وجود ليسن عند بعض الحريم بدون فايدة ؟؟؟؟ لماذا

[مجنونك ما يخونك]

مراحب احواني واخواتي



جبت لكم هالموضوع بس لاني مستغربه من بعض الحريم عندهم لاياسن بدون فايدة لانه عندهم بس حج الشيفة ما يسوقوا
قصدي عندهم ليسن بس زوجهااا يوديها ويجيبها او زو جهااا مشغول برا تنتظر لين ما يرجع زوجهاااا ليش عيل عندج ليسن
واذا تبي اتروح الدوام عندها سياره وليسن ما تروح ادور حد يوديهاااا ليش وثانيااا حتى سوق ما تروح وحدهااا اتخاف اتسوق
وبعد اونه ما اجدر اسوق مكان بعيد عيل شو الفايده .. وبعد البنات متهورات يعني ما ينتبهوا يوم يسوقوا يخبصوهاااا طبعااا
موووو كلهن بس اغلبهن والله ويدعموا الاوادم ليش لانهم ما منتبهات ابدااااا امس حرمه راجعه ريوس وما منتبهة ان حرمه
شايله الاغراض واتحطهم في السياره راجعة ريوس عالحرمه رغمة ان جاعدين الهنود يصرخوا عليهااا يجولوا لهاااا في حرمه
ورا سيارتج هي ما منتبهة و بعضهن ما يستخدموا الجامات يلي عالجوانب ابداااا يسببوا حوادث والله وايد من هالحريم ولاهيات
باولادهم يا ناس انتبهوا لا حد يزعل من كلامي بس وايد حريم كذا ما يشغلن عقولهن ابدااااا ....



مجنــــــــــــــــــــــــــــــــــــــــــــونك

[كاتمة الجروح]

بالفعل كلامك عزيزتي...

ولكن هالكلام ليس للشابات فقط بل للشباب أيضا ...

وأتمنى من الجميع الانتباه ...

وشكرا اختي ع الطرح المهم...

[ملهم]

انا بجاوب اول واحد

بالعكس الحرمة لما يوديها زوجها اي مكان هذي بروحها هيبه تعتبر معها زوجها تروح مستشفى وعندها زوجها وتروح المولات ومعها زوجها تروح الحدائق ومعها زوجها يوديها الدوام زوجها هذي هيبه وما تحقلها اي زوجه هيك

شي فرق بين تروح حرمه بروحها اي مكان
وشي فرق لما تروح مع جوزها

[Raba]

دام تخاف فحلو يكون عندها ليسن وما تسوق لانها لو ساقت بتدمر خلق الله ... وفي منهم لوازم حمل أو صدمة نفسية وأعرف ناس بصراحة تركوا السياقة بعد ما اصابهم موقف وصار عندهم خوف من السياقة .. وفي منهم عندهم مشاكل صحية ما فيهم يسوقوا مسافة بعيدة مطلعين الليسن لتقضية حاجاتهم في البلد بس .. وفي رجال ما يرضون زوجاتهم يسوقن بعيد او ما يسوقن أبد يعني في أكثر من عذر بالنهاية هذا يندرج تحت الحرية الشخصية ما بتخسر شيء لو طلعت الليسن أو لا بفلوسها بالمختصر هههه ...و إلي ما تنتبه ليه تسوق؟! أفضل أحد يأخذها بعد أرواح الناس أمانة تقضي عليهم بأي حق؟!...
شكراً لك عزيزتي هذا الطرح وبارك الله فيك وتقبلي ضي الشمس

[❤ رصاصه روسيه ❤]

صحيح كلام ملهم هههههههههههه هيبه لما الحرمه يشلها زوجها

وبعدين هذيلا اللي م يعرفن يسوقن افضل يسحبوا عليهن الليسن م شي فايده يقتلن الاوادم هع

[ملهم]

