العذر مكتوب

[نـــــــقــــــــاء]

العذر مكتوب لاصار الخطا مقري
اسف على ضحكتي اسف على احزاني


خطاي معذور والا غلطتي عذري
ومرارة العذر في قلبي وبلساني


مدرى وش اللى ذكرته وضاق به صدري
مدرى وش اللي نسيت ولاتناساني


لبست انا ثوب لا طولي ولا قصري
يا طيبة القلب .. وين القلب وداني.؟


سنتين من عمرها مرت ومن عمري
سنتين احس الزمن فيها تعداني


سنتين مرت حياتي من ورا ظهري
والحب سجني ومسجوني وسجاني


والشعر مطرود من قلبي ومن فكري
سنتين ماني بأنا ماني بحد ثاني


غنيت للناس والدنيا على خبري
والشعر في دفتري مغرور وانساني


غنيت للحب يوم عيونها تغري
يوم الوفا والكلام الطيب ألحاني


غنيت للدمع يوم أن البكا كبري
واليوم أنا اكبر من دموعي وحرماني


اليوم ماعاد يمدي اللي جرح يبري
مليت من كثرة خطاياهم وغفراني


مليت أنا الشعر مل الشعر من شعري
مليت انا الحب مل الحب وجداني


ليه أنكسر بالعيون اللي تبي كسري
ليه اتغرب ورا حزني وكتماني


العين ماتستحي والوجه مايذري
ماعاد يجزي هل المعروف بإحساني


لو هي عليّه عزيز النفس من صغري
ما أشاور القلب في كرهي لعدواني


إن رحت ياكثرهم وإن جيت ياكثري
ضاقت بي عيونهم لو كنت وحداني


تعبت وازريت .. ما مليت من صبري
ليت الذي راح مني كثر ما جاني


أحيان ودي أطيح من التعب وازري
وتشيلني عزتي وسلوم جداني

[حبي خالص]

نقاء .. الله عليك
اختيار عذب .. كلك ذووووووق


" نص يستحق النجوم الخمس "

[عملاق الشعر]

نقاء


نص في غاااااااية الروووعة


سلمت يداك المبدعة وذوقك الراقي

[نسر البوادي]

نقاء تسلمين ياذوووق طرح غايه في الجمال

[رايق البال]

هلا فيك نقاء ..
الله عليك الله نص واختيار لايجيده سواك بالتأكيد
الف شكر لجهدك واختيارك وتفاعلك الجميل .. كلك ذوووق

[حبك وطن]

صح لسان قائلها وسلمت يمناًك ..
يعطيك العافيه وبإنتظار جديدك ..
ألف شكر ,,,,

[الصممت هيبةة]

تسلمين على طرحك واختيارك الرائع ..
دمتي بخير ..

[بقايا طيف]

الشكر الجزيل للاختيار الجميل
والذائقة الرائعة
نص في غاية الروعة والجمال
دمت وسلمت

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[زهرة الأحلام]

.
.



نقاء ..
كلماآتٌ جميلةة جدااً / ذوقٌ راآقي !
أسعدكـ الرحمن ~

[صوت الحمام]

السـلام عليكم

ذوق مميز
ما ننحرمش

كل الشكر لك
وفقك الله