ياذيـب ياللـي تجلـب الـحـزن بـعـواك

[الحال يرثاله]

ياذيـب ياللـي تجلـب الـحـزن بـعـواك
اسهـرت مـن بـه ضيقـةٍ مثـل مـا فيـك

إن كـان جـرّ أعـواك مــن شــي ٍ آذاك
فـانـا بـعـد مثـلـك جـروحـي تـحـاذيـك

هـذا زمـان ٍ هـات مـا عـاد بــه هــاك
محـد ٍ يعـايـن فـيـك لا خلـيـت ايـديـك

لا صــار عـنـدك مــال كــل ٍ تـرجـاك
او كـل ٍ ولـو مـا نـال مــدك يراعـيـك

لـو أنـت مثـل الـلـي ايعـلـف تبعـنـاك
نـقـول لــك لــو مــا تـحـدثـت لـبـيـك

فــإن قــل مـالـك دون ذنــب ٍ بهتـنـاك
نحـط فيـك امـن المعايـب مــا لا فـيـك

بالسيئـة نـجـزاك عــن فـعـل حسـنـاك
نجـحـد مـرواتـك و نجـحـد حسـانـيـك

نعـلـن بحقـرانـك و نـخـفـي مـزايــاك
إلــى سمعـنـا سـيـرتـك مـــا نـدانـيـك

فـإن خـان بـك شيـن الزمـان وتوطـاك
مـا حـدن بقبـرك لـو هلكـتـا مـواريـك

رفقـة طمـع يمشـي معـك كــل هـكـاك
يوميـن والثالـث عـلـى مــاش جافـيـك

مفطـر بغيـرك عـن قـريـب ايتعـشـاك
من خان في غيرك و عنته طمـع فيـك

أتـرك سبيـل اللـي علـى نـاس هـمـاك
عيـب ٍ تماشـي لــه و عـيـب ٍ ماشـيـك

إن كــان مــا صبـحـك بالـشـر مـسـاك
أحــذر سـروحـه لا تخـالـط مـواشـيـك

و قـطـيـع ذوده لا يـمــارح رعــايــاك
إمّـارح إلاجـرب علـى الطـول يعديـك

مـا كــل مــن حـيّـاك بالقـلـب يـهـواك
كــم واحـــد ٍ لـــو قـــدر وده يـذكـيـك

يـوريـك وده لـــك وبـالـهـرج يـقـفـاك
و إن جيـت حـول البيـر فيهـا يزلفيـك

احـــذر لـسـانـك لا يـوديــك مــثــواك
تمـسـي بغـمـران ٍ حـديــدك برجـلـيـك

في حجـرة ٍ فـي شوبـة القيـظ تصـلاك
و حـيـد مــا حـولــك نـديــم ٍ يسـلـيـك

لا تفشي أسرارك علـى كـل مـن جـاك
احفض حصـان ٍ مسـرج ٍ بيـن اشافيـك

تــراك لــوّك سـاجــدٍ فـــي مـصــلاك
الـحـيـة الـرقـطـا بــدربــك تـبـاريــك

علـيـك بالمقـبـل الــى مـــن تـنـصـاك
وألا تــرى المقـفـي بـطــرده يعـنـيـك

أحرص على دينـك و سمتـك و مبـداك
الــيــن تـفـنــى لا تـغـيــر مـبــاديــك

و لا تـارد المـا اللـي يغثـرب مطايـاك
و مــن لا يــودك لا يـقـرب حـوالـيـك

خــلــك بـعـيــد ٍ يـانـديـمـي مـعـشــاك
كسـب المعـالـي عــن سـواهـا يكفـيـك

لا ترتـجـي مــن لا ترجـيـت يـشـنـاك
بالطايـلات و عــزة النـفـس اوصـيـك

و لا تشغـل افكـارك زخاريـف دنـيـاك
مــا ضحـكـك يومـيـن عـــام ٍ يبـكـيـك

حاسـب لنفسـك دايــم ٍ عــن خطـايـاك
لـجــل نـهــار ٍ تـاقـفـه قـــدم والـيــك

أنــب الــى رب ٍ مــن الـشـر يحـمـاك
إن مـا حمـاك الله فـلا أحـد ٍ بحامـيـك

الخـبـل لا يصحـبـك يبـحـث خـفـايـاك
