مناااااااااااااااااااديب اخر زمن ؟؟؟؟

[مجنونك ما يخونك]

السلام عليكم ورحمة الله وبركاته

************************************************** ****************************

ابي اخذ رايكم في موضوع صار شي معانا بدوام في وحده تشتغل معانا بالاستقبال تمام وقبل كانت وحدة تشتغل معاها بس طلعت حصلت وظيفة ثانية الحين كرسيهااا فاضي وفي هالشركة في مندوب وهالمندوب دايما يجي يجلس جنب البنت في الاستقبال وهي ما تبي راحت واتكلمت مع المسؤول بس ما كو فايدة جاه وكلمه وهو يصرخ انا حر اجلس ايه مكان اريد اليوم البنت طلعت الكرسي يلي جنبها لكن بعده راح ورجع الكرسي وجلس والبنت عصبت جالت له لو سمحت ما اريدك تجلس هنا جالس يصرخ عليها اخترمي نفس وانتي ما تعرفيني يوم اعصب البنت جالت انا ما ابيك تجلس جال من يجي المدير بعدين وقانيا انا حر ايه مكان اجلس اونه واروح اشتكي عليش وكذا اريد اعرف من يلي غلطان المندوب ولا البنت وانا يلي اعرفه المندوب ما يجلس في الاستقبال وهاي مو اول مره البنت تشتكي منه وهو ولا ع باله . اريد اعرف من الغلطان؟؟؟البنت و المندوب ولو انتوا كنتوا مكان هالبنت شو راح اتسوا ؟؟؟




مجنــــــــــــــــــــــــــــــــــــــونك

[نور العيون 2013]

كيف هيك ؟؟؟؟!!!!

شووو شركه سايبة ماكوو مدير؟؟؟؟؟؟؟؟؟..

شي غريب صراحة..

[مجنونك ما يخونك]

كيف هيك ؟؟؟؟!!!!

شووو شركه سايبة ماكوو مدير؟؟؟؟؟؟؟؟؟..

شي غريب صراحة..

المدير موجود بس اذا في هالامور في مسؤول الموظفين قبل يشوف بعدين المدير اصلا المدير كل برا وهالمندوب وايد مصخها اريد اعرف من غلطان فيهم

[نور العيون 2013]

المدير موجود بس اذا في هالامور في مسؤول الموظفين قبل يشوف بعدين المدير اصلا المدير كل برا وهالمندوب وايد مصخها اريد اعرف من غلطان فيهم

هو المندوب هاي بتاعكم ما معه مكتب ؟؟؟

[مجنونك ما يخونك]

هو المندوب هاي بتاعكم ما معه مكتب ؟؟؟

عنده وفي مكاتب فاضيه

[نور العيون 2013]

عنده وفي مكاتب فاضيه

عيل هو غلطان ومن حقها البنت تعترض شنو يبي جاعد معها ناس مريضة....

[احلام صغيره]

غريب هالشخص هو الغلطان المفروض يجلس مكانه وما يحق له يجلس مكان غير وما مناسب حاله
المفروض المسؤول يكلمه ويوقفه عند حده

[بنت الغالي ومابالي]

انا اقول ماتروح الدوام واذا سالوها تقول لهم ان هذا المندوب لزجه وهي كم مره اشتكت
يعني المندوب هو الغلطان

[حمد نجد]

ليس من حق اي انسان ان يجلس في مكتب رسمي وهو لاعلاقة له به . المندوب مفروض يؤدي عمله ويمشي ماله حق يجلس والا اذا كان يحتاج جلوسه يجلس في صالة الانتظار او عند الموظف اللي له علاقة بعمله وبرغبة الموظف .. انا مدير قسم وكانت احدى الموظفات في الاستقبال وذات يوم جاءت صديقتها وجلست معها في الاستقبال فتغاضيت عنها تلك المرة قلت يمكن اليوم بس ولكن شفتها تجي كل يوم المم باليوم الثالث كلمتها قلت هذا مكان عمل وهذا مكان موظفين فقط اذا كنتي زائرة تفضلي بغرفة استراحة الموظفات . وكلمت الموظفة قلت ممنوع تستقبلين احد في الاستقبال لكن تاخذينه ع الاستراحة .
البنت معها الحق و المندوب قليل ادب وعديم احساس والمدير ضعيف شخصية والا مفروض يطرده . فالمخطيء لاهي ولا هو المخطي المدير اللي يسمح بوجوده .انا لو كنت مكان المدير كان طردته ومنعته من دخول الادارة نهائيا وكتبت الى مرجعه انه شخص غير مرغوب فيه لدينا ولازم يبدّل بغيره
لو كنا مكان البنت بنروح للمدير المباشر ونكلمه واذا استجاب والا نكلم الامن الخاص بالمؤسسة (السكيورتي ) ونطلب منهم يخرجوه ويمنعوه من الدخول نهائيا ويكتب الى مرجعه
شكرا لك على ثقتك بالاعضاء وطلب مشورتهم

[حامي الذمار]

جذبني في الموضوع كلمة مناديب ولما دشيت عرفت شو تعني ههه


المهم ..طبعا أخلاقيا المفروض المندوب يجلس في المكان المخصص له والغلطان هوه المندوب طبعا .

[مرتاح ويتصنع قلبي الراحة]

الظاهر انها شركة من دون بواب

[يَاسَمِين]

هو الغلطان
تشتكي عليه
واذا ما تغير شيء تطلع من الشغل وتشري راحتها ..

[زهرة شناص .]

شي غريب صراحه

[بـــن ظـــآآهـــــــر]

الظاهر هذا الشخص لا يوجد معه اي احترام والا ما بيرفع صوته على بنت بس شكله يعرف محد بيوقفه عند حده لهذا قام يرفع صوته البنت على حق دامه لا يعمل معها بالاستقبال لا يجلس جنبها واعتقد يوجد مكان مخصص ل الاستراحة اذا ارد الجلوس

[مجنونك ما يخونك]

مشكلته ما يحترم حد شايف نفسه اونه هو يجول حج البنت شوفي اذا ما سكتي عني اشتكي عليج ليش تشتكي وعلى شو اصلا
احسه انسان مريض نفسيا اونه لازم كل البنات يركضوا ورا ما اعرف شو شايف نفسه توم كروز اخيه من تصرفاته

[عقلية فذة]

مبيٍن من الغلطان

[مفتر رآسيَ !]

تفنشّ يوم انه الموضوع وايد مضايقنهاّ :)

[البلوشي خالد]

يمكن يحب الرجال وقصده شريف ويحاول يبرز قصده بهذه الطريقة- ههه
وبعدين الكرسي ماله ذنب صراحه هية تطلعه وهوه يرجعه مثلا طاح وانكسر ايش ذنبه الكرسي
الكرسي اول شي ماله دخل ف السالفة وما غلطان

[جمال319]

اتوقع انه الكرسي هو الغلطان ليش يجلس هناك دامه فاضي يروح يشوف مكتب مزحوم ويدخل فيه وكيه نحلت سالفه

[جمال319]

كنت اشوف العنوان واقول شو يعني مناااااااديب