ياحزنها..رتل معي تنهيدتي لاجف فوقي مزنها.."

[حبك وطن]

ياحزينه !
دوريني في زوايا الياس... في ياس المدينة !
دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
دوري عنّه دخيلك فـ المرايا ..
في وجيه أحلى الصبايا !
في النوايا !
في الزوايا !
في الهدايا !
فـ الزهور اللي تحبّك .. فلها مع ياسمينه !
دوري عنّه دخيلك في صباحك !
في دموعك .. وانشراحك ..!
وسط حزنك !
وارتياحك ..
وسط دفتر مل من نزفه ومن دمعات عينه !
دوريه ..!
فالوجيه اللي تنادي فالغيابات الوجيه !
فالحنين اللي أبيه وفالأنين اللي يبيه !
ولابكى حزنه عليه !
ولابكيتي تذكرينه
... دوريه !
في عيون أطفال مرّوا ... وابتسامه !
وسط صمته ..
لاجفا صوته كلامه ..!
وسط دفترك الحزين ..
يوم كنتي تكتبينه .. يوم صرتي تشطبينه !
دوريه ..
لاغفى سمعك على صوته ونام !
فـ السكوت
وفـ الكلام !
فـ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدّينك !
واسألي بينك وبينك.!
كيف مرّ فـ يوم عينك لين مات احساس عينك !
وانتي عينه !!
ياحزينه .. !؟

.




.



و... آتنفّس رغم هذا الضيق في صدر المدينة ..!
وآتبسّم حتى لو مابه ..... عصافير وأغاني !

وانتي أنتي .. مثل ماأنتي ..ولكنّك حزينة !
تربكين الدمع ويل الدمع من ضيق المحاني !

صح أنا مااخترت اكون إنسان يمكن تعشقينه !
بس انا ماخترت أكون إلا معاك انسان ثاني !

كنت اقول البحر ماينشد عن هموم السفينه !
صرت أقول اللحين دلوني على وجه المواني !

آه .. واللي خالق ٍ بي صوت يصعب تسمعينه !
ماقطفتك ( لحظة ٍ حلوة ) من أغصان الثواني !

أشبه احساسي ولاأشبه هذاك اللي ... تبينه !
شاعر ٍ من ضعت عندك ضاع يوم إنه لقاني !

أشبه اللي مرّ في صدري وانا مدري حنينه
مثل هذا الفرح ..... هذا الجرح لامنّه بكاني !

أنسكب لك شي مثل المي ! يمكن تشربينه !
وارتوي بك شعر.. مثل الشعر لامنّه .. دعاني !

مثل هذا الحزن هذا الحزن لامرّ بـ سكينه !
مثل هذا النور مثل شعور من يدّي .. خذاني !

مثل هذا اللي يدوّر في يدينك .. عن يدينه !
مثل هذا اللي يمرّ اللحين كل اللي .. قراني !!

مثل هذا اللي يحث خطاه ماتلحق .. سنينه !
مثل هذا اللي تشوفي كيف لو شفتيه جاني !؟

شاعرك لو ماتنفّس ضاق به صدر المدينة
شاعرك لو ماتبسّم .... كان مارفّت أغاني !

أفتحي قلبك وشوفي وش ورى دمعات عينه
يمكن تحسيّن باللي ماقوى ... ينطق لساني !

لايمر ّ الحزن مثل اللي يمرّ .. وفي يمينه !
قلب ماتنبض سنينه مثل .. نبضات الأماني !

من يقول الصبح هذا صبح ! واشياءه حزينه !
من يقول الناس مثل الناس ماحس ّ بحناني !

الحزن ماهو مثل ماشعر واحسّك .. تشعرينه !
الحزن لاجيت ادور لك وانا اجهل مكاني !


.



.


ياحزنها !
رتّل معي تنهيدتي لاجف ّ فوقي مزنها !

[رايق البال]

هلا فيك حبك وطن ..
ولازلنا منك نستلهم عذب الكلام واجمله وارقاه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[ツઇ قلبٓ طِفلَةّ ઇ]

السّلامُ عَلَيكُمْ

أَخِيه .. تَمَلُّكَيْنِ ذائِقَةِ شَعْرِيِهُ رَائِعَهُ
وَاِخْتِيَارَاتِكَ لِلْنُصُوصِ مُمَيَّزَهُ
كَوْنِيَّ مُلَّكِهُ الْحَرْفَ
وَفْقَكَ الْمَوْلًى


http://www.htoof.com/vb/images/smilies/22.gif

[الصممت هيبةة]

تسلمين على الطرح الرائع والمميز
دمتي بخير ..

[زهرة الأحلام]

.
.



حبك ..
كلماآتٌ جميلةة جداً .. ذوقٌ راآقي
أسعدكـ الرحمن ~

[الشيخه الفلانيه]

الله. ���� ،
أنتقاء جميل جداً ،
يعطيك الله العافيه
كل الشكر لك :)'

[بقايا طيف]

انتقاء مميز وراقي
ننتظر القادم بشوق
دمت وسلمت

[حبي خالص]

اختيار رااااائع حبك
كلك ذوووووق عزيزتي

[نوارة الكون]

الله الله عليج يالغلا انتقاء متميز
ربي يعطيج العافيه