اريد اعرف ليش كذا ؟؟؟؟

[الحارثيه 3]

... السلام عليكم ورحمة الله وبركاته ..
كيف حالكم اعضاء السبله الكرام ..
صارت معي سالفه واريد اخذا رايكم فيه ..

من ثلاث شهور كان عندي انتفاخ بسيط في أعلى الساق الايسر، رحت المركز الصحي الي قريب من البيت ،، والطبيه قالت بحولك لمجمع صحي احسن اعملي اشعه مقطعيه ،، ما متوفره في المركز الصحي ، ووصلت الرساله انه عندي موعد حال اشعه تاريخ 15/2/2015 ، حلووو

وليوم من الصباح وانا في المجمع الصحي ، ودخلت قسم الاشعه وجلست انتظر ، ما يمر دقيقتين إلا الموظفه الي في السجلات تقول عندك موعد في الباطنيه مو الاشعه .؟؟؟!!!!!


عااد انا اسطميت !!! قلت لها بس انا محوله من المركز الصحي للاشعه .

قالت لا موعدك في الباطنيه .

قلت لا حول ولا قوة ...... رحت قسم الباطنيه واسمي موجود عندهم وعاااااد جلست انتظر بعد نص ساعه وشي جاء دوري ودخلت عند الطبيبه ، تمام ..... لما قرأت الطبيبه قالتي انتي ليش محوله عندنا نحن ما شغلنا الايد والرجل المفروض تروحي قسم العظام ؟؟!!!!!!!!!

استغفر الله واتوب اليك ..انا وحدي ما اعرف ليش حولوني الباطنيه !!!!!؟؟؟؟؟؟

وقتلها كيف يعني اطلع ؟؟؟؟!!! قالت الطبيبه انتظري وشاف رجلي وقالت لحظه انا بحولك الاشعه .. قلت الحمدلله .. لما تخلصي اشعه تعالي هنا وانا بحولك العظام ..
يااااربي .... قلت ان شالله ..

رحت الاشعه وقالتي الممرضه تفضلي وجلست وبعد شوي قالت فلانه الحارثيه .. قلت نعم روحت عندها عاااااااد انا فرحانه داخله الاشعه ..
الا تقولي تعالي الاسبوع الجاي ..... وانا واقفه قلت لها : نعم شوووو قصدك الاسبوع الجاي ؟؟؟؟!!!!!!!

قالت : موعدك حال الاشعه .
قلت : والحين ليش ما اعمل الحين ؟؟؟؟!!!!
قالت ما يصير لزم بالموعيد كذا النظام ..

والله مافي حد في قسم الاشعه حرمتين ... لو كان في زحمه والوقت متاخر وما يستقبلوا بقول ما مشكله .... بس قسم بالله بسسسسس حرمتين ... وساعه 8 الصباح ليش اريد افهم ليش كذااااااا ؟؟؟

وطلعت ورحت الدوام ...يعني ليوم متاخره والاسبوع الجاي باتاخر بعد شووو هذي الحاله

يعني دام انتي ولا انت واصل العياده الفلانه وحولوك للاشعه والا اي قسم ليش ما يعملوا ذاك الوقت ليش تنتظر اسبوع ولا اسبوعين ولا شهر بس عشان اشعه ولا يحولوك من قسم لقسم ليش هذا التاخير ؟؟؟؟؟؟؟؟؟؟؟؟؟!!!!!!! ولا انت فاهم اي شي كل واحد يحولك لقسم .. ليش هذا اللخبطه الي صايره ؟؟؟؟!!!!