صحيح كلام ملهم هههههههههههه هيبه لما الحرمه يشلها زوجها

وبعدين هذيلا اللي م يعرفن يسوقن افضل يسحبوا عليهن الليسن م شي فايده يقتلن الاوادم هع وحدنا نشوفهن في شوارع سياقتهن زينه بنات
امكن وحده او ثلاثة ما يعرفن فقط

اذا بنت ما تعرف تسوق حتا اولاد ما يعرفوا يسوقوا


عيل كيف حصلن ليسن وما يعرفن يسوقن

[مجنونك ما يخونك]

اخواتي لا مو سالفة هيبه ما تسوج ابدا اونه ما تعرف الاماكن ما تجدر اتسوج ليش عيل مطلعة ليسن دامج ما تبين اتسوجين
احيانا الزوج ينشغل والياهل مريض هي تجدر اتروح اتوديه لكن ما تروح تنتظر زوجهااا يمكن يتأخر ولا شي وثانيا في بنات
يجولن حال خواتهن ودونا مكان فلاني في سياره وعندهااا ليسن بس يذلوا نفسهم حج ناس برا ليش ما اعرف

[❤ رصاصه روسيه ❤]

وحدنا نشوفهن في شوارع سياقتهن زينه بنات
امكن وحده او ثلاثة ما يعرفن فقط

اذا بنت ما تعرف تسوق حتا اولاد ما يعرفوا يسوقوا


عيل كيف حصلن ليسن وما يعرفن يسوقن

صح المعظم سواقتهن اوكي
ما قلنا شي

وانا اشهد اعرف بنات سواقتهن مثل الشباب يقدرن يسيطرن ع السياره اذا صادفهن اي موقف ف الشارع بدون خوف
بس البعض ع طول يغمضن عيونهن من الخوف وعاد عند ينعقن
والبعض عندهم نقص نظر وقت الليل م يشوفن زين وفوق هذا م يلبسن نظارت


والاولاد كذلك مو كلهم يعرفوا يسوقوا

[مجنونك ما يخونك]

موووو كلهن بس اغلبهن
...... ملهم اقرا انا شو كاتبه مووووووووووووووووووو كلهـــــــــــــــــــــــــــــن بس اغلبهــــــــــــــــن

[كاتمة الجروح]

انا بجاوب اول واحد

بالعكس الحرمة لما يوديها زوجها اي مكان هذي بروحها هيبه تعتبر معها زوجها تروح مستشفى وعندها زوجها وتروح المولات ومعها زوجها تروح الحدائق ومعها زوجها يوديها الدوام زوجها هذي هيبه وما تحقلها اي زوجه هيك

شي فرق بين تروح حرمه بروحها اي مكان
وشي فرق لما تروح مع جوزها

اعارضك من هالناحيه لا تتكل الحرمه ع زوجها في كل شي يمكن الرجال مشغول او شي ف الأفضل كل شي تسوه بروحها ع قولت العمانين لا تتكل ع غيرك يقل خيرك
من وجهة نظري الحرمه لازم يكون عندها ليسن وتسوق في كل احتياجاتها طبعا اذا كان الزوج فاضي وموجود هو ياخذها ....

[ملهم]

صح المعظم سواقتهن اوكي
ما قلنا شي

وانا اشهد اعرف بنات سواقتهن مثل الشباب يقدرن يسيطرن ع السياره اذا صادفهن اي موقف ف الشارع بدون خوف
بس البعض ع طول يغمضن عيونهن من الخوف وعاد عند ينعقن
والبعض عندهم نقص نظر وقت الليل م يشوفن زين وفوق هذا م يلبسن نظارت


والاولاد كذلك مو كلهم يعرفوا يسوقواالحين الحمد لله كل السيارات يجين جير اتوماتيك ما مثل اول
الحين ما في خوف من شوا الخوف في سياقة عن نفسي اشوفهن يخطفن علينا مثل نشاب وسياقتهن زي الفل
والله يحفظ الجميع من الحوادث
وبعدين ما معناته بنوته سوت طشونه حادث ما تعرف تسوق

وامكن انته تجلس تصرخ على بنت وهيه تسوق تخليها تسوي حادث يعني بين قوسين دهدرتوبها البنت ههههههههههههههههههههه من لعيانكم وصريخكم

[ســــ المحبه ــــهم]

ليسن مهم يكون عند حرمه ف حاله انها موظفه او يكون زوجها اغلب اوقاته ف شغله..

