شاب وفتاة في ( المطار ) ..!!

[حلم يرتجي التحقق]

قصيده عن بنت تطالع شاب وهو مع اصحابه في المطار ومانزّلت عينها منه
وطلع الشاب شاعر يقول :

كل شبر بهآ الوسيعه ملك ربي تعلمين
واعلمي ان اللّي خلقني هو خلق لك هالعيون

لكن انتي من جلستي وانتي فيني تنآظرين
كن مآ به ناس غيري بهالكراسي يجلسون!!

لو سمحتي عاد اسمعي وحتى لو ماتسمحين
المهم اللّي باقوله تسمعينه ويسمعون
عالأقل ليآ ناظرتك سوي روحك تستحين
غظي طرفك مثل غيرك خوف ربعي يلمحون
الركاده عاده زينه والحيا في البنت زين
وفيك!!جازم لا ركاده ولا حياء يذكرون

تعرفيني؟!! أعرفك؟! ماأذكر إنّا ملتقين
لا أعرفك من تكوني ولا تعرفي من أكون

واطمئني كان قصدك ‏​بـس فيني تشبّهين
ماهو انا اللّي تعرفينه والبشر يتشابهون

مادريتي من التشابه يخلق الله أربعين
واعرف أربع يشبهنّك بس، والله يستحون
وكان قصدك شي ثاني؟عاد قولي وش تبين
خايف انّا نصير فرجه والّلي مااشتروا يتفرجون

واذا ببالك عاجبتني لا يوحشك ! تحلمين
صحّ ربعي من جمالك فيك صاروا يمدحون

بس وش الّلي في حلاتك دآم فيها ترخصين
حشمة البنت بحياها والكرامه يلفتون

ولو توفر فيك هذا مع حلاتك تبشرين
ماهو آنا 'ألف غيري باب بيتك يطقّون
وش علامك رغم كل اللّي أقوله تسكتين
مو طبيعي 
وش علامك رغم كل اللّي أقوله تسكتين

مو طبيعي هالسكوت وهالبرود وهالسكون
 

انتي خرسا؟!!!! أسألك" والاّ منتي تسمعين

قالو ربعي ذي كفيفه قلت لا لا !!!تمزحون
لين شفتك يوم رحتي يمسكونك باليدين 

مادريت إلا عيوني أربع أربع يذرفون :'(


آآآه ياآآآآنه مشهد يوم شفتك ترحلين

جيت اشوف عيون ربعي لقيت الكل يدمعون

يالكفيفه يالعفيفه إن قلت آسف تقبلين ؟؟


يغفر الله ذنوب عبده ليآ خطا!،، وهل تغفرين؟

العبره : احسنوا الظن بالناس واعطي اخيك سبعين عذراً تغافلوا وتغاضوا 
واشتغلوا باصلاح انفسكم،،"

[رايق البال]

هلا فيك حلم ..
اختيار جدا رائع وراقي رغم الشجن به
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[صوت الحمام]

السلام عليكم

يسلم هالذوق
مؤثرة القصيدة

شكراً لك
وفقك الله

[بقايا طيف]

انتقاء مميز وراقي
ننتظر القادم بشوق
دمت وسلمت

[حبي خالص]

ابيات جميله حلم رغم وشوشة الشجن
كلك ذووووق عزيزتي

[اهلي ملاذي]

حلم يرتجى آلتحقق
نص جدآآ جميل
شكرآ جزيلآ لطرحك آلمميز
خآالص آحترآأمي!

[الشيخه الفلانيه]

قصصيده جميله خيتي ،
كل الشكر عَ الأنتقاء
يعطيك الله العافيه :)

[حبك وطن]

ابيآت مميزهـ ..
صح لسآن الشآعر ..
وسلمت على النقل ..

[زهرة الأحلام]

.
.



صديقتي الغالية / حلم ..
سبق و قد قرأت هذهِ الأبيات الجميلة ..
أثارت إعجاابي جداً بِالرغم من الشجن
المتغلغل بها !
ذوقٌ راقي بِالفعل .. أسعدكـِ الرحمن ~

[الرميثي]

نص رائع
يسلموووو اختي ع الكلمات الراائعه ..
يعطيك العاافيه