الحين تنشد .. ويش هو عندك غلاي♡

[ضحية غرامك]

الحين تنشد .. ويش هو عندك غلاي
تراك تدري وش غلاك ووش تكون
عصاي في كفك .. وانا حبي عماي
ومن دون وصلك والله ان مالي عيون
تغيب عن عيني .. وطاريكّ معاي
واخشك بعيني من اللي يحسدون
غمضت بك من مبتداي لـ منتهاي
عيوني تضمك .. وتحرسك الجفون
اسهر على حبك عشان اروي ضماي
حتى لو اني بزحمة اللي يسهرون
فكري معك قلبي معك لو هم جداي
يسولفون / ويمزحون / ويضحكون
احسك بك وآحس بانفاسك وراي
واسمعك لا ناديت .. لو ما يسمعون
مره من المرات في طارف مساي
نصتني طيوفك وانا ليلي سكون
قالوا لي شـ اعلاجك وقلت انك دواي
قالوا لي تحبه .. وقلت انتوا شـ تبون
قالوا ذبحك بغيبه .. قلت و عساي
دام الحنايا فدوه .. وجرحه يمون
لا تخاصموني فيه .. جايز لي عناي
محبتي له صدق .. مهما تعذلون
لو ان حُبه سم وسط ابريق شاي
شربت شاهيه .. لو آموت مغبون
والحين يا اغلى الناس ما هذا بجزاي
اما اكون اغلى البشكر او ما اكون
احاكي الذكرى عشانك .. يا ضناي
والناس بـ اللي مبتليني يجهلون
ما شفتني .. لا احتجتك وخارت قواي
الاحي الغربي .. على جر اللحون
العشق وردني المنايا ..لو وفاي
عشق بدوي " لا عشق ماهو يخون
سجنك حنايا الشوق .. يا لذة خفاي
بس ارحم السجان جعلك ما تهون
اليا سرحت بنظرتك مدري شبلاي
تقول كني .. في غياهيب الجنون
تنفسّ وعطني من انفاسك هواي
ما ابغي اعيش الا مع الطرف الحنون
انا ما احبك حب عادي يا غلاي
انا احبك .. فوق ما لا يعلمون




http://soo.gd/PIN295FE2E7-Kpz <3

خاصصص0-0

[بيبرس العماني]

هلا بالامراطورة

ذااائقة جميلة جدا

لو ان حُبه سم وسط ابريق شاي
شربت شاهيه .. لو آموت مغبون
هذا البيت ذكرني بالمقولة اللي تقول : ومن الحب ما قتل

[أزهار الكرز]

أبدعتي ف الانتقاء أختي

[رايق البال]

هلا فيك امبراطوره ..
لا جديد عليك هذا التألق والإبداع
الف شكر لجهدك واختيارك وتفاعلك الجميل
طابت لياليك ..
( نص يستحق النجوم الخمس)

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[حبي خالص]

ابداع متواصل امبراطوره
كلك ذوووق .. بإنتظار ابداعك القادم

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

http://www.htoof.com/vb/images/smilies/22.gif