الا ياصمت من جابك تعيش بوسط طياتي

[عطر الاحساس]

يعيش الصمـت في حـضن القوافي ويهجر التعبيـر
ويـذبـل حرف من نـادت بـيـوتـه نبض ابياتي

الا يـاصـمـت يكـفـيـنـي بـدا يـوضح عـلي تاثـيــر
الا يـاصـمـت من جـابك تعـيش بوسط طياتي

انا ما اقدر اصوم الحرف ولا اهديه بجفا وتقصيـر
ولا اقدر اطـيـع اللي قـتلـني واعـلـن شـتـاتي

مشيت بسكـتي وحـدي وخلفي من البـحر تصويـر
وقـدامـي الـقـبر مـفـتوح يارب تعين خطواتي

ظلام الـعـوم عايـشـته ادور بالرجا تنوير
ولايهدي شحوح الوقت سوى ظلماء وصداتي

مـجـاديـف الامـل مـاتـت وارتـب لـلـخطاء تبريـر
واحاول احتسب حزني واقول الله بمواساتـي

تـذوب شـمـوع مـن حولـي واخذ للـحـزن تقريـر
يقول اني ما استسلم ولا اخضع لجل عبراتي

قـمـر يـعـزف وتـر شـعـري ويهديه البحر تهديـر
ولـيـله قـام بـحـضـور الـنـجـوم ولحن بحاتي

ثـرى يزرع حـروفي بـجـو غـناه الـهوى تعـطيـر
وسـقـاه مـن الـثريا ذوق يواكـب نبض نياتي

لك الله يا صمت ما اقدر اصوم واهجر التحـريـر
وخلفـي موجن يصفق يبي يسمع من ابـياتي

[رايق البال]

هلا فيك عطر ..
الله عليك الله نص واختيار ولا اجمل واروع
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[عملاق الشعر]

عطر الاحساس


نص في غاااااااية الروووعة اختي



سلمت يداكِ المبدعة وذوقك الراقي

[حبي خالص]

ابدااااااااااااااع متواصل عزيزتي
لا خلا ولا عدم

[الرميثي]

نص جدا رائع
يسلموووو اختي ع الكلمات الراائعه ..
يعطيك العاافيه

[زهرة الأحلام]

.
.



عطر ..
كلماآتٌ جميلةة / ذوقٌ راآقي
أسعدكـ الرحمن ~

[بقايا طيف]

انتقاء مميز وراقي
ننتظر القادم بشوق
دمت وسلمت

[نوارة الكون]

كل العاده اختيار رائع خيتو ربي يعطيج العافيه