اللي صداقتهـم تمازيـح وضحـوك

[بقايا طيف]

اللي صداقتهم تمازيح وضحوك
ومجاملاتٍ مابها سد فاقه

عن صوتهم سمعي له اسنين مصكوك
لوكان معهم رابطتني علاقه

وان دكبي من ضيم الايام داكوك
مارحت ادور منكرين الصداقه

ادور اللي صحبته مابها شكوك
من نايد الاجناب ولا الرفاقه

اللي ليا جيته ليا لباب مفكوك
وفي وجهه الابيض لربعه طلاقه

حراً لربعه باذل النفس والبوك
ماهوب مسكيناً سلوكه دقاقه

وان كان عدوانك عن الحق عدوك
يفتح لك الابواب بعد انغلاقه

يفزع معك لوكان ياطي على شوك
ويفكلك بالعزم لليسر طاقه

ولا الرخوم ان كشر الناب خلوك
فيهم عن الواجب كسل واندراقه

والخبل لو هرجه منظم ومحبوك
تلقاه في الميقاف قطاع ساقه

لو عشت في دنياك جايع وصعلوك
والدين في حلقك مجود خناقه

حذراء تصير لشهوة النفس مملوك
وتهين نفسك في رضاء كل عاقه

تمشي طريقٍ ملتوي فيه مشكوك
وتحط راسك تحت موس الحلاقه

وليا وقعت احترت والناس لاموك
واسقوك من سم الافاعي ذواقه

لو هم سبب ما صار لا طحت خلوك
وكلٍ نسى عهده معك واتفاقه

حنا بوقتٍ جوفه العدل متروك
والعدل بالتظليل مكسور ساقه

والناس كلٍ يرفع الراس ويزوك
لو كان ثوبه ما يساوي بناقه

[رايق البال]

هلا فيك بقايا طيف ..
دمتي لنا نبراسا للكلمه العذبة والراقيه دائما
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)

[حبي خالص]

ابدااااااع متواصل
يااااا سلام على روعة الانتقاء
لا خلا ولا عدم رقي ذائقتك

[بقايا طيف]

هلا فيك بقايا طيف ..
دمتي لنا نبراسا للكلمه العذبة والراقيه دائما
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)


ياهلا بك
وحيااك الله اسعدني تواجدك
لاعدمت هالحضور الجميل

[بقايا طيف]

ابدااااااع متواصل
يااااا سلام على روعة الانتقاء
لا خلا ولا عدم رقي ذائقتك
ياهلا بك
وحيااك الله اسعدني تواجدك
لاعدمت هالحضور الجميل