. . . . ( العآديات)!

[أمآني!]

؛


دنيا الشعر عندي مباديها
آعرف أولها وتاليها
ما تنرفع راية شعر وإلا
قوة يميني لي تعليها
حب الرمك يجري بشراييني
آحبها وآحب طاريها
أقسم بها الرحمن ف كتابه
سبحانه إبعلمه مسويها
العاديات الإسم للسوره
حلف بها وهذا مغليها
وفي الغاشيه آيه لمن فكر
والهين مذكوره بتاليها
وماينحلف إلا ترى بغالي
هو لي ذكرها وهو مسميها
إظهورها عز وشرف تالد
وبطونها كنز إلمحبيها
ولي ما يعرف الخيل يظلمها
وأهل الجهل لصقور تشويها
والموريات اللي حوافرها
تجدح شرار النار توريها
وإذا المدى طول بقوتها
إتزيد ماشي يهديها
تشهد لها القدره على القدره
وتشهد لها الدنيا ومن فيها
قضيت عمري في مودتها
أحبها ولا أقدر أخليها
ياكم من صحرا ومن غابه
قطعتها وآنا أجديها
وياكم بأفكاري أحاورها
ولو نختلف أرجع وأراضيها
إتعرفني وإتعرف أسلوبي
والخيل تفهم طبع راعيها
فيها الذكا والعرف والفطنه
إبلا كلام أفهم وأحاكيها
وإن غبت عنها دورت عني
ريحة ثيابي بس تكفيها
هي مثل شعري ومثل تفكيري
حره ولا شي يساويها
عطيتها لي مر من عمري
واللي بقى من العمر بعطيها

[رايق البال]

هلا فيك اماني ..
عوده جميله واختيار بلاشك اجمل واجمل
الف شكر لجهدك واختيارك الجميل .. كلك ذووق
( نص يستحق النجوم الخمس)

[زهرة الأحلام]

.
.



أماني ..
كلماآتٌ جميلةة / ذوقٌ راآقي
أسعدكـ الرحمن ~

[عملاق الشعر]

اماني


نص جداا راائع اختي


سلمت يداك المبدعة وذوقك الراقي

[حبي خالص]

اختيار عذب أماني
كلك ذووووووق عزيزتي

[نوارة الكون]

سلمت يمناج يالغلا ربي يعطيج العافيه

[روح الحلا1]

ذائقة جميلة جدا
تسلمين اماني وربي يعطيك العافية..

[الرميثي]

نص جدا رائع
يسلموووو استاذه ع الكلمات الراائعه ..
يعطيك العاافيه