[ملهم]

اعارضك من هالناحيه لا تتكل الحرمه ع زوجها في كل شي يمكن الرجال مشغول او شي ف الأفضل كل شي تسوه بروحها ع قولت العمانين لا تتكل ع غيرك يقل خيرك
من وجهة نظري الحرمه لازم يكون عندها ليسن وتسوق في كل احتياجاتها طبعا اذا كان الزوج فاضي وموجود هو ياخذها .... ما معناته انه مشغول عاد ما يقدر يطلع ساعة ساعتين من دوام

دائما لما يكون زوج مع زوجته في اي مكان يطلعوا هيبه بعض المرات زوجه ما تعرف تتصرف في بعض الامور

مثل رايحه المستشفى عندها طفلين هذا يصيح من صوب والاخر شيطان شو بتسوي المسكينه زوجه

سعادة الباشا في دوام وتطيح في زوجه ؟؟؟؟؟؟؟؟؟؟؟؟؟؟
وما معناته عندها ليسن وسيارة خلاص تسوي كل شي بروحها هذا اكبر غلط


جاوبي

[مجنونك ما يخونك]

ما معناته انه مشغول عاد ما يقدر يطلع ساعة ساعتين من دوام

دائما لما يكون زوج مع زوجته في اي مكان يطلعوا هيبه بعض المرات زوجه ما تعرف تتصرف في بعض الامور

مثل رايحه المستشفى عندها طفلين هذا يصيح من صوب والاخر شيطان شو بتسوي المسكينه زوجه

سعادة الباشا في دوام وتطيح في زوجه ؟؟؟؟؟؟؟؟؟؟؟؟؟؟
وما معناته عندها ليسن وسيارة خلاص تسوي كل شي بروحها هذا اكبر غلط


جاوبي


يا ولد الناس اذا الزوج مسافر او يداوم الصحراء شو راح اتسوي تأجل امورهاااا عيل شو فايده الليسن حج التفشيره بس

[كاتمة الجروح]

ما معناته انه مشغول عاد ما يقدر يطلع ساعة ساعتين من دوام

دائما لما يكون زوج مع زوجته في اي مكان يطلعوا هيبه بعض المرات زوجه ما تعرف تتصرف في بعض الامور

مثل رايحه المستشفى عندها طفلين هذا يصيح من صوب والاخر شيطان شو بتسوي المسكينه زوجه

سعادة الباشا في دوام وتطيح في زوجه ؟؟؟؟؟؟؟؟؟؟؟؟؟؟


جاوبي
مجبوره الزوجه تتحمل كل شي ع قولتك الزوج ف الدوام ترا م رايح يلعب يدور رزقه الرجال يريد يعيش اهله بهدوام

والحرمه دايما مجبوره انها تصبر هي تسوي واجبها اتجاه عيلتها ...

وكل شخص ينبغي عليه سوي واجبه م يسوي واجب غيره

[❤ رصاصه روسيه ❤]

الحين الحمد لله كل السيارات يجين جير اتوماتيك ما مثل اول
الحين ما في خوف من شوا الخوف في سياقة عن نفسي اشوفهن يخطفن علينا مثل نشاب وسياقتهن زي الفل
والله يحفظ الجميع من الحوادث
وبعدين ما معناته بنوته سوت طشونه حادث ما تعرف تسوق

وامكن انته تجلس تصرخ على بنت وهيه تسوق تخليها تسوي حادث يعني بين قوسين دهدرتوبها البنت ههههههههههههههههههههه من لعيانكم وصريخكم

