ماكني اعرفه ولا كني ابغيه..."

[حبك وطن]

ما كنـّي اعرفـه ولا كنـّي ابغيـه
وانا عليه من امّه احـّب واجـرى



ياكثرهـا تسليمـة(ن) يـوم الاقـيـه
لي عين تكتب له وله عين تقـرى



وإن حلّ طاريـه تجاهلـت طاريـه
ماكنّي ادري عنه وانـا بـه ادرى



بسكات يغليني وانـا حيـل مغليـه
لا تيلفـون ولا مواعيـد غــدرى



يصون ودّي عن عذوله واحاميه
وانا عليه احجا من القلب واذرى



حبّ(ن) عفيف(ن) والصراحه سواقيه
في وقتنا ماظنتي زاد يطرى



لا اسولـف بحبـّه ولانـي بكانيـه
وغيري لو انّه يوالفه كـان هـذرى



احشم قريبه حشمـة(ن) لـه واداريـه
واخشا يجي في خاطره شي وادرى



لايحسب انّي يوم قفّيت ناسيه
لعيونه انّي ماتحاليت عذرى



ليت الزمن يرجع وانا اعلمـه ليـه
ولا الحظوظ من المقابيـل تشـرى



كل العذارى في الوفا ماتساويه
كنّه يمين وباقي القيد يسرى



قولوا له اني مارتضي بالبـدل فيـه
لا مال قارون(ن) ولاعرش كسـرى



يرتاح ماغيره مـلآآء عيـن هاويـه
غلاه نهر النيـل والقلـب مجـرى



واكبر دليل اني اليا غـاب احاتيـه
كم لليلة(ن) ماتت على كـف مسـرى



وان قالوا انه شرق وازريت لا اجيه
وجهت وجهي كل ما نمـت حـدرى

[رايق البال]

هلا فيك حبك وطن ..
نص واختيار ولا اجمل واروع كما تعودنا منك
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)

[حبي خالص]

نص جميل حبك
يعطيك ربي العافيه
كلك ذوووق

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[عملاق الشعر]

حبك وطن


نص في غااااااااااية الرووعة اختي



سلمت يداك المبدعة وذوقك الراقي

[حبك وطن]

منورين.....
كل الشكرلكم...

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[اهلي ملاذي]

نص جدآآ جميل ومميز
آلف شكر لطرحك وآنتقآائك آلذووق
خآالص آحترآامي/!