غصـب ٍ عليـك الـى المهـالـك يـوديـك

اللـي وطـا غيـرك مـن النـاس ياطـاك
مـن قـبـل لا يـاطـاك نـاظـر مواطـيـك

إن كــان مــا حشـتـا لبـاسـك بيـمـنـاك
لـبــاس غـيــرك لا لبـسـتـه يـعـريــك

بضلـع جبـلـه يامقـيـط ذبــك وخــلاك
تقنـب عليـك سباعهـا مــا نـشـد فـيـك

عـن الصبـاح الشـيـن بـكـرّ بمـسـراك
تـــراك تـحـمـد لا سـريـتـا مـسـاريـك

واسـأل الـه الـعـرش يـدمـح خطـايـاك
عـسـى حسـانـاتـك تـغـطـي مـسـاويـك

يا ليل مـا طولـك ويـا وقـت مـا قسـاك
الله يـكـفـيـنـا بــــــلاوي خــوافــيــك

مـصـايـب الـدنـيــا تـبـيــح خـفـايــاك
حـيـن ٍ تصـبـح لــك وحـيـن ٍ تمسـيـك

ازبــن عـلـى الـلـي لا تـزبـنـت ذراك
قـصـر ٍ أسـاسـه عـايـب ٍ مــا يـذريـك

عصـر الحسـد يـا ليتنـا مــا عرفـنـاك
مـــرّك ثمـانـيـن ٍ وعـشـريـن حـالـيـك

قيظـك يذيـب الكبـد مـن حـرّ رمضـاك
و شتـاك بـرده صـارم ٍ قلـب صاحيـك

من زود جورك تفـرس الذيـب معـزاك
و نـــدر حـــرارك ذللـتـهـا حـبـاريـك

يـا قـل صاحيـنـك و ياكـثـر مـرضـاك
حيـرتـنـا يـــا وقـتـنــا وش نـسـمـيـك

لـو أنـت تنـصـف يــا زمـنـا عـذرنـاك
مــار ان حـيـفـك رايـمـاتـه شـهـاويـك

أهلكـتـنـا و اكـثــرت فـيـنـا رزايـــاك
ذ وقـتـنــا لا عــــادك الله عــزاريــك

أسألـك باللـي كـوّن الكـون وش جــاك
يـا وقــتٍ أسافـلـك صــارت عـلاويـك

عـسـى همالـيـل النـواشـي تـخـطـراك
يـا وادي ٍ سيلـك عـدل عــن مجـاريـك

يــا نـاسـي ٍ مـربـاك عـــوّد لـمـربـاك
مالـك ولـو طـال الزمـن مـن مرابـيك

لا تـنـخــدع بـمـدخــل ٍ داك بـــــدواك
يغـتـال مــن تغـلـي ويـاتــي يـعـزيـك

لا تـكـتـرب يـامــن زمـانــك تـحــداك
يكـفـيـك رب الـكــل شـــر مـتـحـديـك

هـذا وصلـى الله علـى نـاف الإشـراك
محمـد المختـار مـا صـرف مـن شـيـك

[تباشيرالأمل]

لاتـكـتـرب يـامــن زمـانــك تـحــداك
يكـفـيـك رب الـكــل شـــر مـتـحـديـك

هـذا وصلـى الله علـى نـاف الإشـراك
محمـد المختـار مـا صـرف مـن شـيـك

سبحانه عزشأنه
والصلاة والسلام على خيرالأنام

سلمت يمناك قصيده جميلة جدااا

لاهنت ولاشنت

[الرميثي]

نص جدا رائع
يسلموووو ع الكلمات الراائعه ..
يعطيك العاافيه

[حبي خالص]

الحال.. الله عليك
انتقاء جدا راااااائع
يسلم ذوقك الراقي

" نص يستحق النجوم الخمس "

[مفآهيم آلخجل]

ذآئقة رآئعة
إنتقآء مميز
كل آلشكرلك!

[زهرة الأحلام]

.
.



الحال ..
كلماآتٌ جميلةة / ذوقٌ راآقي
أسعدكـ الرحمن ~

[رايق البال]

هلا فيك الحال ..
عوده جميله ونص واختيار اجمل واجمل
الف شكر لجهدك واختيارك الجميل .. كلك ذوووق