. . [ للحلم .. للشعر .. و / أشياء أخرى ] !**

[الشيخه الفلانيه]

-

مسآكم/صبآحكم .. شعر ♥♥'








أنكساره .. !!!
لو تبي ... قول إندثاره !!!
حزن أسود
من يمينه // من يساره
آه والمسكين قلبه
في وهم هم الزمان
ينتظر قلب يجي ياخذ بثاره
طاح حلم كان يبنيه ف خياله
عزتي له !!!
حالته ياخوك ... حاله
لاتلومه
ضاع منه راس ماله
وش كثر يتعب..... وهو شايل ف قلبه
ضيم أصعب
مثل طفل ... فارق امه ..
من يضمه ؟؟
من الشتات .. منهو يلمه ؟؟
من يعزي ميت في ثوب حي ..
إنزوى باقصى الظلام ..
ينتظر للنور ..... ضي
أسمعه يصرخ :
أنا من وين أمشي ..
والسهر نايم برمشي ..
مسكين
ماأقسى لحظات انكساره
كل هذا ..
وراح يبحث .. ف الليالي
عن نهاره !!!









السنين / الزرع ... والموت/ الحصاد
والوجيه اشباه ! .. ماتشبه وجيه !


من بلاد التيه ..... ياتيه البلاد !
مات شاعر ! ( رحمة المولى عليه ) !

كان يحكي للزهر " قصة سعاد " !
لين ماحس المطر ... في راحتيه !


مانقص مثقال ذره ! ........ إلا زاد !
هالحنين .. اللي يسولفني حكيه !


ماهمى حظي على ترابي ! .. وجاد
ولانمى صبري على مابي ياهيه !


شوفني لاحلم بيدي ... ! .. لاعتاد !
بس عندي قلب ! ياخي ! ماأبيه !


شاعرك يدري .. وتدري ! .. للنفاد
يحتري .. موته / وقلبك .. يحتريه !


أطلق عيونه على طرد ! ... الرقاد !
وانكفت هي هي : تاكل مقلتيه !


فوق كل هذا ! أمانه ! .. شاستفاد !
غير طعنات من ايدينه.... تجيه !


بس تبي تشوفه إذا ربك ...... أراد !
شاعر ... تتوسد الغيمة .. يديه !!


والسواد إن حل .. قله : .. ياسواد !
هذي طعناته على ماهي .. عليه !










تذكر ذنبة الغافي ..وعثراته..وزلاته
................ تلفت مالقى ..غير الظلام ..وسكة قفرا


تنهد مالقى ..هبة نسيم ..تريح سكاته
................ تعذب ..حالته حالة عدوك ..شينه وقشرا


ينادي !! من ينادي ؟؟ والظلام يكسر اصواته
................ يناظر للطريق اللي ..توارى ..ويندب الحسرا


يعرف إن الذنوب أقسى من همومه ..وأهاته
................ وعرف إن الممات أقرب ..من الأهداب للنظرا


يسافر به عزا الذكرى ..على الماضي ولعناته
................ وجع من وين .. ماسافر ..إذا سافر ..مع الذكرا


قصر حبل الهروب اللي يشدة ..عن ألم ذاته
................ تعب .. من كثر ماينفض هموم باالحشا غبرا


يحاول يبتعد أكثر عن اللي كان ..قد فاته
................ يحاول يطوي الصفحة ويفتح ..صفحة عذرا


رجف قلبة على ماراح من ذنبة ..وميلاته
................ بكى ..ياطيب هالدمعة ..أخيرا ..طفت الجمرا !







واجي مكسور .. لاويني الجفاف .... وخفت لا انساه ..
غمسته في تجاويفي .. ولا ابتلت ! ... عدا احداقي !

تجيب المبتعد .. وتصب ارضه .....ليييين ينبت ماه
واحس بداخلي طفل .. يهيم ... ويشتم الساقي

عبث.. خاف وتغنى لـ الرحيل ... وسال بين غناه ..
واخاف يجيبه الدرب الطويل ... وتقصر أوراقي ...

انا لاجيت انقش من كفوف الذاكرة ... فرقاه ..
تبرا الدرب .. من كل الخطاوي ... واشتهى ساقي ..!

تعبت اسقي سماي من السؤال ... ولا ظهر معناه
كذا ياخذ مواعيدي ... ولا رتبت اشواقي !

يجي وافرش سكوتي .. ليين يزرع لـ الحزين شفاه ؟! ..
يجي اثقل من احلام الفقير ... وهقوة الهاقي ؟ ...

خفوق كلما بيّن مثل ضضضي القـرى .. جواه ..
عشقت اتوسل اسوار الغياب ... وغاب عشاقي

واقوم ابني على شط الاماني .. مشيته وخطاه ..
اذا امتدت سواحل .. مبعديه .. وخلت الباقي !

لاجل اضحك على عقل المشاعر .. واحتري يمناه ..
تصافح كل ضلع من ضلوعي .. مل خفاقي ! ..

واتم اللي توطاه الزمان .. وخفت لا انساه ..
غمست القلب في قلب الرحيل .. وجفت اعماقي ...!!








بعض اختيىراتي لجميل الحرف : جمال الشمري

دمتم بحفظ الرحمن ♡..

[رايق البال]

هلا فيك شيخة الرواق ..
بالفعل اختياراتك لا تترك لنا مجالا للتعليق عليها الله عليك الله
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[نوارة الكون]

سلمت يمناج اختي اختيار متميز ربي يعطيج العافيه

[حبي خالص]

الله عليك الشيخه من ابداع لآخر
دمتي شمعه تنير سما الرواق
ودي لك

[الشيخه الفلانيه]

هلا فيك شيخة الرواق ..
بالفعل اختياراتك لا تترك لنا مجالا للتعليق عليها الله عليك الله
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

أسعدني مرورك آخي .. ألف شكر :)'

[الــنور]

اختيار جميل .. يعطيك العافيه

[الشيخه الفلانيه]

سلمت يمناج اختي اختيار متميز ربي يعطيج العافيه

نورتي عزيزيء ♥♥'

[الرميثي]

نص جدا رائع
يسلموووو استاذه ع الكلمات الراائعه ..
يعطيك العاافيه

[الشيخه الفلانيه]

الله عليك الشيخه من ابداع لآخر
دمتي شمعه تنير سما الرواق
ودي لك

آسعدني تواجدككء خيتي :)'

[الشيخه الفلانيه]

اختيار جميل .. يعطيك العافيه

شآكره مروركك :):)'

[زهرة الأحلام]

.
.



الشيخة ..
كلماآتٌ جميلةة / ذوقٌ راآقي
أسعدكـ الرحمن ~

[الشيخه الفلانيه]

نص جدا رائع
يسلموووو استاذه ع الكلمات الراائعه ..
يعطيك العاافيه

شآكره مروركك :):)'

[عملاق الشعر]

الشيخة "المبدعة"


نص في قمة الجمال
واختيار كالعادة جدا راقي


سلمت يداك المبدعة وذوقك الراقي