(((( على طول المشاعر ))))

[نسر البوادي]

على طول المشاعر اللي حوتنا من ثلاث سنين!!
نحتّ إسمگ على بالي وأثري مو على بالگ

على حرّ الجمر أنطر متى لحظـہ لقانا تحين
متى ألمس هدب عينگ وأحس برعشـہ اوصالگ

تصدّق من عقب ما قدّر اللـہ ينگتب هالبين!!
أبد ماغاب عن عينيْ مزوح‘ـگ و گثرة اهبالگ

لأني شفتگ الأول و غيرگ صاروا التالين..

غلاگ اللي سگن فيني تراهـہ موجود لين الحين !!
أبد ماهزّهـہ غيابگ ولا تأخير مرسالگ

توقعّتگ تبادلني شعور الحب بين اثنين
ومثل ما البعد غربالي ضروري يگون غربالگ

حسافـہ جيت متغيّر وبيدگ شايل السگين!!
أسولف لگ عن اشواقي تقول لي مالي ومالگ

زرعتگ نبتـہ بصدري .. سقيتگ من دموع العين !!
ولگن أگتشفت أنگ حبيب شايفنَ حالگ

أشوفگ تغلط بحقي واقول مردود لگ هالدين
لقيت القلب يرضيني وبالغفران يسعى لگ

أنا ماهنت لگ نفسي عشان تذلّني وتهين !
ولا تفگر أبد إني لعينگ بقبل افعالگ

و إلى منـہ طرى لگ هاجسگ لأنگ جميل وزين
تبي تلعب بأعصابي مثل ما الهوآ يحلى لگ

تذگر شطر هالشاعر نطق بـہ قبلنا بعامين !
ترى ماني تبيع‘ـن لگ ولاني بأصغر عيالگ


أبد لا يغرّگ إخلاصي وسؤالي عنگ يا المسگين
مدامگ خضت هاللعبـہ ونويت تحقق آمالگ

ببدّل گل أطباعي وبنسى گل ماضي شين
وبطوي صفح‘ـہ الطيبـہ وبصير اليوم قتّالگ

بتلقى أخلاق مقلوبـہ سوى گل مايخص الدين
و لامن قابلگ زولي تهجّ وبيدگ نعالگ

ترى هذي جزاةةُ اللي بدى يلعب على الحبلين !
ومن يلعب مع البرگان أكيد إنـہ غدى هالگ

وإذا ضاقت بگ الدنيا وضاق الگون بگ بعدين
وصار الهم في صفگ وشانت عقبي أحوالگ

خلاص .. لا تجيني تتعذر وتذگر هالثلاث سنين
لأنها للأسف هانت بقولـہ مالي و مالگ !!

[حبك وطن]

رووووووعه وانتقاء جدا مميز •°~`
يعطيك العافيه اخوووي
لاخلا ولا عدم ~`•○

[نسر البوادي]

حبك وطن تسلمين ياذوووق مرورك اسعدني

[مجنونك ما يخونك]

http://www.7obcafe.com/wp-content/uploads/2013/09/0800aa24c22a37dcbee8cc31ddaed34a3.gif

[نوارة الكون]

سلمت يمناك خيو

[رايق البال]

هلا فيك لاند ..
نص واختيار رائع كالعاده الله عليك الله
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[اهلي ملاذي]

نص جدآا رآئع آخي لاآند
آلف شكر لطرحكك آلمميز
خآاالص آحترآمي#

[عملاق الشعر]

لاند

نص جميل جدا

سلمت يداك المبدعة وذوقك الراقي

[نسر البوادي]

مجنونك تسلمين ياذووق مرورك اسعدني

[نسر البوادي]

نواره تسلمين وكلك ذوووق

[نسر البوادي]

استاذي رايق البال مرورك اسعدني وتسلم ياذووق

[نسر البوادي]

شذا الخزامي تسلمين ياذووق مرورك اسعدني

[نسر البوادي]

عملاق الشعر تسلم ياذووق مرورك اسعدني