موضوع للنقاش تخلف بعض الامهات ؟؟؟

[مجنونك ما يخونك]

مراحب اخواني واخواتي


جبت لكم هالموضوع لاني وايد الاحظ من بعض الحريم انهم يسوقوا السياير واليهال في حضنهاااا او اتجلسه ع ريلهاااا وهي اتسوق
وطبعاااا اتعرفون ان هالشي غلط وخطر نفس الوقت تخيل هي اتسوق ما ملاحظه ان في زحمة جدام مرتبشه ويه الياهل جولوا شو راح
يصير خبروني لا حد يجول انا ما شفت ابعيني اليوم الصبح وانا يايه الدوام شفت مراه وراي ومجعده ياهل في حضنهاااا وهو ما راضي
يجلس اصلااا يبى يجلس ويه امه وكانت اشوي وتدعمني والله بس اتمنى تنتبهوا من هالنقطه خطرررر وفي حريم هالايام يسرعوا كثير
اكثر من الريايل غلط هالشي ....




مجنـــــــــــــــــــــــــــــــــــــونك

[يحيائي10]

مراحب رالاخت العزيزة

نعم مثل ماذكرتي وجود الاطفال في احضان امهاتهم وهن يسقن السيارات بحد ذاته خطر للطفل ولها وربما تسبب بحوادث لا قدر الله ..

بالتالي على المرأة ان تعود طفلها وتجبره على الجلوس في المقعد اذا كان باستطاعته او استخدام المقاعد الخاصه التي توضع في السيارات والمتعلقه بجلوس الاطفال ...

تعوده مرة تلو الاخرى الى ان يتعود والاطفال غالبا ما يتعودون


الف شكر

[رايق البال]

هلا فيك مجنونك ..
موضوع جميل وواقعي بالفعل ..
انا مره كنت رايح الدوام الصباح ووقفت عند الاشاره لأنها كانت حمرا وفجأه سمعت صدمه بسيارتي ونزلت وشفت وحده من الاخوات هي اللي كانت صادمتني وجلست تعتذر وتتأسف وتقول ولدي هو السبب وكات خايفه على بالها بوديها الشرطه ههههه القهر اني كنت مستلم سيارتي من يوم بس بعدما صبغتها وفرحان فيها كنت ههههه قلت لها الله يحفظك وانتبهي مره ثانيه لما تسوقي وخلي ولدك بعيد عنك لأنه خطر عليه وعليك وعلى اللي يمشي قدامك بعد ..
الف شكر لطرحك الهادف والرائع
طابت لياليك ..

[مجنونك ما يخونك]

هلا فيك مجنونك ..
موضوع جميل وواقعي بالفعل ..
انا مره كنت رايح الدوام الصباح ووقفت عند الاشاره لأنها كانت حمرا وفجأه سمعت صدمه بسيارتي ونزلت وشفت وحده من الاخوات هي اللي كانت صادمتني وجلست تعتذر وتتأسف وتقول ولدي هو السبب وكات خايفه على بالها بوديها الشرطه ههههه القهر اني كنت مستلم سيارتي من يوم بس بعدما صبغتها وفرحان فيها كنت ههههه قلت لها الله يحفظك وانتبهي مره ثانيه لما تسوقي وخلي ولدك بعيد عنك لأنه خطر عليه وعليك وعلى اللي يمشي قدامك بعد ..
الف شكر لطرحك الهادف والرائع
طابت لياليك ..



والله غم صراحة اتروح تصبغ سيارتك وفي نفس اليوم اتسوي حادث والله راح اصيح توني مستلمة سيارتي ومستانسه
اتيه وحده ادعمك بسبب تخلفهاااا والله قهرررر صج بس شو نجدر انسوي الله ديجااااااااا ههع..........

[مجنونك ما يخونك]

مراحب رالاخت العزيزة

نعم مثل ماذكرتي وجود الاطفال في احضان امهاتهم وهن يسقن السيارات بحد ذاته خطر للطفل ولها وربما تسبب بحوادث لا قدر الله ..

بالتالي على المرأة ان تعود طفلها وتجبره على الجلوس في المقعد اذا كان باستطاعته او استخدام المقاعد الخاصه التي توضع في السيارات والمتعلقه بجلوس الاطفال ...

