نعيم الاسماء والالقاب ... موضة حقيرة ... من وجهة نظري؟؟؟؟ [الأرشيف] - السبلة العمانية

مشاهدة النسخة كاملة : نعيم الاسماء والالقاب ... موضة حقيرة ... من وجهة نظري؟؟؟؟

مجنونك ما يخونك

08-10-2015, 10:05 AM

لقد تراءى الى ناظري ما حال اليه كثير من شبابنا .... للاسف

شفت هالحركة كثير في مواقع شهيره .. مثل الفيس بوك ... نيت لوق .. وغيرها ...

تلاقي الشاب ... الرجل .. مسمي نفسه باسم دلع ...

الي ابوه تعب وسماه رعد ... تلاقيه كبر وعنفش وصار طحش لكنه صار مسمي نفسه رعودي ....

واللي اسمه محمد .... حمودي ...

وخالد ... خلودي ...

انا ما اتكلم عن طفل صغير عمره سنتين كيوت ... امه تحب تناديه عبودي ..وهو يضحك ويدربي رويسه ومايدري وين الله حاطه ...

لكن اتكلم عن شاب عمره 20 سنه وشنبه محلوق عشان ما يوقف عليه الصقر... ومسمي نفسه في البلوتوث ... زيزو ... !!!

يعني ما يكفي القصات والجنزات الضيقه وطيحني وبابا سامحلي ... كمان مسمي نفسه زيزو !!!

يعني اتخيلو معاي المشهد الاتي :

تقابل احد اصدقائك ويكون معاه صديق جديد ما تعرفه من قبل ... وتشوف ملابسه غربيه وشاذه ... وتقول في نفسك ما ابي احكم عليه من منظره ... خلينا نتعرف عليه ..يمكن يطلع رجال

وفجأه يتكلم عشان يعرفك بشخصه الكريم ..

احم احم ... معاك فهودي وانت اش اسمك ..

تقوم ترد عليه ... والنعم فيك يا فهودي .. انا سراج بن طالع

يقوم يكش منك ومن اسمك الناشف ... ويقلك :
ليه ما تسمي نفسك سروجي ؟؟ ومستغرب منك ومن تخلفك ورجعيتك

!!!!!!!!!!!!!

ياناااااااااااس اش صار بالدنيا ... واش هالاسماء ... واش هالنعومه ؟؟؟؟

اش الي يخلي سالم ... يسمي نفسه سلووومي ..؟؟؟؟

واش الي يخلي غانم ... يسمي نفسه غنومي !!!؟؟؟

وجع في وجهه ... ومالت عليه وعلى الي علمه على الدلع !!!

والمصيبه انه بينه وبين نفسه مقتنع انها مو ورعنه ولا دلع ولا نعومه ... مجرد لقب صغير وما يضر ... واش فيها لو كان اسمه سوسو ... عادي كووووووووووول

شوفوا انا بقول رايي وما علي من احد ...

غالبيتهم هذولا الي يلبسون طيحني وجينزات ضيقه ويحطون ربطات في شعورهم الطويله ... وقلايد .. وربطات على يديهم ..عشان يجذبون انظار البنات في السوق لاشكالهم ...وحركاتهم ودلعهم وغنجهم .... لو اخواتهم لبسوا ضيق او مخصر او حتى كانوا يمشون في السوق مع البوي فريند حقهم ما راح يقولون لهم اي شي ... ويمكن يشجعونهم بعد ....

دياثة بالعربي ...

تقبلوا طحلبتي وتخلفي ..

والي على راسه بطحا يحسس عليها ؟....

كابتن كشكول

08-10-2015, 10:14 AM

ترا المثل يقول الرجال افعال
والشنب موجود حتى فالحريم
بس رجوله مافيه

مائة بيسة

08-10-2015, 10:22 AM

جميل موضوع يلامس الواقع...لكن بوجهة نظري اذا كان بين الاصداقاء المقربين
لايوجد مانع فهد فهودي علي علاوي وهكذا لإنه ماتقلل من قيمة الشخص
ووايدين نعرفهم بإسم عبدالله ينادونه عبادي الخ..بس الالقاب العجية انا ضدها
https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

ندى^_^

08-10-2015, 10:44 AM

موضوع واقعي فعلا

و نسال الله الهداية لهم

شكرا لك

جمال319

08-10-2015, 10:57 AM

تباشيرالأمل

08-10-2015, 10:58 AM

السلام عليكم

..اوتصغيرالأسم والتلطف في مناداته ..تكون في الغالب للأطفال
اوللأنثى..في الغالب
لكن الشباب..في الغالب يكنون باسماء تدل على القوى والشهامه..

مثل الصقرلعلوة وقوته..والذيب لعزت نفسه

فهم يزرعون في نفوسسهم الثقه والرجوله

وفي الاخير..انت بافعالك وكلامك من تحدد نظرت الأخرين لك

شكرا لك

مجنونك ما يخونك

08-10-2015, 11:05 AM

ﻻمو واقعي وﻻ عمرنا سمعنا فيه وﻻ موجود انه شخص يعرف بحاله فهودي وغيره
اختي اختاري مواضيع تكون صح موجوده احنا شباب عمرنا ماسمعنا عن كيه سوالف من وين طلعي فيهم انتي ماعرف
ﻻتجلسي تقللي من شابنا
صراحتن ازعجني موظوعك
اذا ازعجك هالموضوع لا تدشه اخوي م مجبور وثانيا هالشي موجود اذا انت ما سامع او ما شايف يمكن بس هالشي واقعي
واشكرك عالمرور تسلم

