شسولفلك ...

[كاتمة الجروح]

أبسولف وصدري مختنق منك من الضيقة
أبسولف وأنا حتى كلامي صرت ماطيقة
أبسولف عن أجمل حلم .. وصعب تحقيقة
والله ودي أسولف لك
عن الأحزان والضيقة
عن الدنيا
وأتساع الكون
لاضاقت لجنحانك وتحليقة
عن الآمال لاطاحت
ورجع صوتك لتنهيدة
تعب فيني الوجع
مدري .. ؟؟
تعب فيني التعب ضيقة
شسولف
للغلا اللي فاض بي صدر وحنين
شسولف
للضلوع اللي تضمك من سنين
شسولف لك ؟؟
عن أشواقي
عن فؤادي
عن اللي داخل أعماقي
عن الحب اللي من عرفتك نام بأحداقي
شسولف لك ؟؟
وأنا خايف يخون الكلمة التعبير
أنا شرهات شوقي تكره التقصير
شسولف
والبشر عادي ولكن أنت عندي غير
شسولف لك ؟؟
وأنا خايف يموت النبض في صدري
وأنا شايف أحبك وأنت ماتدري
شسولف لك
عن أخباري
وش يبي يطلع جديد
مالحزن نفس الحزن
ومن رحل يبقى بعيد
شسولف لك
عن أخباري
وش الطاري
مابه جديد
مابه جديد
نفس التعب
نفس الضما
نفس السهر
نفس هذا الأحساس البليد
شسولف لك
بعد أكثر
عن الشوق اللي كل ماخلص
يبدأ من أول يزيد
وش تبي تسمع بعد أكثر
عن الدنيا
لما كنت أشعلها بقربك
أفراح
وتهاني وعيد
ويش أسولف لك وأعيد
من رحلتي لاجديد
شسولف لك ؟؟
وش اللي باقي ماقلتة
وش اللي باقي ماشلتة
هو بقى حيل وهد متني ماتحملتة
أنا ماقلت لك مرة ؟؟
تعال وشوف بعيوني حنين القلب لشتاقك
الله ياكثر الحنين اللي خنقتة بصدري علي شانك
أموت .. أموت في قربك
لا وربي أنا أحيابك
شسولف لك ؟؟
إذا قلبي نشدني شــ آخر أخبارك
شسولف لك ؟؟
عن الذكرى وطيوف تداعب أنهارك
وأنت تدري
أنا أكثر شخص واحشني كلامك
يعني مو بس أوله عليك
أنا والله أتشفق سلامك
شسولف لك ؟؟
وأنا أصلا
أرتباكي لك غلا
شوف عيني لا لقيتك
ماتكفيني هلا
خايف أضما وماأرتويك
خايف اللحظه تطوف
والله ياعمري تطوف
ويشتعل كلي عليك
وأنا شفني بين أيديك
شسولف لك ؟؟
تبي أكثر ؟؟
تبي حبي يصير أكبر
شسولف لك ؟؟

[حبي خالص]

كاتمه اختيار جميل
كلك ذووووق

[البروفيسور عيسى]

اختيار رائع بارك الله فيك .

[أزهار الكرز]

أبدعتي ف الانتقاء أختي