زهرة الأحلام
24-01-2015, 09:34 PM
الشوق ماله عمر, يفنى وينعاد..
له في الضلوع إن عاد وإن غاب رجفه!!
.
مع كل فرقى, له ورا الجفن ميلاد..
وإن ماتت الفرقى لقى الشوق حتفه!!
.
جيت أقتل الفرقى من بلاد لـ بلاد..
ملّ الطريق يشيلني فوق كتفه!!
.
وأنا بعد ملّيت من كثر ما أرتاد..
هالشارع اللي كان لك فيه شرفه!!
.
تظمآ عيوني شوفك, وتشبع سهاد..
عيّا الزمن يقطع ظماها بـ رشفه!!
.
لا وجهك أسقاها, ولا ذاقت رقاد..
ما غير طيفك, طيفك اللي أعرفه!!
.
كنّه ظبي, وعيوني ظلال صيّاد..
يجفل قبل يرتدّ للجفن طرفه!!
.
مشكلته أنه كل ما أشتقت يزداد..
حتى ملآ جدران وقتي وسقفه!!
.
وأصبحت أشوفه فـ أول الغين لا جاد..
وفـ أقصى الشفق لا طاحت الشمس خلفه!!
.
وفي الأرض لا نامت عقب صوت رعّاد..
وفي كل شباكٍ صحت منه درفه!!
.
أتعبت طيفك لوم, واللوم ما فاد..
ويوم الأمل في شوفتك مات نصفه!!
.
نويت أسافر عنك بجروحٍ جداد..
وعمرٍ من أوراق الزمن حان قطفه!!
.
نويت, لكن جابني الشوق منقاد..
وجابك حنينك, والزمن سال عطفه!!
.
شفتك تبسّم لي خجل مدري عناد..
وفي نظرتك شوقٍ من الظلم وصفه!!
.
حسّيت كني طفل, وعيونك أعياد..
يا عيدي اللي له ورا الصدر رجفه!!
.
سمّ اللقاء صدفة, وأسمّيه ميعاد..
أنا أنتظرتك, وأنت مرّيت صدفه!!
له في الضلوع إن عاد وإن غاب رجفه!!
.
مع كل فرقى, له ورا الجفن ميلاد..
وإن ماتت الفرقى لقى الشوق حتفه!!
.
جيت أقتل الفرقى من بلاد لـ بلاد..
ملّ الطريق يشيلني فوق كتفه!!
.
وأنا بعد ملّيت من كثر ما أرتاد..
هالشارع اللي كان لك فيه شرفه!!
.
تظمآ عيوني شوفك, وتشبع سهاد..
عيّا الزمن يقطع ظماها بـ رشفه!!
.
لا وجهك أسقاها, ولا ذاقت رقاد..
ما غير طيفك, طيفك اللي أعرفه!!
.
كنّه ظبي, وعيوني ظلال صيّاد..
يجفل قبل يرتدّ للجفن طرفه!!
.
مشكلته أنه كل ما أشتقت يزداد..
حتى ملآ جدران وقتي وسقفه!!
.
وأصبحت أشوفه فـ أول الغين لا جاد..
وفـ أقصى الشفق لا طاحت الشمس خلفه!!
.
وفي الأرض لا نامت عقب صوت رعّاد..
وفي كل شباكٍ صحت منه درفه!!
.
أتعبت طيفك لوم, واللوم ما فاد..
ويوم الأمل في شوفتك مات نصفه!!
.
نويت أسافر عنك بجروحٍ جداد..
وعمرٍ من أوراق الزمن حان قطفه!!
.
نويت, لكن جابني الشوق منقاد..
وجابك حنينك, والزمن سال عطفه!!
.
شفتك تبسّم لي خجل مدري عناد..
وفي نظرتك شوقٍ من الظلم وصفه!!
.
حسّيت كني طفل, وعيونك أعياد..
يا عيدي اللي له ورا الصدر رجفه!!
.
سمّ اللقاء صدفة, وأسمّيه ميعاد..
أنا أنتظرتك, وأنت مرّيت صدفه!!