المريض ينتظر أشهر لحد ما يواصل موعده ولما يواصل الموعد لززم يصير شي ...ماالأسباب ف وجهة نظرك؟؟


نتظر ردوكم الطيبه ... شكراً لكم [/center]

[دار الجبايل]

المفروض لا تسكتي عنهم
الفساد موجود تراه
ربي يشــــــــــــــفيك من كل شير

[نورمان]

لا حول ولا قوه الا بالله لو تشتكي اختي اذا شفتيهم ع حالهم
م تشوفي شر ربي يعافيك

[متعبةة عسآفها ~]

سيري مستشفى خخاص ، اخخيرلج و ابركك بدال مذلةة مستشفياتنا الحكوميةة :)'


ربي يشافيج ويعافيج ♡'

[وريث العز]

ربي يشفيك

كثير تحدث هذه الاغلاط سببها شخص سجل البيانات غلط وضحيه شخص اخر
اذكر رحت 2013 احجز موعد كان وقت الموعد 2014 يعني سنه كامله يريدوني اريضهم
كانهم يقولوا الي روح دور مكان ثاني
رحت ويش نسوي بعد

[تباشيرالأمل]

السلام عليكم

مشكلة الروووتين وعدم المرونه
لايرعون المرضى ولاضروفهم

اسال الله لك الشفاء

[الحارثيه 3]

المفروض لا تسكتي عنهم
الفساد موجود تراه
ربي يشــــــــــــــفيك من كل شير

تكلم من ولا من ؟؟؟؟!!!!!... كلهم حافضين كلمه وحده هذا النظام

جميعا .... شكرا اخوووي ع المداخله الطيبه

[الحارثيه 3]

لا حول ولا قوه الا بالله لو تشتكي اختي اذا شفتيهم ع حالهم
م تشوفي شر ربي يعافيك

الشكوى لغير الله مذلة .. خليها ع الله .....
الله يسلمك ويعافيك والشر ما اجييييييك..
مشكوره يالغاليه ..

[بنت الغالي ومابالي]

زين كان رحتي تشتكي عليهم

[الحارثيه 3]

سيري مستشفى خخاص ، اخخيرلج و ابركك بدال مذلةة مستشفياتنا الحكوميةة :)'


ربي يشافيج ويعافيج ♡'

شو نسوي .. يالله الحمد لله رب العالمين ..
آآآآآآمين عزيزتي ... شكرا

[boston boy]

ما تشوفي شر اختي ولاكن هاذي المواظيع خاص اختي تحياتي انشا الله شفا!! امين

[الحارثيه 3]

السلام عليكم

مشكلة الروووتين وعدم المرونه
لايرعون المرضى ولاضروفهم

اسال الله لك الشفاء

وعليكم السلام والرحمه ..
اكبر مشكله المريض ينتظر الموعد بفارغ الصبر يتاخر ع شغله ولا يؤجل ارتباطاته عشان الموعد المنتظر ويصر شي ...وو يرجع العياده مره ثانيه وفي يوم ثاني ..

آآآآآآآآمين
شكرا لكي هدوء ع المداخله نورتي الصفحتي ..

[boston boy]

ان شا الله اختي

[الحارثيه 3]

ما تشوفي شر اختي ولاكن هاذي المواظيع خاص اختي تحياتي انشا الله شفا!! امين

الشر ما يجيك ..
اخوووي انا اقولك عن الموقف الي صار بخصوص تاخر المواعيد ... وعن موعدك في القسم الفلاني ويصير في قسم ثاني .. من مركز للمجمع ...والانتظار وتعال وروح والخ ... والمريض مافي هبه حال هذا كله ...
انا ما اتكلم عن شي خاص ..
وشكرا ع المداخلك

[الحارثيه 3]

وويش دخل الواسطه في السالفه ؟؟؟؟؟؟؟!!!!!!

[الحارثيه 3]

يعني الواسطه بتدخلك ع طول ع الطبيب بدون موعد ولا شي ؟؟؟!!!!
اذا مستشفى خاص انا معك بس مستشفى حكومي لا

[يَاسَمِين]

سيري مستشفى خخاص ، اخخيرلج و ابركك بدال مذلةة مستشفياتنا الحكوميةة :)'


ربي يشافيج ويعافيج ♡'

ما الكل عندهم استطاعة انهم يتعالجوا بمستشفيات خاصة

واللي اشوفه ما شيء نافع عندنا
مستشفياتنا الحكومية مذلة لاخر حد
ومستشفياتنا الخاصة يخرفوا الواحد خراف

[الحارثيه 3]

شكرا لكم جميعا على مروركم الطيب لجميع الى كل من علق او شاهد او اعجب بما اشارككم به ، تحياتي الحارة ...

الحارثيه

[فديت أرضي]

الله يشفيك اختي...
بس أتمنى تشتكي ع طبيبه الي اول شي حولتك. ....
هذا عمل مجبورة تأدي فيه واجبها ما لعب عيال....

[جمال319]

بما انك عندك موعد وماخذه اجازه من عملك والموعد حوالي من شهر وعندك المسج مفترض منك ماتروحي من القسم اﻻ ونتي معالجه
كان تروحي اﻻداره وتكلميهم وهم ملزمين بعمل اﻻشعه
الخطاء منا نحن المراجعين نتنازل عن حقنا وليش اروح عياه خاصه دام الوطن ملزم بعﻻجي

[الحارثيه 3]

بما انك عندك موعد وماخذه اجازه من عملك والموعد حوالي من شهر وعندك المسج مفترض منك ماتروحي من القسم اﻻ ونتي معالجه
كان تروحي اﻻداره وتكلميهم وهم ملزمين بعمل اﻻشعه
الخطاء منا نحن المراجعين نتنازل عن حقنا وليش اروح عياه خاصه دام الوطن ملزم بعﻻجي

هلا اخي ..

اولا انا ما اخذت اجازه .. انا رسلت حال مديري وقلت له انا عندي موعد وبتاخر شوي .... كل ع بالي ساعه بالكثير واخلص لانه بس اشعه .... ما كنت عاارفه انه سالفه طويله عريضه ..
وبعدين انا رحت للطبيه بعد ما قالوا في الاشعه انه ما يصير ليوم ... وقالت خلص انتظري لاسبوع الجاي لانه قسم الاشعه هم الي يحددو المواعيد .... يعني شو اسوى اكثر؟؟؟؟؟!!!!!!!
يالله الحمدلله رب العالمين ع كل حال ...
بس اتنمنى ان نظام المواعيد يلغوها من مستشفياتنا لانه تبهدله وتعب المريض بصراحه ..
وشكرا ع مداخلتك ..

[فِدَىْ قَابُوسٌ المُعَظّمْ]

السلام عليكم ورحمة الله.
عندي سؤال اذا ممكن:
الطبيب الباطني حولك للاشعه عشان تعملي اشعه ف نفس اليوم او تاخذي موعد ؟؟؟ فيه فرق.

ثانيا ماعليك من الي تشوفيهم ينتظرو ف الاشعه..شخصين او اكثر..يمكن هم مقيدين بعدد معين يوميا ومايقدرو يتخطيو العدد عشان يسوولهم اشعه.

بما انه عطوك موعد بعد اسبوع..معناه حالتك تستطيع الاظار من وجهة نظر الطبيب..
وهذا حال مستشفياتنا...دائما كذا

سلامتك ماتشوفي شر ان شاء الله

احترامي

[غـــزلااان]

أهـــلا بـــك عـــزيزتــي الحـــارثيـــــــــة ..
هـــذا ليـــس أمــــــرا جــــــديــــدا علــى مستشفيـــاتنـــــــا ..
لـــم أذهــب لمستشفــــى منـــذ فتـــرة طـــويلـــــــــــــــة
لأنـــي أعلـــم يقينـــــــــا عـــن طـــريقتهـــم فــي التعــامـــل مـــع المـــرضـــى
والمــواعيـــــــــــد المتأخـــــــــــــرة .. لــذلك أحبـــذ الــذهـــاب للعيـــادات الخاصـــة ..

