الحين هذي وظيفة ول داخل سرب فئران

[علي الشعيلي]

السلام عليكم


مساء الخير


أبدي ف الموووضوع ع طووول


الحين أنا أول وظيفة هذي لي وأكتسفت حاجات غريبة عجيبة كلهم يضحكو مع بعض وأنا معاهم ومن أكون منفرد أنا وشخص منهم يتكلمو ع بعضهم بعض يعني بحاجيات فضيعة وبعدين يقولي تحذر لا تتكلم مع هذا عن الإدارة ول شي ول ترا بسرعة بيوصل مع الإدارة والله العظيم مليت من ه الوضع والمصيبة كلهم رجال وكذا يسويو أنا ما خيفان من الإدارة ولا شي ترا كلها شركة 12 شخص بس ياخي تحس يعني ما تقدر توثق ف أحد يعني نتعامل مع بعض مثل لأعدا بس نظهر ل بعض إنا حبايب


ظنيت من أنشتغل خلاص بنرتقي وتكون لإمووور غير ناس كبار بس للأسف

[نور العيون 2013]

وعليكم السلام ورحمة الله

مسااااااااء نوووور


الأسف في مجال العمل لا توثق في آحد ..
من جدامك شي ومن وراك شي ثاني يكون..
ماكوو غير تتعود ع هاي شي وتتأقلم..

كل شكر لك

[علي الشعيلي]

ظنينا كبرنا ورجعنا صغار


شكرا ع رد أختي
بوركتي

[جمال319]

من سبب يعني بما انك تقول انت وربعك نجلس نتكلم
بما انك.ما نكرت عليهم فعلهم وضحت لهم الغلط الي هم فيه
كان افضل من طرح الموضوع من اساسه

[Najl.y]

بغيت اقولك في مجال العمل لاتهتم لاحد انجز عملك باتقان وطور نفسك وخلي همك رضا ربك وضميرك لان غيرك مايحصلوا وظيفة
بتحصل عقول ايش اقولك الصغار احسن منهم وتحصل نقل كلام وضحك واثارة للفتنه ومزاح ثقيل وسخرية وامور كثيرة وكل واحد قصة
الا من رحم ربي اتمنى لك كل التوفيق والنجاح في حياتك.

[بوح السحاب]

صحيح هالكلام..
والمشكلة كانوا يقولوا ان الحريم كما المنخل ما تضم سالفة..

صارت مع وحدة مشكلة في الدوام .. والمشكلة الرجال وصلوها لبعض لحد وصلت للزوج ...

الله المستعان

ومثل ما قال اخونا نجل يافع انجز عملك
واذا قدرت تغيرهم فحاول ولك الاجر

[علي الشعيلي]

من سبب يعني بما انك تقول انت وربعك نجلس نتكلم
بما انك.ما نكرت عليهم فعلهم وضحت لهم الغلط الي هم فيه
كان افضل من طرح الموضوع من اساسه
أول شي أنا الوحيد العماني فيها ثاني شي صعوبة تفاهم معهم لإنهم هنود وباكستانية ثالث شي تخاف تتكلم بكلمة ولا تنصح وإنت ما تعرف كيف تنصح أصلا لإنه ما تعرف تكلمهم بالإنجليزي كثير
رابع شي أخوي أجلس معاهم ليش يعني تريد تجلس بروجك من ساعة 8ل 5مساء هذا مستحيل بالنسبة لي
بالنسبة لك سوي إلي يريحك
ما عاجبنك لموووضوع إحذف ردك

هذا من واقع نعيشه بس

[سحابة ذكريات]

السلام عليكم اخي علي
كثير بتحصل مثل هالامور
وفهذا الامر يفضل السكوت

[علي الشعيلي]

نجل يافع
بوح سحاب
سحابة ذكريات


شكرا ع المرور الطيب


مشكلة لما تكون موضف جديد ما تعرف ويش العمل بالضبط وما تعرف لما تتخالط مع هذولاء ويش الحل

[سحابة ذكريات]

نجل يافع
بوح سحاب
سحابة ذكريات


شكرا ع المرور الطيب


مشكلة لما تكون موضف جديد ما تعرف ويش العمل بالضبط وما تعرف لما تتخالط مع هذولاء ويش الحل

في ناس ما رضت عن ظلم يصير ومن تكلمت حصلت التشجيع من زملائها وان نحن بنكون معك
ولكن حصل نفسه وحيد ف المعلم والكل ضده حتى الي شجعوه
فأحسن الواحد يصمت
والدنيا دواره

[علي الشعيلي]

في ناس ما رضت عن ظلم يصير ومن تكلمت حصلت التشجيع من زملائها وان نحن بنكون معك
ولكن حصل نفسه وحيد ف المعلم والكل ضده حتى الي شجعوه
فأحسن الواحد يصمت
والدنيا دواره

أنا متعود الشخص أعطيه فرص بس مرة تنفجر العصبية وأطيح أحاسبه بكلامي يعني بس إلي من وراء هذي خليها بالنهاية يعني ف بيئة عمل وحدة فكذا تحس بضيق

[حامي الذمار]

الله يعينك على كذا ناس :(

[بـــن ظـــآآهـــــــر]

نفس هذي الاشخاص فاضيه وما عندها شغل
ويجب علينا ان لا نعطيها اي اهتمام

[حمد نجد]

اعجبتني اجابة احد الموظفين الجدد تحت ادارتي كان شاب عمره 23 سنة ولكن عقله عقل ابو 50 سنة بحكمته وبصيرته تعين مراسل في اداراتي وبعد فترة شفته مايجلس مع زملاءه كثير ولا يأكل معه ولا يتكلم معهم فسألته قلت اشوفك منعزل عن زملاءك احد مضايقك بشيء (بحكم انه جديد قلت يمكن احد قاله كلمة جرحته او شيء ) رد علي قال ياحمد انا جلست مع زملاءي ونتكلم ونضحك ولما اكون مع واحد منهم لوحده يجلس يتكلم عن زملاءه ويقول احذر من هذا وانتبه من هذا ويسبوا بعض فقلت في نفسي اذا هذي علاقتهم مع بعض ونظرتهم لبعض وهم بينهم عشرة طويلة وعيش وملح وما حافظوا عليها وما صفت نفوسهم معي بعض فكيف بيصفون مع ويحبوني وانا جديد فقررت انعزل عنهم اسوي شغلي وانا ساكت .. رد حكيم بصير ماشاء الله عليه.
هذه الظاهرة موجودة في جميع الدوائر والموؤسسات في جميع انحاء العالم
شكرا لك اخي على الطرح الهادف

[الأترجة]

هذه الظاهرة منتشرة وموجوده في كل مكان أخي تتعامل مع فلان وعلان وفي نهاية الامر تجيك صاعقة منهم كلام او انتقاد عليك وهم اللي يضحكوا معاك صارت حتى الثقة بين الناس شبه معدومه فتجنبا للقال والقيال اعمل شغلي وما لي دخل باحد واي شئ انا ما عاجبني في دائرة العمل ياخي اتكلم عند المسؤول المباشر عن الموضوع من باب وجهة نظر ولي حق في ابداء رأي دام انا فرد في هالمكان .
شكرا اخي على الطرح...