نوارة الكون
16-06-2015, 07:43 AM
" أبشرك "
حامد :
أبشرك تبت عن طرد الغضي (مره)
اللي محبته لا حلوه ولا ( مُرّه )
ما امر بيته لو انك قلت لي (مره)
وهو ولا يوم كلف نفسه (أو جاني)
وانا انثر الدمع حتى حرق (اوجاني)
ان قال مذنب وجاني..مذنب (أو جاني)
ضيعت عمري عشانه
والعمر (مره)
ناصر :
ما لك ومال الغرام وما له وما لك
سلم على كل قلبٍ للوفا مالك
والجاحد اشتر ثمن فرقاه من مالك
لو هو كما المسك يوم يفوح لك طيبه
والا حمامٍ ربى في مكه وطيبه
بدّل حبيب بلا حب وبلا طيبه
هنا المدينه وأخذ
فتواك من مالك
حامد :
الناس خطوة بخطوة لا اصعدت سلم
وانا خفوقي من اول ما عشق سلم
من هيبة اللي ليا من مر ما سلم
عشقت صمته وهو لا غرّد اشجاني
ازرع له الفرح واثره يزرع اشجاني
من جات عينه بعيني تدري ايش جاني؟
أدركني الموت
لكن القدر سلم
ناصر :
يا من لقلبٍ ذبحه الشوق يا مله
حتى ولو قصّر المحبوب ما مله
من حب يصبر ولو كنه على مله
ما الله كتب للشمل عقب البِطا جمعه
بايام الاسبوع والا في طرف جمعه
ما ياقف الفكر من طرحه ومن جمعه
وما يعرف الحب
لا مذهب ولا مله
حامد :
لو كل خلٍ يحب الصدق مع خله
ما كان صابت عقول اهل الهوى خله
العشق ميزه ، ولكن الولع خله
احذر من العشق واحذر سيفه الماضي
وامض بطريقك وساير وقتك الماضي
وانظر لحاضرك واترك سيرة الماضي
واللي يخليك
لظروف الزمن خله
ناصر :
من سن طبع التغلي ليت ما سنه
لا يحسب البعد فرض وما بقى سنه
هذي بقايا طبوعه من صغر سنه
يا كثر ما صد كن ما بيننا عشره
لين الغلا ما بقى إلا ربعه وعشره
وهو لو يعد من (١) إلى (١٠)
يلقاني اضحك له
ولو ما ضحك سنه
حامد :
روحي وريحانتي ، ريحانتي ، روحي
اكذب على الناس والا اكذب على روحي؟
يا رِجل لي روحوا عن سكتك ،روحي
اللي يشح ف وصاله مانبي وصله
لو يتقطع وُصَلْ ، وصله ورى وصله
وصُّل له العلم، كان العلم ما وصله
ما ارجع لعينه ،
وعينه طلعت روحي
ناصر :
لا قالوا أكل العنب حبه ورى حبه
وما كل محبوب بتحس بطعم حبه
لو ما طلع حبه و لو ما نزل حبه
قلت: آه ياللي رهنت الروح في كَفه
عندي بكِفه وباقي الناس في كِفه
يا كثر ما كَف حزنٍ ما حدٍ كَفه
حتى طحن حَب راسٍ
ما انطحن حبه
https://www.youtube.com/watch?v=0CewPUOmBPk
حامد :
أبشرك تبت عن طرد الغضي (مره)
اللي محبته لا حلوه ولا ( مُرّه )
ما امر بيته لو انك قلت لي (مره)
وهو ولا يوم كلف نفسه (أو جاني)
وانا انثر الدمع حتى حرق (اوجاني)
ان قال مذنب وجاني..مذنب (أو جاني)
ضيعت عمري عشانه
والعمر (مره)
ناصر :
ما لك ومال الغرام وما له وما لك
سلم على كل قلبٍ للوفا مالك
والجاحد اشتر ثمن فرقاه من مالك
لو هو كما المسك يوم يفوح لك طيبه
والا حمامٍ ربى في مكه وطيبه
بدّل حبيب بلا حب وبلا طيبه
هنا المدينه وأخذ
فتواك من مالك
حامد :
الناس خطوة بخطوة لا اصعدت سلم
وانا خفوقي من اول ما عشق سلم
من هيبة اللي ليا من مر ما سلم
عشقت صمته وهو لا غرّد اشجاني
ازرع له الفرح واثره يزرع اشجاني
من جات عينه بعيني تدري ايش جاني؟
أدركني الموت
لكن القدر سلم
ناصر :
يا من لقلبٍ ذبحه الشوق يا مله
حتى ولو قصّر المحبوب ما مله
من حب يصبر ولو كنه على مله
ما الله كتب للشمل عقب البِطا جمعه
بايام الاسبوع والا في طرف جمعه
ما ياقف الفكر من طرحه ومن جمعه
وما يعرف الحب
لا مذهب ولا مله
حامد :
لو كل خلٍ يحب الصدق مع خله
ما كان صابت عقول اهل الهوى خله
العشق ميزه ، ولكن الولع خله
احذر من العشق واحذر سيفه الماضي
وامض بطريقك وساير وقتك الماضي
وانظر لحاضرك واترك سيرة الماضي
واللي يخليك
لظروف الزمن خله
ناصر :
من سن طبع التغلي ليت ما سنه
لا يحسب البعد فرض وما بقى سنه
هذي بقايا طبوعه من صغر سنه
يا كثر ما صد كن ما بيننا عشره
لين الغلا ما بقى إلا ربعه وعشره
وهو لو يعد من (١) إلى (١٠)
يلقاني اضحك له
ولو ما ضحك سنه
حامد :
روحي وريحانتي ، ريحانتي ، روحي
اكذب على الناس والا اكذب على روحي؟
يا رِجل لي روحوا عن سكتك ،روحي
اللي يشح ف وصاله مانبي وصله
لو يتقطع وُصَلْ ، وصله ورى وصله
وصُّل له العلم، كان العلم ما وصله
ما ارجع لعينه ،
وعينه طلعت روحي
ناصر :
لا قالوا أكل العنب حبه ورى حبه
وما كل محبوب بتحس بطعم حبه
لو ما طلع حبه و لو ما نزل حبه
قلت: آه ياللي رهنت الروح في كَفه
عندي بكِفه وباقي الناس في كِفه
يا كثر ما كَف حزنٍ ما حدٍ كَفه
حتى طحن حَب راسٍ
ما انطحن حبه
https://www.youtube.com/watch?v=0CewPUOmBPk