إلى الأغلى دائما وأبدا أمي

[بقايا طيف]

رغم لثم الثقاب لـْ هالشموع التسعة وعشريـــن
وأنا لازلت في عيونك صغير ٍ لو كبر يصغر

قبل ترقد على شفاتي سخافة اسمها وبعديـــــن
أجي كلي قبل بعضي يسولف لك وانا اتبعثـــر

أوقف نبضي أنفاسي ودمعة ما قوتها عيــــــن
وأجيب الـ ليه من جيب السنين وحزمة الأشهر


وأجيب القلب وعيوني وكفي وصدري المسكين
وأجيب اللي خطر واللي على هالبال ما يخطر


أبسألني ولا أدري أببدى هالسؤال منــــــــين
وأحس الكل يصرخ لي من الآخـــــر من الآخر


حشا يمه وأنا المثـقل بأفضــــــالك وكلي دين
على حزن ٍ يسافر بك حشا يمــــــه حشا مااقدر


لك فكلي تفاصيل ٍ من النطـــــــــفة إلى التكوين
إلى طفل ٍ على يدينك غدا رجـــــل ٍ عرف يكبر


كبيرة أدري ف حقك ولو هي جــات بيني وبين
دنائة نفس هالمثخن جراح وذنــــــــب لو يغفر


أبسكبني على وصالك دخـــــــــيل الله والبيتين
عساان رضاك يشربني وأحــس به كل ما أزهر


على إيدك وحطيني هنا وهـــــناك مادري وين
ولا ودي بعد أدري كفا صدري بما يشعـــــــر


أنا ربي خلق لي أم ٍ ومن ذاللي يجي ب أميــــن
كثير وجوه تتكرر ولا به أم تتكـــــــــــــــــرر


إذا ع الحب يا يمه أشيل القلب لو تبغـــــــــين
وإذا ع الشعر يا يمه حرقته دفتر ٍ دفـــــــــــتر


وش أجمل بس من بسمة قبل تسطع على خدين
تحس كل شي له طعم ٍ يفوق الشهـــــد والسكر


ودام الجنة يا يمه تحــــــــــــت أقدامك الثنتين
وش اللي يقال له أغلى وأعــــز وأعظم وأستر


أنا شفت الزمن حط الغلا قــــــــدامي ف كفين
غبي ٍ هالزمن يمه وأنا أشطر مــــن كذا أشطر


يكفيني وأنا توي وصلت التسعــــــة وعشرين
حنان الأم حسسني بأني الأكبر الأصغــــــر

[Raba]

جميل سرني وجودي هنا بين
ما جلبت ذائقتك الرائعة عزيزتي
الله يحفظ امهاتنا ويرحم الاموات منهن

[عملاق الشعر]

بقايا طيف

الله الله على هذه الذاائقة الاجمل من راائعة
راائعة من روائع الشاعر العماني فهد السعدي
نص في قمة الجمال


سلمت يداك المبدعة وذوقك الراقي

[rrrose]

اﻷم ليس لها مثيل ، فمن كانت أمه على قيد الحياة فليبرها ويحسن التعامل معها.
الله يحفظ جميع الأمهات ويرحم اﻷمهات اﻵتي فارقن هذه الحياة وعسى مثواهن الجنه يا رب.

[رايق البال]

هلا فيك بقايا طيف ...
لا جديد عليك هذا التألق والابداع المستمر
الف شكر لجهدك واختيارك وتفاعلك الجميل
طابت لياليك ...
( نص يستحق النجوم الخمس)

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

http://www.htoof.com/vb/images/smilies/22.gif