراه الزواج عشرة وتفاهم واستقرار
ماشي حب بعد الزواج
بالتوفيق لك اللي ماتحب حد

ملك التفكير
17-09-2014, 02:08 PM
وعاشروهن بالمعروف
تراه الزواج عشرة وتفاهم واستقرار
ماشي حب بعد الزواج
بالتوفيق لك اللي ماتحب حد
ليش ما شي حب بعد الزواج

امنتك الله
17-09-2014, 02:10 PM
ليش ما شي حب بعد الزواج

يقوولوا بعد الزواج ب 18 شهر ينتهى الحب
ويبقى عشرة وموده واحترام بس
من كذا الرجال يدوروا ع حبيبه وحب وعشق بعد الزواج
هذا هو التفسير

عاشقة المستحيل 2
17-09-2014, 02:37 PM
يقوولوا بعد الزواج ب 18 شهر ينتهى الحب
ويبقى عشرة وموده واحترام بس
من كذا الرجال يدوروا ع حبيبه وحب وعشق بعد الزواج
هذا هو التفسير


عذرا لا اوافقك الرأي .. الحب ماله فتره معينه وينتهي ..


في ازواج لين آخر العمر يحبون بعض والاحترام والموده هو دليل الحب والوفاء والاخلاص ..

ندى***
17-09-2014, 02:38 PM
يقوولوا بعد الزواج ب 18 شهر ينتهى الحب
ويبقى عشرة وموده واحترام بس
من كذا الرجال يدوروا ع حبيبه وحب وعشق بعد الزواج
هذا هو التفسير
بعد محسوب له بعد ١٨ شهر

ما اعتقدمنه ذا الحكي الحب بيظل بين الطرفين اذا كل منهم حافظ على مقومات ذا الحب و ممكن ينتهي بهمال احد الطرفين و بعدها فقط يظل الموده و الاحتراااااام


احترامي لك و لوجة نظرك

امنتك الله
17-09-2014, 02:40 PM
عذرا لا اوافقك الرأي .. الحب ماله فتره معينه وينتهي ..


في ازواج لين آخر العمر يحبون بعض والاحترام والموده هو دليل الحب والوفاء والاخلاص ..
عفووا اختي
الاحترام والموده والعشرة تختلف عن الحب ما قبل الزواج
شتان ما بينهم

امنتك الله
17-09-2014, 02:41 PM
بعد محسوب له بعد 18 شهر

ما اعتقدمنه ذا الحكي الحب بيظل بين الطرفين اذا كل منهم حافظ على مقومات ذا الحب و ممكن ينتهي بهمال احد الطرفين و بعدها فقط يظل الموده و الاحتراااااام


احترامي لك و لوجة نظرك

وتفسيرك صح
اذا حافظوا عليه واذا لا ينقلب احترام وموده فقط
يعني خلص الحب وانتهى

عاشقة المستحيل 2
17-09-2014, 02:43 PM
عفووا اختي
الاحترام والموده والعشرة تختلف عن الحب ما قبل الزواج
شتان ما بينهم


نحن نتكلم عن الحب بعد الزواج ..

امنتك الله
17-09-2014, 03:04 PM
نحن نتكلم عن الحب بعد الزواج ..

وبعد الزواج يكون موده ورحمه وعشرة واحترام هذا تفسيير الحب بعد الزواج

ماحب حد ابد
17-09-2014, 03:14 PM
وبعد الزواج يكون موده ورحمه وعشرة واحترام هذا تفسيير الحب بعد الزواج

بالضبط ، و على هذا المبدأ عاش ابائنا و كونوا أُسر ناجحه

يسلمو خيتو

امنتك الله
17-09-2014, 03:16 PM
بالضبط ، و على هذا المبدأ عاش ابائنا و كونوا أُسر ناجحه

يسلمو خيتو
زين حد وافقني الكلام
عفوونات خيو
عيل ليش تتشكووا من زواجكم
انزين ممكن تحب بعد الزواج ؟؟

ماحب حد ابد
17-09-2014, 03:52 PM
زين حد وافقني الكلام
عفوونات خيو
عيل ليش تتشكووا من زواجكم
انزين ممكن تحب بعد الزواج ؟؟
احنا نطرح تساءل عن مدى امكانية حصول توافق مابين زوجين انجبروا ع بعض ؟
يعني ممكن يكون الولد راضي ماعنده مشكله بس البنت مجبوره او العكس ..
بس الاكثر شيوعاً هو ان البنت تنجبر عالولد

تباشيرالأمل
17-09-2014, 04:03 PM
احنا نطرح تساءل عن مدى امكانية حصول توافق مابين زوجين انجبروا ع بعض ؟
يعني ممكن يكون الولد راضي ماعنده مشكله بس البنت مجبوره او العكس ..
بس الاكثر شيوعاً هو ان البنت تنجبر عالولد


أحسن إلى النااس تستعبد قلوبهم ...فطالما أستعبد اﻷحساان أنسان
التعامل الطيب والوجه البشوش يقرب القلوب ويلينها

حسني
17-09-2014, 04:07 PM
هذا الموضوع شائك
امس سمعت واحد دكتور علم نفس اظن يقول ماشي بعد الزواج حب طبعاً استغربت من كلامة في البدايه
يقول بعد الحب تصير المودة والسكن تفسيراً للاية الكريمة اللي ما تحضرني الان
يعني قصده ان الحب في الزواج يتحول لشي اخر وهذا الشي ممكن يكون افضل من الحب
فالمودة والسكن هو اساس العلاقة الزوجية
قال كلام وايد ما اذكره

