(((( على طول المــــــــــشاعر ))))

[نسر البوادي]

على طول المشاعر اللي حوتنا من ثلاث سنين!!
نحتّ إسمگ على بالي وأثري مو على بالگ

على حرّ الجمر أنطر متى لحظـہ لقانا تحين
متى ألمس هدب عينگ وأحس برعشـہ اوصالگ

تصدّق من عقب ما قدّر اللـہ ينگتب هالبين!!
أبد ماغاب عن عينيْ مزوح‘ـگ و گثرة اهبالگ

لأني شفتگ الأول و غيرگ صاروا التالين..

ومن هو اللي تجرأ بس يحلّ بيوم منزالگ


غلاگ اللي سگن فيني تراهـہ موجود لين الحين !!
أبد ماهزّهـہ غيابگ ولا تأخير مرسالگ

توقعّتگ تبادلني شعور الحب بين اثنين
ومثل ما البعد غربالي ضروري يگون غربالگ

حسافـہ جيت متغيّر وبيدگ شايل السگين!!
أسولف لگ عن اشواقي تقول لي مالي ومالگ

زرعتگ نبتـہ بصدري .. سقيتگ من دموع العين !!
ولگن أگتشفت أنگ حبيب شايفنَ حالگ

أشوفگ تغلط بحقي واقول مردود لگ هالدين
لقيت القلب يرضيني وبالغفران يسعى لگ

أنا ماهنت لگ نفسي عشان تذلّني وتهين !
ولا تفگر أبد إني لعينگ بقبل افعالگ

و إلى منـہ طرى لگ هاجسگ لأنگ جميل وزين
تبي تلعب بأعصابي مثل ما الهوآ يحلى لگ

تذگر شطر هالشاعر نطق بـہ قبلنا بعامين !
ترى ماني تبيع‘ـن لگ ولاني بأصغر عيالگ


أبد لا يغرّگ إخلاصي وسؤالي عنگ يا المسگين
مدامگ خضت هاللعبـہ ونويت تحقق آمالگ

ببدّل گل أطباعي وبنسى گل ماضي شين
وبطوي صفح‘ـہ الطيبـہ وبصير اليوم قتّالگ

بتلقى أخلاق مقلوبـہ سوى گل مايخص الدين
و لامن قابلگ زولي تهجّ وبيدگ نعالگ

ترى هذي جزاةةُ اللي بدى يلعب على الحبلين !
ومن يلعب مع البرگان أكيد إنـہ غدى هالگ

وإذا ضاقت بگ الدنيا وضاق الگون بگ بعدين
وصار الهم في صفگ وشانت عقبي أحوالگ

خلاص .. لا تجيني تتعذر وتذگر هالثلاث سنين
لأنها للأسف هانت بقولـہ مالي و مالگ !!

[حبي خالص]

انتقاء جميل أخي لاند
يعطيك ربي العافيه

[نوارة الكون]

توقعّتگ تبادلني شعور الحب بين اثنين
ومثل ما البعد غربالي ضروري يگون غربالگ

حسافـہ جيت متغيّر وبيدگ شايل السگين!!
أسولف لگ عن اشواقي تقول لي مالي ومالگ



اختيار متميز ربي يعطيك العافيه خيو

[الــنور]

اختيار جميل .. يعطيك العافيه

[الرميثي]

نص جدا رائع
يسلموووو اخي ع الكلمات الراائعه ..
يعطيك العاافيه

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !

[رايق البال]

هلا فيك لاند ...
الله عليك الله كم تذهلنا اختياراتك الراقيه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[عذووووبه]

أختيار موفق....

[نسر البوادي]

حبي خالص تسلمين ياذووق مرورك اسعدني

[نسر البوادي]

نواره تسلمين ياذووق مرورك اسعدني اختي

[نسر البوادي]

ترق يعطيك الف عافيه ياذووق

[نسر البوادي]

الرميثي تسلم ياذووق مرورك اسعدني

[نسر البوادي]

الشيخه يعطيك الف عافيه ياذووق

[نسر البوادي]

استاذي رايق البال مرورك اسعدني وشكرا لك على تزيين الطرح بالنجوم الخمس وكلك ذووق

[نسر البوادي]

عذروبه تسلمين وكل ذووق

[عملاق الشعر]

لاند


نص راااائع جداااا اخي


سلمت يداك المبدعة وذوقك الراقي

[نسر البوادي]

عملاق تسلم ياذووق مرورك اسعدني