هههههههههه
الله يحفظ الجميع ان شاءالله



تجربتي ف السياقه
كان التعليق عليها متهوره هههههههههه

بس انا جربت سياقة البنات طبعا يعتمد ع حسب طبيعة البنت البعض من النوع اللي يخافهن
مجرد احد ضرب قدامهن بريك يخافن وم يعرفن يتحكمن بـ سياقتهن
البعض بسبب نقص النظر معهن لما يرجعن ريوس ما ينتبهن اذا في شي وراهن او لا
بس البنت اللي يتحكم فيها خوفها


لكن عكس لما احد يجي معها وكل مره شي يقولها ويعلق وغيره عاد هي م بتعرف تسوق

[ملهم]

مجبوره الزوجه تتحمل كل شي ع قولتك الزوج ف الدوام ترا م رايح يلعب يدور رزقه الرجال يريد يعيش اهله بهدوام

والحرمه دايما مجبوره انها تصبر هي تسوي واجبها اتجاه عيلتها ...

وكل شخص ينبغي عليه سوي واجبه م يسوي واجب غيرهانا ما قلت رايح يلعب
وتراه حتا لو الزوج طلع من دوام ما مشكله ساعة ساعتين موه يعني بيفنش من عمله

عيل زين والله الرجال ما يسوي شي فقط يروح دوام ويجيب فلوس فقط

ويقول انا هذا ما شغلي فقط شغلي اروح دوام واجيب فلوس فقط

كذا كلامك انتي صح ؟؟؟

[ملهم]

يا ولد الناس اذا الزوج مسافر او يداوم الصحراء شو راح اتسوي تأجل امورهاااا عيل شو فايده الليسن حج التفشيره بسيعني الحين لما الوحده عندها ليسن وما تسوق لما يقالها انها خذت ليسن حج التفشيرة

هذا كلام ناس وكلام حريم ما يخلوا الواحد على حاله

[كاتمة الجروح]

انا ما قلت رايح يلعب
وتراه حتا لو الزوج طلع من دوام ما مشكله ساعة ساعتين موه يعني بيفنش من عمله

عيل زين والله الرجال ما يسوي شي فقط يروح دوام ويجيب فلوس فقط

ويقول انا هذا ما شغلي فقط شغلي اروح دوام واجيب فلوس فقط

كذا كلامك انتي صح ؟؟؟

بعض الدوامات م تسمح لهم يطلعو هو في وقت الدوام ف دوامه ويسوي شغله بس في الأوقات الثانيه يسوي الي عليه والي يقدر يسويها

[♡سدرة المنتهى♡]

أنا من رأي وجود الليسن ضروري خصوصا إذا زوجها ما موجود عندها
اقصد الي زوجها يشتغل برا البلد

[احساس روح]

انا مع ملهم في كل ارائه فهالموضوع
المرأه يمكن داسه الليسن لوقت حاجه
والزوج هو المسؤول توصيلها وشلالها وكل شي كما قال ملهم
مع رأي ان الليسن مهم للمرأه ولكن لوقت الحاجه
اما الزيارات والطلعات والتمشيه فالافضل مع اهلها وزوجها
الليسن لضرورة المستشفى واذا ما في احد ف البيت من الرجال واستوى امر طارئ مع ذهابها به الى العمل

[كاتمة الجروح]

انا مع ملهم في كل ارائه فهالموضوع
المرأه يمكن داسه الليسن لوقت حاجه
والزوج هو المسؤول توصيلها وشلالها وكل شي كما قال ملهم
مع رأي ان الليسن مهم للمرأه ولكن لوقت الحاجه
اما الزيارات والطلعات والتمشيه فالافضل مع اهلها وزوجها
الليسن لضرورة المستشفى واذا ما في احد ف البيت من الرجال واستوى امر طارئ مع ذهابها به الى العمل

بس اذا المراة م استمرت ومارست السياقه طبعا راح تنساها اذا خلت الليس لوقت الضرورة بتنسى السياقه فالافضل تمارس هذي وجهة نظري ...