جمال319

08-10-2015, 11:09 AM

اذا ازعجك هالموضوع لا تدشه اخوي م مجبور وثانيا هالشي موجود اذا انت ما سامع او ما شايف يمكن بس هالشي واقعي
واشكرك عالمرور تسلم

ﻻ ما واقعي ابد ونتي صار لك كم يوم طايحه عشباب
واليوم عاد موظوعك بصراحه شي

مجنونك ما يخونك

08-10-2015, 11:14 AM

ﻻ ما واقعي ابد ونتي صار لك كم يوم طايحه عشباب
واليوم عاد موظوعك بصراحه شي

سبحان الله ابدا ما تعترفوا انتوا يعني انت ما سمعت ريال ايش طوله وعرضه ينادوا حمودي فهدوي وعلوي
يعني هالاسماء لازم ينادوا فيهم اليهال ويدلعونهم اوكي جلنا اخوانا لكن ولد ينادي صديقه حمودي فهدوي
من صجك والله اخوي هاي الحق رضيت او لا في من هالفئه ووايد بعد والسموحه

ملك رووووزي

08-10-2015, 11:14 AM

تسلمي مجنوونك ع الموضوع ......... احسه عادي يعني اذا بين الاهل او بين الاصدقا وكذي بس يعني م يكون ك تعريف بالنفس .....يعني م يكون هالدلع اذ الشخص يبي يعرف بنفسه عند اي شخص اول مره يصادفه ..
يعني انا ادلع زوجي ب اسمه البعض يعترض بس اقولهم بالنهايه م قدام ناس غريبه وم يقلل م احترامه

ملك رووووزي

08-10-2015, 11:17 AM

يَاسَمِين

08-10-2015, 11:21 AM

حد معنا في السبلة حاط بتوقيعه دلع لاسمه هههه
بصراحه م غاوي ابدا ..

جمال319

08-10-2015, 11:25 AM

حد معنا في السبلة حاط بتوقيعه دلع لاسمه هههه
بصراحه م غاوي ابدا ..

اختي القاب المواقع موجوده بس يعرف بحاله اسمي حمودي او ع جولت ﻻخت معاك فهودي وين احنا فلبنان

مجنونك ما يخونك

08-10-2015, 11:27 AM

اختي القاب المواقع موجوده بس يعرف بحاله اسمي حمودي او ع جولت ﻻخت معاك فهودي وين احنا فلبنان

شي هالاشياء في كل الدول مو بس عمان كل بس هالطبع مو حلووووو في كل الدول لبنان ولا غير لبنان ويالاخ اذا انت منزعج
من الموضوع اطلع وخلص عمرك ليش معور راسك

جمال319

08-10-2015, 11:33 AM

شي هالاشياء في كل الدول مو بس عمان كل بس هالطبع مو حلووووو في كل الدول لبنان ولا غير لبنان ويالاخ اذا انت منزعج
من الموضوع اطلع وخلص عمرك ليش معور راسك

اختي الكريمه انا ارد عﻻخت انتي ليش تدخلي فرد انا وجهت نظري جلتها لك وخﻻص

تباشيرالأمل

08-10-2015, 11:33 AM

السلام عليكم

اخواني..
الموضوع عام ربما لايختص بمنطقه معينه
فهومشاهد في مواقع التواصل بكرة على حد علمي لذا
نرجوا ان يكون الحوار في حدود الموضوع..واحترام وجهات النظر
المخالفه...
شاكرين لكم

Raba

08-10-2015, 11:34 AM

انا بصراحة ما سمعت اولاد يقولوا لبعض حمودي وعموري وغيرها قد يقول حمود عمور بدون ياء ولكن ليس بالتعريف عن نفسه قدام الغريب .. وبصراحة انا اخوي عنده اولاد وادلعه وكل إخواني كذلك لا استصغار ولا شيء ويعرفوا ان لو ناديتهم باسمهم شيء صاير يعني مغيرني عليهم .. فيعني من باب التعود وليس تعريف عن الشخص ولشخص حرية مناداتي بما شاء .. بالنهاية هاي ما يقلل من رجولة الشخص بالعكس عادي .. لكن بلاها الياء في نهاية اسم الدلع .. وفقك الله اختي تقديري

ابو سيف 18

08-10-2015, 12:16 PM

أختى / مجنــــــــــــــــونك
صباحك سعـــــــــــــــــــــــــــــــــــــاده
سلمت اناملك الماسيه على ما نثرته من درر

اختى الراقيه ...
هذه الفئه لربما تضع هذه المسيمات من اجل الاغراء للجنس الاخر
كمثل الاسلوب فى التعامل من خلف الشاشات
ليس تصغير او تحقير بالشخص عندما تناديه باسم الدلع
لربما من باب المحبه
مثـــــال
بنت عمي متزوجه ومعاها عيال
من الصعب جداً ان اناديها باسمها الا بالدلع
وهالشي يضايقها
حتى جدام المدام اناديها باسم الدلع
لاى تعودت ان ادلعها من صغرها
اولادى لا اناديهم الا باسماء الدلع
سواف ومريوم فديتهم
فالدلع ف الاسم لا يعنى انه منحرف او شاذ جنسياً
لربما يجده سهل وممتع لديه .
دمتى مميره ايتها الراقيه
ســـــــــاارس

يحيائي10

11-10-2015, 07:58 AM

السلام عليكم \\\

يقال ان لم تستحس فافعل ما شئت

الف شكر

حنــان

11-10-2015, 11:00 AM

انا اسمع أصدقاء يقولوا لبعض يعني ينادو بعض (فهّود او خلّود)
بس بين بعض يعني

بس اتوقع تقصدي فئة معينه ؟!

اذا الفئه اللي ف بالي ف الله يعيننا لأني صايره اشوفهم زايدين و بدووووون حياء