ماحب حد ابد
17-09-2014, 04:47 PM
هذا الموضوع شائك
امس سمعت واحد دكتور علم نفس اظن يقول ماشي بعد الزواج حب طبعاً استغربت من كلامة في البدايه
يقول بعد الحب تصير المودة والسكن تفسيراً للاية الكريمة اللي ما تحضرني الان
يعني قصده ان الحب في الزواج يتحول لشي اخر وهذا الشي ممكن يكون افضل من الحب
فالمودة والسكن هو اساس العلاقة الزوجية
قال كلام وايد ما اذكره




بالضبط اخوي ... يعني الوالد والوالده عسى الله يحفظهم ما بينهم عشق و غرام وكلام شعر ومادري شوء . بس تلقى الواحد ما يصبر يفارق الثاني نص يوم وما يستغنوا عن بعض ..
شاكر لك اختي هدوء المطر كلامج ذهب

سحر الإحساس
17-09-2014, 05:32 PM
موضوع جميل. ....
والزواج ف الماضي يختلف ف الوقت الحالي.....
وعاد يصير فيه تفاهم وموده ....
وقبل المراه ما يشاوروها بس الحين غير
طرح موفقك....
يعطيك العافية. ...

ماحب حد ابد
17-09-2014, 07:43 PM
الله يعافيج خيتو

مفتر رآسيَ !
17-09-2014, 08:39 PM
مع الوقت بيحبون بعض
عادي !

الحب مع العشره

غـــزلااان
17-09-2014, 09:01 PM
هنــــاك الكثيـــــر مـــن الأزواج فشلـــوا فـــي زواجهـــــــــــم
لأنهــــــم كانــــوا مرغميـــــن علـــى هـــــذا الــــزواج ..
قـــد يتمكـــن البعـــض مــن التكيــــف مـــع شـــريـــك الحيــــاة مـــع مـــرور الـــوقـــــت ..
ولكـــن فـــي كثيــــر مــن الأحيــــان لا يكتـــب النجــــاح لهكــــذا علاقــــات ..
لأنــه لا يـــوجـــد تقبـــل مـــن أحـــــد الطـــرفيـــن للآخـــر
ممـــــا يؤدي إلـــى الخـــلافــــات والطــــلاق أحيــــانـــا ..
ويصبـــح الأبنــــاء ضائعيــــــن بيـــن الأم والأب


شكـــري الجـــزيل لك أخــــي علــى هـــذا الطــــــــــــرح

دمـــت بخيـــر وعافيـــــــــــــة

سحابة ذكريات
17-09-2014, 09:07 PM
انا معاج اختي ،، و لكن احنا اللي قصدناه اكثر شي بهالموضوع هو الازواج اللي يتزوجون لان والله حضرة ابوها البنت يقول والله انا عاطي كلمه لفلان ان بنتي لولدك من 10 سنوات و خلاص ما ارجع فكلامي ، وفنفس الوقت كل واحد يعرف الشخص الثاني او سمع عنه كلام او يعرف اخلاقه و طبايعه و يعي انه ما يتناسبوا بس اهلهم مصرين ع قرارهم ،، هذا اللي قصدناه ..

ولا تستغربوا ترا بجد في اباء بهالشكل و انا بنفسي اعرف ناس بهالشكل

كان كذاك صراحه الله يعينهم
وحرام عليه الاب الي كذا يسوي
الرجال يمكن كن يحس خلاص ما قادر يستحمل ويتأقلم اكثر معها ايتزوج ثانيه
بس هي مو اتسوي ؟؟؟
ماشي ما عليها الا تصبر وتتقبل ذك الحياه
ف النهايه هذي قرارات الكبار لكن تطيح ف الصغاربسبب قرارات القبليه وولد فلان صديقي وولد علان

ماحب حد ابد
17-09-2014, 09:38 PM
كان كذاك صراحه الله يعينهم
وحرام عليه الاب الي كذا يسوي
الرجال يمكن كن يحس خلاص ما قادر يستحمل ويتأقلم اكثر معها ايتزوج ثانيه
بس هي مو اتسوي ؟؟؟
ماشي ما عليها الا تصبر وتتقبل ذك الحياه
ف النهايه هذي قرارات الكبار لكن تطيح ف الصغاربسبب قرارات القبليه وولد فلان صديقي وولد علان
هذا اللي حاصل ..
يعني تخيلي ولي امر يقول لبنته انا موافق قبل لا اخبرج و خلاص عطيتهم كلمه ما برجع فيها ،،
يعني شوفي الظلم اللي ممكن يحصل لبعض البنات ..

ما يدرك. بعض اولياء الامور هداهم الله ان ابناءهم و بناتهم امانه في اعناقهم ، من اليوم اللي يرضيه يشوف بنته تعيش الظلم و العذاب و الحياة البائسة بسبب عجرفته و انانيته و دكتاتوريته في اجبارها عالزواااج !!

شكراً أختي غزلااان اتكلامك و مشاركتج مكسب لنا

بنت الغالي ومابالي
18-09-2014, 12:32 AM
اذا الاسلام جعل من شروط الزوج رضا الفتاة على الزواج من الاهالي عشان يمانعو هشي
وشي ثاني ان بعد ذكر فسنه النبوية وشكرا