[Raba]

بس اذا المراة م استمرت ومارست السياقه طبعا راح تنساها اذا خلت الليس لوقت الضرورة بتنسى السياقه فالافضل تمارس هذي وجهة نظري ...

عذراً على تطفلي بالرد ولكن من أين اتيتم بأمر النسيان
السياقة ما تنتسي واذا عندك ليسن بتعرفي أنها ما تنتسي .. ممكن أول ما ترجعي تسوقي تحسي شعور إنك بعدك تدربي سياقة بعد ذلك يسترجع العقل كل إلي درستيه وتكون أمورك عادي يعني ترا إلا جير أوتوماتيك ..
كل الشكر لك عزيزتي

[مجنونك ما يخونك]

كيف يعني المراة داسة الليسن لوقت الحاجة يعني ليسن عندهاااا بس حج الشو بس تعالوا شوفوا
عندي ليسن لا حبيبتي المراه لازم اتعود نفسهااا خلاص اتسوج واذا تتطلقت يعني تنتظر زوجها
الثاني يوديها ويجيبهااا ... لازم اتسوج و تنتبهه بعد في السواقه انا اجول ليش البنات بعضهن
يخافن يسوقن لانه اول ما يأخذو اليسن ما يسوقوا يحطوهم في المحفظه عاد يبدئوا ودونا
جيبونااا وهي عندهااا ليسن وبعد فتره عاد من تبدا اتسوج كانهااا اول مره اتسوج الله يهديهن....

[مجنونك ما يخونك]

http://www.mydreambox.net/forum/imgcache/2014/207600_dreambox-sat.com.gif

[ملهم]

كيف يعني المراة داسة الليسن لوقت الحاجة يعني ليسن عندهاااا بس حج الشو بس تعالوا شوفوا
عندي ليسن لا حبيبتي المراه لازم اتعود نفسهااا خلاص اتسوج واذا تتطلقت يعني تنتظر زوجها
الثاني يوديها ويجيبهااا ... لازم اتسوج و تنتبهه بعد في السواقه انا اجول ليش البنات بعضهن
يخافن يسوقن لانه اول ما يأخذو اليسن ما يسوقوا يحطوهم في المحفظه عاد يبدئوا ودونا
جيبونااا وهي عندهااا ليسن وبعد فتره عاد من تبدا اتسوج كانهااا اول مره اتسوج الله يهديهن....من خلال كلامك يا مجنونك

يعني لازم اي بنت تطلع ليسن لازم تسوق واذا ما ساقة سيارة يعني تعتبر مطلعة ليسن عشان تفشيرة ولازم حريم الحارة كلهن يشوفن البنت انها ساقة سيارة واذا ما ساقة سيارة تعتبر مطلعة ليسن عشان فشرة !!!!!!!!!!!!!!!!!!!! هذا انتي تقصدي


واذا البنت تتطلقة يعني ما عندها اهل يودوها اخوها ابوها ولا مقطوعة من شجرة !!!!!!!!!!!!!!!!!!!

[يحيائي10]

السلام عليكم
رخصة القياده مهمة جدا
وهذا بحد ذاته وجود رخصة لمرأة وان كانت لا تجد سيارة فهي باستنطاعتها قيادة السيارة في اي وقت تتيح لها الفرصة يعني مو شرط يكون عندها سيارة ان ان زوجها او اخيها يوصلونها في اي مكان تشاء ..

السيارة ضرورة ملحه نعم زوجي يوصلني وانا اتمنى ذلك ولكن هناك ظروف ربما ان هذا الزوج مريض في فترة معينه مما تستدعي ان تسوق هي السيارة بدلا عنه

مجرد راي

[ملهم]

بعض الدوامات م تسمح لهم يطلعو هو في وقت الدوام ف دوامه ويسوي شغله بس في الأوقات الثانيه يسوي الي عليه والي يقدر يسويها تراه يوم تروح الدوام ما يربطوك بحبل عشان ما تقدر تطلع !!

