الحزين اللي ينام وفي عيونه دمعتين

[نـــــــقــــــــاء]

كنه فوق الجمر نايم لا تقلب تستعر

ألف آه وسط جوفه ما رضا يوم تبين
كاتم العبره ولكن دمع عينه ينحدر

ماعلى لسانه سوى كلمة عسى ربي يعين
وخز سيف في صميمه كل ما قيل " الصبر "

ما انفطر قلبه على حزنه ولا ضيم السنين
مير ظلم اغلى الحبايب شاعل بقلبه جمر

بس يا همومه كفاااااايه وش بعد أكثر تبين ؟
من كبر همه وحزنه صار هاوي للشعر

شوفي كيف أبدع بوصفك من كثر ماهو حزين
كل من يقرا سطوره خاطره منها انكسر

عيت الفرحه تزوره وعيا حظه لا يزين
في خفايا الروح يبكي ويبتسم بين البشر

وقته القاسي كسر به ما رضا لحظه يلين
ما شكى كثرة همومه غير للي مقتدر

واحد يعلم بحاله .. خالقه هو المعين
يطلب الله في صلاته يرأف بحاله القدر

ويالله تفرج همومي وهم كل قلب حزين
وترزق المهموم بسمه عقب ضيقات الصدر

[رايق البال]

هلا فيك نقاء ...
كالعاده لا جديد عليك هذا التميز والإبداع
الف شكر لجهدك واختيارك وتفاعلك الرائع .. كلك ذوووق

[نـــــــقــــــــاء]

ألف شكر لطيب المرور أستاذ
وفقك الله

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,