أســـأل اللــــه أن يشفيـــــــــــكِ عـــــزيزتــــــــي
ويعينــــــكِ علــى مــوعــــدك القـــادم

طـــاب مســـاؤك

[حمد نجد]

اولا عساك ماتشوفين شر ولاترين بأس
نا اارى ان هذا الاجراء صحيح . عندك انتفاخ بالساق مو شرط يكون مشكلة عظام قد يكون كيس دهني قد يكون املاح قد يكون غدد وهذي امور كلها تخصص باطنية لذلك عادة الحالات الغير واضحة وغير مشخصة تحول لقسم الباطنية وبعد عمل الفحوصات اللازمة التي تخص العمليات الحيوية بالجسم والتأكد من التشخيص وقتها اذا كان سببه مشكلة من اللي ذكرت تستمر بالطنية او تحول على التخصص الدقيق المتفرع من الباطنية. بالنسبة لتصرف الموظفة في الاشعة فهذا تصرف صحيح نظاميا لان الطبيبة حولتك على الاشعة عشان تأخذي موعد لان مواعيد الاشعة تعطى من قسم الاشعة والجداول عندهم ،الطبيبة لو تبي تسوي لك اشعة الان كتبت للاشعة تعمل الان طبعا حسب الضرروة الصحية وحالة المريض اما اذا كتبت يعطى موعد روتيني فيكون حسب الامكانية . كون الموظفة او الانتظار مافيه الاحرمتين لايعني انهم فاضين قد يكون الشعة اللي بيسونها للمريضتين تحتاج وقت طويل وعندهم عدد محدد من المرضى ما يشوفوا اكثر منه. احيانا كما تفضلتي قد يكون هنك تلاعب وهم مايبون يشوفون باليوم الا مريضين او ثلاثة ولكن هذي مسؤولية الادارة مفروض يراقبوا وينتبهوا للنقطة هذي لان بعض الاقسام يبي يرتاح ومايشوفون الا عدد قليل من المرضى كل يوم . اما بالنسبة لتصرفها فهو سليم
عساك ماتشوفين شر

[زهرة شناص .]

ربي يشفيك

المفروض مايأخروك اسبوع وانتي تحتاجي الاشعه

الله يهديهم كله عندهم مواعيد

[almner]

في المقام الاول اتمنى لكي الشفاء
من الناحية الطبية اقول بأن ضمير الانسان قد تلشى واصبح بدون ضمير وبدون انسانية
من ناحية النظام عند البعض يطبق على المستضعفين وليس على انفسهم وهنا نقطة في بحر الانسانية
في المستقبل وبعد 10 سنوات من اليوم سوف تكون مواعيدنا بعد وفاتنا ولله الحمد لان الضمير الانساني توفا قبلنا ..

[الحارثيه 3]

تفاعلك مع موضوعي أفرحني ... وأدخل البهجة في نفسي وصفحتي ...
شكرا جزيلا لجميع الاحباء الذي اكرمني بمرورهم في صفحتي هذه دون ان اتمكن من الردود عليهم فردا فردا فليعذروني لضيق الوقت
فلكم جميعا صادق تحياتي ومودتي وتقديري
اختكم الحارثيه

[مائة بيسة]

انا من زمان كنسلت المراكز الصحية من قاموسي احسن ادفع فلوس ولااتبهدل
http://www.majaless.com/up/get-1-2012-c1lfd55x.jpg

[بـــن ظـــآآهـــــــر]

هذي الاخطاء تصير معهم اوقات والسبب عدم التركيز
اما بخصوص الاشعة المقطعيه نعم ما يعملوها بنفس اليوم حتى لو كنتي محوله من مركز صحي او اي عيادة خارجية وهذا شي معروف من توصلي معهم يعطوك عليها موعد قسم الاشعة المقطعيه عليه زحمه كثير بس دام عطوك موعد اسبوع حلو انا مره عطوني عليها موعد شهر كامل والله

بس اذا كانت الحاله مستعجله يعملوها بنفس اليوم طبعا بتقدير الطبيب على ذالك

[بـــن ظـــآآهـــــــر]

والله مافي حد في قسم الاشعه حرمتين ... لو كان في زحمه والوقت متاخر وما يستقبلوا بقول ما مشكله .... بس قسم بالله بسسسسس حرمتين ... وساعه 8 الصباح ليش اريد افهم ليش كذااااااا ؟؟؟