والدوام ما كل الوقت تكون مشغول من توصل لحد ما تطلع يوم كذا ويوم كذا

وفي دوام ما فقط انته يعني انته تطلع ويغطي مكان شخص لحد ما تجي

[أبـوالولـــيـد]

موضوع شيق لي عودة هنا

[ملك رووووزي]

خلاص زين ولاحد يزعل بنسحب اللياسن عن الحريم اللي م يسوقن وعن الشباب بعد كذي زين ؟؟؟
في اشخاص اول م يسمعو سالفت ليسن ع طول يبو ويتحمسو وغيره ,,,فتكون حماسه بالبدايه بعدين بس يستلموه ويصير الموضوع جد بعضهم ينسحب ويتراجع م يبي يسوق والبعض يجرب يسوق وبعدين يهون ......انا في بنت اعرفها كذي عندها ليسن وم تسوق لان استلمت الليسن بعدها صار حادث وتعقدت ف البعض كذي صارلهم موقف او لاحد م اهلهم وتراجعو........

بالنهايه اللي م يسوق ويعتمد ع نفسه بجد ينذل يعني مب دايم احد فاضيله يوصله الا نص مشاويره تتعطل

[مجنونك ما يخونك]

اسمع ملهم انت صراحة تفهم بالمقلوب قصدي تعتمد ع روحهااااا احسن وملهم صراحة اسفه انت اتحب اتخرب المواضيع
وانا اعرف انت اتعرف زين انا شو اقصد ...

[يحيائي10]

يا جماعه هدوا شوي
يمكن في ناس تتابع الردود عشان تستفيد وتفيد

[ملهم]

اسمع ملهم انت صراحة تفهم بالمقلوب قصدي تعتمد ع روحهااااا احسن وملهم صراحة اسفه انت اتحب اتخرب المواضيع
وانا اعرف انت اتعرف زين انا شو اقصد ...دائما لما ما تعرفي تردي على وتكتبي
تقولي ملهم تحب تخرب المواضيع

فايش انا خربت الموضوع !!!!
بعدني متجمل ورديت شكري ربك

[،إستثنائي،]

وجود رخصه القياده لدئ بعض الحريم
قد يجون بمثابه الفائده لهن
لان بعض العوائل لها ضروف لا احد يعلمها ولاسباب خاصه قد تسعئ المرآه للحصول علئ رخصه القياده

تقبلي مروري هنااا

[ملك رووووزي]

ياملهم ويامجنونك هدو فيكم بسم الله ترى الا موضوع مب ساويه يعني بالنهايه كل حد ورايه حبيبتي مجنونك هو علق اذا م عجبج التعليق قوليله تشكر ع المرور وسكتي عنه بس هو جالس يعلق ياخذ ويعطي بالنهايه مواضيع ترى لاتعكرو المووود م الصباح هااااا والا اثنينكم طرد ترى هههههههه

[مائة بيسة]

للضرورة احكام..وعامل الخوف وعدم الثقة بالنفس احد هالاسباب غير
عن الأهل اللي يعطوا سلبيات للسائق حتى يخاف يسوق+ كثرة الحوادث الخ
https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

[رهيف الثلج]

لما يكون زوجي متوفر ترا نطلع مع بعض ولما يكون م متوفر وحدي أسوق وأقضي مشاويري
وأنا دايماً أسوق خطوط والحمد لله شي بنات يسوقن خطوط ما شاء الله عليهم
والي تسوق خطوط ترا تكون عندها خبرة أكثر من الي تسوق ف مسقط ولا ف البلد بس

وشكراً ع الطرح

[إبن الأكرمين]

البنات تحصلهم قلوبهم ضغيفة تخاف تسوق جنب شاحنة او قاطرة مقطورة فترتبك و تفكيرهم مشغول غالبا فيؤثر ع تركيزهم اثناء القيادة ..

