شاعر: نسى يطفي ....سجاير حنينه .....!!!

[♧مهااا♧]

هالليل : لمّة عاشقين ، وأغاني
............. وآمآل ... ترقى للسما ... في سكينه


ووجه الطريق إيذمّ سُمر المباني
............. تاهت مع الظلمه ... خُطى عابرينه ؟


جيتك مواجع في قصيدة عماني
............. وارث .. مخاف الله .... من والدينه !


تعبث به إيدين الزمان : الأناني
............. وياما عتق في الثلث الآخر ... يدينه !


أذكر حنين أمي لِ صوت الأواني
............. ودلالنا : الصُفر / الصغار / الحزينه ،


ماكنها الا صُبح عيد .. وتهاني
............. شابت وطاح بتربة الصدر ... تينه !*


قلت أعبر حدود الشقا / للأماني
............. وأقطف لها من بهجتي ... ياسمينه !


كنت الفقير .. المغتني بالمعاني
............. طفلٍ غرس في روض شكّه | يقينه !


هذا البلد : نورس حزين ومواني
............. فيه الغلابى ... يحتسون ... الغبينه !


ماقسى من إنك لجل عينه | تعاني
............. غير الغرق وأقصى طموحك ( سفينه )


يابن الغياب إللي يدكّ .. المحاني
............. كم قلت : برد الشوق ... ديني ودينه


عطني من سنين المحبه .. ثواني
............. البعد جوع ... وقوت صبري عجينه !


شفني حديث الناس قاصي وداني
.............*شاعر*: نسى*يطفي*...*سجاير*حنينه*!


قلبه دلو واضلاع صدره | سواني
............. وجروحه الما ... والنخل رمش عينه !


لو قيل جاني قول : من صار جاني
............. هي : سطوة الدنيا / رحيلك / سنينه ؟


بعدك وحيد وغصن بلواي .. داني
............. ضميان عطف ... وصدّة الغيم شينه !


طل الشتا ولاجيتني ... وطل ثاني*
............. وانا اخفي اوراق الأمل في [ خزينه ] !


لا الصبح قادر ياخذك لي عشاني
............. ولا الدرب لك : بستان من قمح وطينه


قلي : إذا مني [ برودك ] خذاني ..
............. كيف الدفى يطرق ... بيوت المدينه ؟

[Raba]

الله الله انتقاء رائع .. تشبهني اسلوب القصيدة بالشاعر العماني فيصل الفارسي الجنيبي ..
بارك الله فيك عزيزتي تقبلي ضي

[مجنونك ما يخونك]

http://www.girls-ly.com/vb/storeimg/img_girls-ly1361059721_707.gif

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[روح الحلا1]

الله الله عليك مها
انتقاء رائع جدا
ربي يعطيك العافية..

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

http://www.htoof.com/vb/images/smilies/22.gif

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته
نص يستحق التقيم

[♧مهااا♧]

شكرا لكم كلكم على هالطله الحلوه ^_^
نورتوا