تعوده مرة تلو الاخرى الى ان يتعود والاطفال غالبا ما يتعودون


الف شكر



امبلا كلامك صحيح وترا في كراسي اصغار يبيعوا حج الياهل يجعد فيه ما يجدر يتحرك بس في امهااات ع بالهم خلاص
اعرف اسوق يعني اجدر اسيطررر خطررر ما ادري ليش بعض الحريم يعاندن سبحان الله .. الله يهديهن

[Raba]

وش ذا التهور بعد لا يكون صيحة جديدة ...
ترا في كراسي امان لطفل وبعدين ليه يعودون الطفل يقعد قدام مكان الطفل وراء بيصيح ويسكت لبسيه حزام وعطيه أيباد ترا الحين كذا موديل 2000 يسكتون بأيباد بتلفون وشغلين له رسوم ولا قصة وامورك طيبة ..

ما يحتاج كل هذا التعقيد ... ما عليها غرامة وضرائب ذا اصلا كيف تمشي في الشارع العام كذا ما يصير .. الله يهديهن بس

شكرا لك اختي

[مائة بيسة]

وايد لاحظت مثل هالامور لكن تعبنا نتكلم ومايفهمون عندهم درجة من الاستهتار باارواح الغير
https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

[جمال319]

وايد احلاظ خاصه في شوارع مسقط بشكل خاص
فتره صباحيه وعند الرجوع من الدوامات مفترض تخصيص كرسي الامان متوفر ويحفظ الجميع من الكوارث المروريه

[صمت الشفاه]

السلام عليكم
ملاحظه وظاهرة متواجده
ليس الامهات فقط
حتى الاباء يكرروها دائما
وهذا خطر جدا عليهم وعلى الاخرين

[★ الطرف اﻷغر ★]

بالفعل..ملاحضة مهمه وآخذه ف الانتشار كون ربة المنزل صارت تعمل ولديها الكثير من المسؤوليات.
نصيحه في محلها

شكرا لك

[احساس روح]

يفترض تسوي كرسي ف السيارة للطفل
الكراسي فيها امان وحمايه للطفل
وايضا هذا لصالح الام عشان الطفل لا يلهيها
الف شكر

[رووح الورد]

السلام عليكم ورحمة الله..

هو قد لايكن تخلف اخيه فأرى ان هذا اللفظ كبير الى حدآ ما وانما لنقل هفوة وتساهل بعضآ من الامهات والاباء كذلك فالامر يقدم عليه الجنسان ويفعلونه..وربما احيانا لعجلة او لامر طارئ ما جعلهم يضطرون لفعل ذلك فلانعلم ظروفهم تلك الحينه...مع العلم اني لا احبذا هذا اطلاقا ولنلتمس لهم العذر قبل اللوم...

بالتأكيد الحل هو بتجنب الاقدام ع هذه العادة بوضع الطفل في المقعد الخلفي او في المقعد الخاص بالطفل في السياره ليجنبوا انفسهم وطفلهم والمارين بالطريق الخطر والسوء من حركات ابنهم المفاجئة لهم اثناء القياده..

[عبدالعزيز الفلاسي]

صباح الخير
اول شي اتمنى من جميع طراح المواضيع يكتبون بلهجه مفهومه ومصطلحات واضحه.. :)

اما بالنسبة للقضيه فعلاً شي حاصل ومحد مب مدرك
انه هالشي خطر ع للسائق والطفل
بس ما باليد حيله.. وقد يكون هناك أسباب
مثلا الياهل يطفرها فوضوي او يبكي
او أسباب أخرى.....

[صوت الحمام]

السلام عليكم

لفتة مهمة منك عزيزتي
جلوس الطفل عند الام ، الاب عند القياده
امر فعلاً خطير ، بانشغال بسيط للطفل
قد تفقدها سيطرة التحكم بالسياره

شكراً لك
وفقك الله

[تباشيرالأمل]

السلام عليكم
القيادة تحتاج لتركيز ووجود الطفل في حجرالأم يشتت انتباهاا
هذا غيرالخطرالذي يتعرض له
السلامه مطلب الجميع ومن الواجب الحرص على سلامة
الاطفال وسالكي الطريقالاطفال لايعلمون بالاخطار
لكن الكبارعليهم مسؤلية رعايتهم
شكرا لك

[مجنونك ما يخونك]

https://encrypted-tbn3.gstatic.com/images?q=tbn:ANd9GcRNIEZU1DHByHnj9mbmsVkXuvl04k3wq sGIPXqXyDVg_G3QTpvyBg