أحس أن آلغياب أجمل !*

[الشيخه الفلانيه]

؛

لي فـ الغياب أحباب
دام الحضور قبور
لا تقرّب الأغراب
دوم الغريب يبور

ويغفى النور
ولا أحسّ الحضور حضور
وأحسّ إنّ الغياب أجمل

تعال نغيب
تعال نروح للأخر
تعال أكثر من اللازم
تعال وبس !


تعب ياصاحب الأقلام
تعب وأحلامنا ما عادت الأحلام
تعب وأكثر مساحات الكلام قبور
تعبت أحضر شعر وشعور


تفتّش بي قلوب الناس
عن الإحساس
عن اللي ما وراء الصمت
عن الخافي
عن الــ ... ولاّ بلاش أحكي ..

تعبت أحكي
تعبت أكتب
تعبت أكذب
تعبت أحضر شعر وشعور .

.
.
.
تعال نغيب !


-

حضورك ما يخلّي للغياب حضور ..
ولا أنتْ تعرف وش جابك ..
ولاني آخر أحبابك ..
كأنّك طفل ..
وكأني لعبةٍ مليت منها بس ..
يجي غيرك بياخذها
وتغليها ..
وإلا من راح ..
ترميها ..
رخيصة عندك الأرواح ..
وأنا ماغير قلبٍ كان ..
حديثٍ حيّ ماقدرت تصيده بندق النسيان ..



تعال نغيب ..!!
كثر ما كان لحضورك طعم ثاني ..
كثر ما ضحكتك تغري ..
كثر ما كنت بك أجمل ..
كثر ما كنت بي الأجمل ..
كثر ما أذكرك وأنساني ..
وتنساني ..
وخذلاني ..
كثر ما كنت بك أغرق ..
أبيك تغيب ..!!




وإذا مرّيت بـ أحبابك ..
تذكّر ..
كانوا أحبابك ..
ووقّف عند طعم الـ ( كان ) ..
كذا تعرف ..
بأنّك فعل ماضي ..
كذا تعرف بأنّ اليوم ماهو أمس ..
وإنّك كنت ..
وإنّ الـ ( كان ) ..
حديثٍ حيّ ما قدرت تصيده بندق النسيان ..


.
.
.
.


تعال أمطر ..

يبس غصن الكلام المورق الأخضر ..
ولا ساقي ..
ولا غيمة يبللّ ضحكها أرواقي ..
سنين وشاعرك يقطف عناقيد الكلام العذب ..
ولاغايب قدر يرجع ..
ياليت العمر.. شريط أقدر أعيده كل ما غايب بذر نبتة غلاه بداخلي وأقفى ..
عشان من أوّله أجفى ..
عشان أرتاح من هذا الحنين اللي تغافلني وجاب أقصاي ..

تعال أمطر ..
عشان يكون للدنيا طعم ثاني ..
عشان أذكرك وأنساني ..
عشاني كان باقي لي بقلبك شي ..
عشاني مو عشان الشعر ..
مدد يا سيّد أوجاعي ..
كذا ماعادت الدنيا تساوي شيّ ..
كذا ما أحسّ بأنّي حيّ ..
أنا محتاج لك حتى لو أنّك جرح ..
تعال الليلة أكثر من كذا وأكثر ..
تعال أمطر
تعال امطر

تعال أبيك اليوم
خل بكرة لبكرة
طيّر حمام النوم
لو كنت بي مكره
خلّ الكلام يحوم
وأقنص لك الفكرة

تعال وشوف وشلون أبعث الميّت من الأحساس من قبره ..
تعال أنفخ لك بروح الشعر ما يطرب الأوراح ..
أنا ياسيدّي ربّ الكلام الموجع المرتاح ..

تعال أمطر ..