تعقيب على هذا الرد
اختي الحارثية النظام فعلا بالمواعيد
صحيح ما كان حد موجود بقسم الاشعة وقتها ولكن بالسجل للمواعيد هناك العديد من الاسماء موجوده ولم تحظر وهذا شي طبيعي الشخص من يشوف موعده بما يقارب اسبوعين او شهر بيروح يعملها بمستشفى بدر السما او اي مستشفى اخر ترى فقط سعر الاشعة 8 ريالات ما تحتاج كل هذا التأخير

[الحارثيه 3]

والله مافي حد في قسم الاشعه حرمتين ... لو كان في زحمه والوقت متاخر وما يستقبلوا بقول ما مشكله .... بس قسم بالله بسسسسس حرمتين ... وساعه 8 الصباح ليش اريد افهم ليش كذااااااا ؟؟؟

تعقيب على هذا الرد
اختي الحارثية النظام فعلا بالمواعيد
صحيح ما كان حد موجود بقسم الاشعة وقتها ولكن بالسجل للمواعيد هناك العديد من الاسماء موجوده ولم تحظر وهذا شي طبيعي الشخص من يشوف موعده بما يقارب اسبوعين او شهر بيروح يعملها بمستشفى بدر السما او اي مستشفى اخر ترى فقط سعر الاشعة 8 ريالات ما تحتاج كل هذا التأخير

شكرا لك استاذا العزيز ع مداخلتك الطيبه .. وتوضيح لي الصوره بخصوص المواعيد قسم الاشعه ..
بس لديه تعقيب بسيط اذ سمحت لي .... دام وصل مراجع للقسم الاشعه وعنده تحويل بعمل اشعه ، لما التاجيل في عمل الاشعه ؟؟؟!!! نقول انه لديهم اسماء وقوائم وموعيد لذالك اليوم .. ونفترض انهم ما حضر مراجع ولا مراجعين الموعد ولديهم المساحه لاستقبال مراجع اخر لم لا !!!!؟؟؟؟؟؟ لما التاجيل ؟؟؟!!!

الف شكر لك استاذي العزيز .
جزاك الله الف خير

[بـــن ظـــآآهـــــــر]

شكرا لك استاذا العزيز ع مداخلتك الطيبه .. وتوضيح لي الصوره بخصوص المواعيد قسم الاشعه ..
بس لديه تعقيب بسيط اذ سمحت لي .... دام وصل مراجع للقسم الاشعه وعنده تحويل بعمل اشعه ، لما التاجيل في عمل الاشعه ؟؟؟!!! نقول انه لديهم اسماء وقوائم وموعيد لذالك اليوم .. ونفترض انهم ما حضر مراجع ولا مراجعين الموعد ولديهم المساحه لاستقبال مراجع اخر لم لا !!!!؟؟؟؟؟؟ لما التاجيل ؟؟؟!!!

الف شكر لك استاذي العزيز .
جزاك الله الف خير

النظام عندهم لا تعمل الاشعة بمجرد تحويل من اي مركز صحي الا اذا كانت حاله مستعجله اول شي يتم الكشف على المريض من قبل الطبيب وبعدها يعطوه موعد حتى تعمل له الاشعة يعني بالمختصر ما يصرف لو نروح عيادة خاصه احسن ما بنتاخر كذا
هو المفروض دام لا يوجد مراجعين معهم يساعدوا الناس بدل ما يعطوهم موعد يعملوا لهم الاشعة على الاقل تقل الزحمة عنهم

[بن الريان @]

تبي الرمسه بو منها فائده !

----------------
شوفيلش عجوز وحبيها ع راسها من شيابنا الأولين وخبريها عن المشكله

ومتنعي عن ذا الغشش بو تشربووه البيلسي هوه ذا بو مكسرنكم والحلويات
كان تبي نصيحتي وأنتي والخير رباعه وبس ولا تفكري وتخسري فلوسش بلاش