التجربة ..(لعشآق القصيد)

[راعية سمحة]

السلام عليكم جميع ..~
لقاءنا يتجدد مع أعذب القصيد وأرقى الشعرآء
واليوم مع محمد جار الله السهلي
بقصيدة التجربة




تقدم الدنيا لنا درس ٍ جديد بكل يوم
والناس تسلم من غثا الدنيا بحفظ دروسها !!
وعلى حسب حفظ المواجيب وتعاليم السلوم
نعرف مقاسات البشر بالمرجله ونقوسها
صيت الرجال الوافيّه بأفعالها .. ولا ّ الرخوم
ينبيك عنها : قل نفعتها وشين نفوسها
تطرد ورى الدنيا وتكشخ بالمواتر والهدوم
مثل ( الحريم ) أغلب دراهمها على ملبوسها
والإمعه والشايب الكذّاب وضعيف العزوم
نااس ٍ مع العالم بلا هيبه تدربي روسها !!
والبخل : خلاّنه بهايم !! لا تسام ولا تسوم
لا شفتها ترفع يدك حمد وشكر وتبوسها
على الصحن هم أول الجلاّس وآخر من يقوم
يعيّفك حلو الاكل والشرب طول جلوسها
ماهيب لللازم سند ولا ذخر عند اللزوم
تموت ماسرّك مهايطها وكثر فلوسها
وسوالف الخبلان .. رفعة ضغط وصداع وهموم
فلاوة ٍ تخطّف علوم العرب وتحوسها
واجب عليك إليا حكت عن جملة حكاها تشوم
الهند ما يرأس حكومتها سوى هندوسها
وربع المصالح والمجامل خوة ٍ ماهيب دوم
اقولها والتجربه قطع وريدي موسها
وقت الرخا .. مثل الصقور اللي على المرقب تحوم
فيّ ٍ يذّري ساقك الرمضا وحر ّ شموسها
وإليا احتمت صكّات بقعا وامست علومك علوم
اتلوّي خششها وتجحد خوّتك وتدوسها
من عقب ما انت الطيّب وقدرك معزّز ومحشوم
تصير اردى ما خلق ربي ودم ضروسها
أبعد عن الأشكال ذي .. بعد الثرى عن النجوم
وش حاجتك في قرب رديان العرب ونجوسها
ماهوب عيب إليا عزموك تقول يالربع .. معزوم !
العيب : لارحت لعزايمها وجيت عروسها
وخلّك فطين تعلّمك دنياك درس بكل يوم
والرجل يسلم من غثا الدنيا بحفظ دروسها !!

[نورمان]

قصيده جميله جدا
راقت لي
تحمل من الحكم والوصايا الجميله الكثير
بارك الله فيك

[رايق البال]

هلا فيك راعية سمحه ..
الله عليك الله كم تروق لنا اختياراتك العذبه
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[أزهار الكرز]

روعة
أبدعتي ف الانتقاء أختي

[روح الحلا1]

رافت لي ذائقتك
ربي يعطيك العافية.

[حبي خالص]

اختيار ذوووق عزيزتي
يعطيك ربي العافيه

[ﺷﻣوخي آذﯾﮬـہ⚡]

من عقب ما انت الطيّب وقدرك معزّز ومحشوم
تصير اردى ما خلق ربي ودم ضروسها
أبعد عن الأشكال ذي .. بعد الثرى عن النجوم
وش حاجتك في قرب رديان العرب ونجوسها


انشهههد #
صح لسانه
انتقاء جميل وذائقة ولا اروع
كل الشكر لك * راعية سمحه
يعطيك الف عافيه

[احساس روح]

انتقاء رائع
سلمت يمناك
الف شكر لك

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

http://www.htoof.com/vb/images/smilies/22.gif

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !