نسر البوادي
10-06-2015, 08:50 AM
ياخوي أسمع وصاتي وأنا أخوك
عشر وصايا قادحه من شراره
من تجربه الدنيا وجردن مهاليك
لقا بها الأفراح عقب المراره
الأوله طيب النبأ في ملاقيك
حافظ عليه ولا تنقص عياره
لاتغض عينك لاتكلم محاكيك
عطه على جوه وقدر وقاره
والثانية من جاك زابن وناصيك
قله أحرست ودارك تصير داره
وأن صاح أبن عمك لا تقول وشفيك
أفزع معه وأصمد على كل غاره
والثالثة خوة أهل الطيب تغنيك
والا ضعيفين الروابع خساره
ومن يضحك بوجهك وهو مايدانيك
كبه وخله يحترق وسط ناره
والرابعة لاحزت نصرك بأياديك
أقنع بنصرك لاتعاود مساره
لاتومي بنفسك بدرب المهاليك
مشين على الرجال كون أنكساره
والخامسة خابرك وأنا مخاويك
ماينفعك كثر اللعب والدواره
قلط ربعك مجلسك يوم تأتيك
وخل ألعود الأزرق يدور داير مداره
والسادسة رفيقك اللي يخاويك
سافر معه وتعرف ماكر حراره
أما رفيقن في مماشيه يحييك
وألا تغير وجهتك عن مساره
والسابعة سرك يميتك ويحييك
عليك بالكتمان تاره وتاره
أفشاء سرك عند من لايراعيك
مايرفع البنيان عقب أنهياره
والثامنة من قبل لا أقول وأوصيك
لا خير في جارن مايحب جاره
جارك عطه روحك وما تملك أيديك
ركد له الدله وشب المناره
والتاسعة لو يغلط بحقك أخيك
خذها بشحم وأرفع مع الناس كاره
علمه ترى علمك وطاريه طاريك
عليك به لو كان ماله جداره
والعاشرة حب الهوى جعل مايجيك
وأن جاك فاللطف به وصونه وداره
يومن بيضحك بك ويومن وبيبكيك
وياعزتي لك لاتعدى الستاره
واللي عن العشر الوصايا بيغنيك
عمود دين ونور درب ومناره
ترى الصلاه بس هي من تنجيك
والي مايصلي حياته خساره.
عشر وصايا قادحه من شراره
من تجربه الدنيا وجردن مهاليك
لقا بها الأفراح عقب المراره
الأوله طيب النبأ في ملاقيك
حافظ عليه ولا تنقص عياره
لاتغض عينك لاتكلم محاكيك
عطه على جوه وقدر وقاره
والثانية من جاك زابن وناصيك
قله أحرست ودارك تصير داره
وأن صاح أبن عمك لا تقول وشفيك
أفزع معه وأصمد على كل غاره
والثالثة خوة أهل الطيب تغنيك
والا ضعيفين الروابع خساره
ومن يضحك بوجهك وهو مايدانيك
كبه وخله يحترق وسط ناره
والرابعة لاحزت نصرك بأياديك
أقنع بنصرك لاتعاود مساره
لاتومي بنفسك بدرب المهاليك
مشين على الرجال كون أنكساره
والخامسة خابرك وأنا مخاويك
ماينفعك كثر اللعب والدواره
قلط ربعك مجلسك يوم تأتيك
وخل ألعود الأزرق يدور داير مداره
والسادسة رفيقك اللي يخاويك
سافر معه وتعرف ماكر حراره
أما رفيقن في مماشيه يحييك
وألا تغير وجهتك عن مساره
والسابعة سرك يميتك ويحييك
عليك بالكتمان تاره وتاره
أفشاء سرك عند من لايراعيك
مايرفع البنيان عقب أنهياره
والثامنة من قبل لا أقول وأوصيك
لا خير في جارن مايحب جاره
جارك عطه روحك وما تملك أيديك
ركد له الدله وشب المناره
والتاسعة لو يغلط بحقك أخيك
خذها بشحم وأرفع مع الناس كاره
علمه ترى علمك وطاريه طاريك
عليك به لو كان ماله جداره
والعاشرة حب الهوى جعل مايجيك
وأن جاك فاللطف به وصونه وداره
يومن بيضحك بك ويومن وبيبكيك
وياعزتي لك لاتعدى الستاره
واللي عن العشر الوصايا بيغنيك
عمود دين ونور درب ومناره
ترى الصلاه بس هي من تنجيك
والي مايصلي حياته خساره.