المساعد الشخصي الرقمي

مشاهدة النسخة كاملة : تـدري وش أكثـر شـي خفـتـه بدنـيـاي



حبي خالص
24-09-2014, 10:26 AM
تـدري وش أكثـر شـي خفـتـه بدنـيـاي
إنك [ تغيب ] ورجعتـك [ مستحيلـه ] ...!!


وتـدري وش أعـذب مالمستـه بيمنـاي !!
[ خدّك ] ../ وفاحت في يميني خميلـه ..!!


وتـدري متـى حسّيـت أنّـي بــلا راي !!
ساعة [ توادعنا ] ../ خليـل وخليلـه ....!!


ولحظة [ رحلت ] .. وغرّد الجـرح والنـاي
عرفـت أن أيـام عـمـري قليـلـه ....!!


عرفت ليه الحيـن جيتـك مـن أقصـاي !!
لأن مالـي بقلبـك الـيـوم حيـلـه...!!


دامـك [ تبكينـي ] ../ ولا تسمـع بـكـاي
أببكـي أكثـر ..والليالـي طويـلـه ...!!


أبحتـرق ../ وأدفـا .. بـنـاري وبـلـواي
وش حيلتـي وعـروق قلبـك بخيلـه ....!!


[ البرد ] ماحسّ بشعوري وشكواي
ولا لقيت إلا [ القصيد ] أشتكيله ....!!


أبغى ألاقـي [ موطـن ] لبسمـة شفـاي !!
وأبغى من [ إحساس ] المحبين ../ ليله ....!!


وأبغى أرجّع [ نكهة الطيش ] لـ .. أشيـاي !!
وأرجّـع أيــام الحـيـاة الجميـلـه .!!


وأن كـان .. ماهمّـك غيـابـي وفـرقـاي
شف [ غيبتك ] ... ياهي وربّي ثقيله...!!


ملّيـت [ ألمـحّ لـك ] ../ وأسافـر بليـاي
وماعـاد بـه غايـه تبـرّر وسيلـه ...!!


والله يسـتـر ياحبيـبـي مــن الـجـاي
مدام كـل إنسـان [ قلبـه دليلـه ] ..!!


وتدري وش اكثر شي [ خفتـه ] بدنيـاي ..؟!
إنّك [ تغيب ] ورجعتـك [ مستحيلـه ] ...!!

رايق البال
24-09-2014, 10:39 AM
هلا فيك حبي خالص ..
اختيار جميل ولا جديد عليك هذا التميز والابداع
الف شكر لجهدك واختيارك .. كلك ذوووق
( نص يستحق النجوم الخمس )

روح الحلا1
24-09-2014, 10:52 AM
راقت لي جدا ذائقتك حبي
تسلمين وربي يعطيك العافية..

عملاق الشعر
24-09-2014, 11:06 AM
حبي خالص


نص في قمة الجمال


سلمت يداك المبدعة وذوقك الراقي

حبي خالص
24-09-2014, 11:29 AM
هلا فيك حبي خالص ..
اختيار جميل ولا جديد عليك هذا التميز والابداع
الف شكر لجهدك واختيارك .. كلك ذوووق
( نص يستحق النجوم الخمس )



التميز بتواجدك استاذ
شكرا للمرور

مفآهيم آلخجل
24-09-2014, 08:01 PM
ذآئقة رآئعة
إنتقآء مميز
كل آلشكر لك!

حبي خالص
25-09-2014, 08:05 AM
راقت لي جدا ذائقتك حبي
تسلمين وربي يعطيك العافية..


أسعدني مرورك روح
يسلمووو للمرور

حبي خالص
25-09-2014, 08:06 AM
حبي خالص


نص في قمة الجمال


سلمت يداك المبدعة وذوقك الراقي

الذوق ذوقك أخي
دمت بخير

حبي خالص
25-09-2014, 08:06 AM
ذآئقة رآئعة
إنتقآء مميز
كل آلشكر لك!









يسلموووووووووووو طهر
شكرا لك