[مجنونك ما يخونك]

اذا اتخاف اتسوج ليش امطلعه ليسن عيل احسن لهاااا اتجي واتروح مع زوجهااااا

[الحان الحياه]

حاليا معي ليسن شكل بس بسبب
يمكن نرجع في مستقبل القريب :(
بس ما ليسن واسطه وخذيته بسرعه :cool:

[احساس روح]

اذا اتخاف اتسوج ليش امطلعه ليسن عيل احسن لهاااا اتجي واتروح مع زوجهااااا

يا اختي
يمكن يسوقن مع ازواجهن
يمكن ما معها فلوس تشتري لها سياره
ويمكن تعقدت من السواقه
ويمكن ويمكن
دعوا الخلق للخالق
ودامها مطلعه ليسن ما ضاره احد
ايش فيكم عليها
عن نفسي عندي ليسن وسياره
ولكن الان من تزوجت ما اسوق واجد
انتظر زوجي يقضيلي اموري

[همسسة طفولة]

متابعين لردود ........

[مجنونك ما يخونك]

http://download.chatalkhaleej.com/uploads/14205428315.gif صراحة البنت ضروري تتعلم السياقه بس اتمنى بدون واسطه علشان تتعلم صح
لانه صراحة البنات صراحة اكثرهن يخافن يسوقن ما ادري ليش وما ينتبهوا
ما ادري ليش واتمنى محد يزعل من كلامي بس هاي الحق صح شباب متهورين
بس سياقتهم احسن من الحريم والله ....

[ملهم]

البنت ضروري تتعلم سياقة بس اتمنى بدون واسطة عشان تتعلم صح

[سلطنتي فخري]

ضربتي ع الوتر الحساس ههههههههه عندي ليسن ومن زمان ما سقت وأول سبب ما متوفره معي سيارة خخخ لو معي سياره كان يختلف الوضع

وأحلى شي يشلها زوجها ف مشاويرها .. الليسن للحاجات الضروريه يوم يكون هو ما متواجد او....او.... ظروف قد تصير ..

شكرا ع الموضوع

[همس الأفكار]

ما المانع أن يكون للمرأه رخصة قيادة تستخدمها في وقت الضروره فقط!!

لأن المرأه طبيعتها ليس كالرجل والرجل هو المسؤول عن تلبية حاجاتها ومتطلباتها
فإذا كانت المرأه تلبي كل حاجاتها وتعتمد على نفسها بشكل كلي فما وظيفة الرجل اذن ؟؟؟

المرأه لايفضل أن تكون بمفردها كم من حوادث نشاهدها وكم من مواقف تكون المرأه بمفردها بدون محرم
ويضطر الآخرون لمساعدتها!

في نظري أن في مثل هذه الموقف لاتستطيع المرأه التصرف بشكل جيد

ولذلك عليها أن تعتمد على الرجل في حالة وجوده
أما في غيابه فلا مانع من خروجها لقضاء حاجتها الضروريه

دمتِ بخير وسعاده ،،

[hamoood.om]

الله يسلمنا ويسلكم شر الطرقات ومعوقتها الله يحفظكم

[مجنونك ما يخونك]

هلا وغلا شفتوا امس الحادث في العذيبه حادث غريب بنت اتسوج وشفتوا السياره
فوق التكسي راكبه هههههه والله انا مستغربه كيف صار كذا كيف قحمت السياره
هناك غريبه والله .....

[يحيائي10]

هلا وغلا شفتوا امس الحادث في العذيبه حادث غريب بنت اتسوج وشفتوا السياره
فوق التكسي راكبه هههههه والله انا مستغربه كيف صار كذا كيف قحمت السياره
هناك غريبه والله .....

ههههه
والمقطع الذي تم تداوله الاسبوع الماضي حول امرأة ايضا تسوق سيارتها بالاتجاه المعاكس



وعلى اي حال هذه هفوات شخصية ولا نعمم على كل الفتيات