عيون الحب

[بيبرس العماني]

عيون الحب لا يمكن تناظر
عيوب الخل لوهو عيب كله

تماري فيه وبوصفه تكابر
ترى من فوق خلق الله محله

رفيق الليل في الشباك ناطر
واثاري الليل شباك لخله

حفظ احلى الكلام وصار شاعر
بصبر ينتظر والصبر مله

حبيب عشت في دنياه عابر
حسب قوله ويا شعري فقله

انا ضحيت له وارجي وصابر
واذا عيا اقول الله يحله

على الملتاع الا يا بعد باكر
يبي السلوان والذكرى تظله

صحيح ان الهوى سحر المشاعر
يراه الصب عز لو يذله

عيون الحب في قلبي تناظر
تشوف اللي عيوني ما تدله

[أزهار الكرز]

أبدعت ف الانتقاء أخي

[نورمان]

صحيح ان الهوى سحر المشاعر
يراه الصب عز لو يذله
ابيات جميله
راقت لي
سلمت اناملك

[رايق البال]

هلا فيك بيبرس ..
نص واختيار جدا رائع كما تعودنا منك
الف شكر لجهدك واختيارك وتفاعلك الجميل
طابت لياليك ..

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[حبي خالص]

ابيات جميله شاعرنا
يعطيك ربي العافيه ويسلم الذوق