لعنتك لين مــــــا شعري نبت في فمّه الاسنان

[عز شمر]

على أي حال مشكــــوره انا استاهل تخونيني
ينام العاشق بطعنه ويتعوّد على الاحـــــزان

وانا اتنفّس كتبت أغلى القصـــائد لجل تقريني
وانا ميّت وذي اخر قصيده وأحفظي العنـــوان

"كرهتك" كثــر مـا حزني طويل ويحفر بعيني
"كرهتك" كثـر مـا كُرهي يثور بداخلي بركان

جمعت الحب من قلبي ونخلت الطيــب من طيني
ومثل مــــا أذكر أيامك رميتك سلة النسيان

مثل مــا ينعصر قلبي وتتقطع شـــــراييني
مثل مــــا ينسرق عمري وأموت بخنقة الدخان

مثل مـالشعر صرخه ،رفعت الجــــرح بيديني
ولعنتك لين مــــــا شعري نبت في فمّه الاسنان

مثل مــــــا احرق أوراقك حرقتك قبلها فيني
وشعلتك لين ما ناري كَلَت من ضيمهـــا الجدران

من الأول وانــــــا أحبك ..وأشك إنّك تحبيني
أعيش بداخلك كذبه وتعيشي داخلي طــــوفااان

أحبك لين مــــا أحبك! ولين إنــّــك ذبحتيني
"كرهتك" والسبب إنّي أحبك !…يااااااه يالنكــــران

عســــاك بضيق يـــــا إنتي إذا كنتي نسيتيني
عسى إللي عوّضك بُعدي يعيش بكذبتك لــــلآن

على كل حــــال مشكوره ، قصيدة فيك تكفيني!
تصّحي الشاعر الطعنه وتقوّي قلبه الاحــــــزان

[♡سدرة المنتهى♡]

رائع ما قدمت أخي
يعطيك العافيه

[عملاق الشعر]

عز شمر


الله عليك

نص في قمة الروووعة
وذاااااائقة من الطراااز الملكي



سلمت يداك المبدعة وذوقك الراقي

"نص يستحق التثبيت والنجوم الخمس"

[حبي خالص]

عز .. انتقاء عذب وجدا راقي
يعطيك ربي العافيه أخي وكلك ذوووووووق

[حنــان]

رااااااائع جدا

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !

[رايق البال]

هلا فيك عز ..
نص واختيار راقي كالعاده الله عليك الله
الف شكر لجهدك واختيارك وتفاعلك الجميل
طابت صباحاتك ..

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[مفآهيم آلخجل]

ذآئقة رآئعة
إنتقآأإء مميز
كل آلشكر لك...!