بقايا طيف
14-09-2015, 10:54 PM
القلب في نار المحبه فداوي
اما أحترق وإلا انقطع فيه معلوق
قلبٍ كواه من المضانين كاوي
بين الضلوع اللي على القلب من فوق
وأنا اشهد ان الحب بلوى البلاوي
كم واحدٍ قلبه من الحب محروق
يا زين ما ترحم وتعطف وتاوي
في من فقد عقله بعد هزه الشوق
ماله مجيب ولا طبيبٍ يداوي
مستوحشٍ كنه مقفل بصندوق
من عقب حيٍ راح كنه خلاوي
ما كن يمشي وسط الاسواق مخلوق
يا زين والله ما تفيد الشكاوي
الرابح اللي ماله اليوم معشوق
لو المناوي تنفع أهل المناوي
ما صار في قلبي حزازات وفلوق
اليوم صرت من التفرق شقاوي
حالي قضى و اللي بقا دم وعروق
واليا ذكرتك يا عيون النداوي
اخذت لي مع هجعت الناس طاروق
على فراق الشمل ماني بقاوي
غصبٍ علي وكل مطرود ملحوق
لا بد بعد البعد جمع متساوي
ويصفي غرام اللي لهم فالهوى ذوق
وارعى الحيا حيث ان قلبي حياوي
واخاف كرسي الحشا يلحقه عوق
يا عود ريحان على الحوض راوي
يزرق عليه من ازرق الجم زاروق
وان هزه النسناس ريحه عذاوي
واللي عليه ابواب ماهو بمسروق
والرمش فوق محيجر العين ضاوي
ليلٍ سرا في جانبه رعد وبروق
يا زين ما ترحم وتعطف وتاوي
في من فقد عقله بعد هزه الشوق
القلب في نار المحبه فداوي
اما أحترق وإلا انقطع فيه معلوق
اما أحترق وإلا انقطع فيه معلوق
قلبٍ كواه من المضانين كاوي
بين الضلوع اللي على القلب من فوق
وأنا اشهد ان الحب بلوى البلاوي
كم واحدٍ قلبه من الحب محروق
يا زين ما ترحم وتعطف وتاوي
في من فقد عقله بعد هزه الشوق
ماله مجيب ولا طبيبٍ يداوي
مستوحشٍ كنه مقفل بصندوق
من عقب حيٍ راح كنه خلاوي
ما كن يمشي وسط الاسواق مخلوق
يا زين والله ما تفيد الشكاوي
الرابح اللي ماله اليوم معشوق
لو المناوي تنفع أهل المناوي
ما صار في قلبي حزازات وفلوق
اليوم صرت من التفرق شقاوي
حالي قضى و اللي بقا دم وعروق
واليا ذكرتك يا عيون النداوي
اخذت لي مع هجعت الناس طاروق
على فراق الشمل ماني بقاوي
غصبٍ علي وكل مطرود ملحوق
لا بد بعد البعد جمع متساوي
ويصفي غرام اللي لهم فالهوى ذوق
وارعى الحيا حيث ان قلبي حياوي
واخاف كرسي الحشا يلحقه عوق
يا عود ريحان على الحوض راوي
يزرق عليه من ازرق الجم زاروق
وان هزه النسناس ريحه عذاوي
واللي عليه ابواب ماهو بمسروق
والرمش فوق محيجر العين ضاوي
ليلٍ سرا في جانبه رعد وبروق
يا زين ما ترحم وتعطف وتاوي
في من فقد عقله بعد هزه الشوق
القلب في نار المحبه فداوي
اما أحترق وإلا انقطع فيه معلوق