على فتات الأماني والأغاني ورشفة الأمال

[عطر الاحساس]

على فتات الأماني والأغاني ورشفة الأمال

أعيش وكل حاجة في غيابك تشبه لـ حاجة



أطر الفرحْ وأستنشق هوى وأزفر بقايا أحوال

وأهلْ الدمع في درب الجفا ياذلها الحاجة



كبر في غيبة أفراحي الحزن والجرح والإذلال

كسر كل الضلوع الغايرة وأحتاط بـ سياجه


لوى عنق المواصل بـ البُعد لينه غدى رحال

وماج الحلم في عين اللقا وعزومي إتواجه



تشوش صورته في وسط عيني زحمة الأزوال

وأشوفه فـ الوجيه اللي تمر وألمح حجاجه



وألملم من بقايا نظرتي غصة تضير الحال

عساها توصل وتِلْحِق غيابه نار وهاجه



ألا ياجرحي الساكن ألا يـ أصدق واشين فال

ألا يـ وعده اللي من رحل في أذني لجاجه



أنا مابي سوى حاجة ترد بـ رجعتك رجال

رحل عن كل هـ العالم معك يركض ورى الحاجة



أبي يرجع تعب جسمي يحرك داخله تمثال

دخيل الله غيابك من زمن طفى لي سراجه

[صدى صوت]

على فتات الاماني قصيده رائعه للشاعر صالح الزايدي ..
تسلمي يا عطر الاحساس على اختيارك الرقيق

[المحبه للخير]

طرح جميل
سلمت يمينك ...

[رايق البال]

هلا فيك عطر ..
الله عليك الله نص واختيار لايجيده سواك
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[نوارة الكون]

سلمت يمناج يالغلا اختيار متميز ربي يعطيج العافيه

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !

[زهرة الأحلام]

.
.



عطر ..
كلماآت جميلةة / ذوقٌ راآقي
أسعدكـ الرحمن ~

[حبي خالص]

الله على روعة الانتقاء وعذوبه الكلمات
يعطيك ربي العافيه عطر .. كلك ذووووووووق