يبس غصن الكلام المورق الأخضر
ذبلت بغيبتك يا ساقي أحزاني
حسبت أنّي على هذا الغياب أقدر
وقلت أسلّمك لكفوف نسياني
وكان الدرب موحش والحنين أكثر
وكنت بكل درب أروح تلقاني

وكانت كل رغبة داخلي تصغر ..
وكنت أكبر..
ووحدك داخلي تكبر ..
أخيراً والحديث الموجع أحياناً هو الأحساس ..
أمانة خلّني بك غير كل الناس ..
ورح مسموح ..
لا ترجع ..
ولا يورق بعدك أحساس ..
ولا تمطر ..
هي الذكرى وحدها القادرة تبعث حياة بداخلي وأكتب ..
وأحسّ أني مثل هالناس ..
وأحسّ أنّ لجروحي قلب ..
وأروح أكبر ..
مثل كل الشجر لما يتساقط في خريف العمر ..
أنا ياسيّد أوجاعي بديت أسقط ..


.
.
.
.

كتبتك لين ماعاد الكلام أجمل ..
وبقيت أجمل ..
بقيت أطهر حقير بساحة الـ والي ..
بقيت الطامن العالي ..
وداعاً .. مو لأنّي ما لقيت أحساس ..
وداعاً .. لأن الناس ماهي الناس ..
وداعاً لأني الأجمل ..
وأذا مرّيت بشفاة الحديث وغنّت الذكرى ..
أذا جابتني الصدفة ..
بربّك شف لها صرفة ..
وقلّ لليل ياعمّي خلاص أنسى ..
وقلّ للفجر
ترا جينا من اقصى العمر ..
ندوّر للتعب مرسى ..

ورحت ولا بكى صاحب
ولا بنت أرخصت دمعة ..
كذا يمشي الغريب بسكّة التيه الطويل ولا معاه أحباب ..
كذا هي سيرة الغيّاب
يا آخر ضحكةٍ مرّت ببال الدمع قبل أرحل
أنا مغرور من يومي ..
أنا من خلقتي أجمل ..
أذا مرّة حكيت لعابرين الدرب ..
إذا ليلة ضعفت وقلت ..
فأنا فالغالب الأبعد ..
عطيني قلبي أسرفتي وأنا ما عاد أبي أصبر ..
صبرت أكثر من المعقول ..
ضعفت أكثر من اللازم ..
خلاص الحين ماعادت عيونك قبلة الأحلام ..
تعبت أسهر ..
أبي أرتاح ..
ابي عيوني مثل كلّ العيون تنام ..


كتبتك لين ماعاد الكلام أجمل ..
وبقيت أجمل
بقيت أطهر حقير بساحة الـ والي ..
بقيت الطامن العالي ..
إلى النسيان يا الأحلام
إلى الخذلان يا الأقلام ..
إلى مالا نهاية سارت الأقدام ..
وداعاً لأني الأجمل ..

لأروآحكم ؛

[ضحية غرامك]

بصراحه ابدعتي بالاختيار...

يعطيك العافيه

[رايق البال]

هلا فيك الشيخه ..
نص واختيار وذائقه من الصعب التعليق امامها
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[حبي خالص]

يااااااااااا سلام
مبدعه عزيزتي
وذائقه جدا راقيه

[نسر البوادي]

الله الله عليك ياشيخه تسلمين ياذووق طرح فاق الروعه والابداع وانتقاء اروع يعطيك الف عافيه

[الشيخه الفلانيه]

بصراحه ابدعتي بالاختيار...

يعطيك العافيه

أسعدني مرورك :)'

[الشيخه الفلانيه]

هلا فيك الشيخه ..
نص واختيار وذائقه من الصعب التعليق امامها
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

ألف شكر آخي ؛ آسعدني مرورككء :)'

[الشيخه الفلانيه]

يااااااااااا سلام
مبدعه عزيزتي
وذائقه جدا راقيه

نورتي خيتيه ♥♥'

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

[زهرة الأحلام]

.
.



الشيخة ..
كلماآت جميلةة / ذوقٌ راآقي
اسعدكـ الرحمن ~

[الشيخه الفلانيه]

الله الله عليك ياشيخه تسلمين ياذووق طرح فاق الروعه والابداع وانتقاء اروع يعطيك الف عافيه

اسعدني تواجدككء :):)'