قهوة ساده ..!!!

[♡سدرة المنتهى♡]

.
.
.

هَلا هَلا ياضحكة شفاه الايام​
ولع سهر نار الخفوق ورماده..




مشتاق لك شوق ٍ ماهو شوقي العام
شوق ٍ ماهو عادي ومن عام عادة!..



الليلة اكتب شاعرك شعر والهام
لا اطعمك حرفه قطعة ٍ من فؤاده ..




دربك يده لو الدروب اوجهت شام
وعادة غرامه فيك فوق اعتياده..




عليك ترحيبي وتغشاك الانسام
من نار قلبي لين فيـّة براده..




وقّف دقايق عقرب الساعة ونام
مابين رمشي والجفن به سـهاده ..




بيّن غيابك في الدفاتر والاقلام
وكل مع الثاني يقول انت : ناده ..




اللي تجوع تخط لك حلم الالهام
وتصورك في حب صعب انتقاده..




سعادة العاشق مع العاشق اوهام
بس انت لوك "وهم" كلك سعادة ..




أنده عليك أحس في دمّي شمام
أسكت! أحس الحكي سكر زيادة ..



من وين احضنك وانت دافي ومنضام!
منين ابتدي معك، البداية مُعادة ..




يااصدق من الدمعة على خدود الايتام
وحزن الغريب اللي تذكر بلاده..




وجهك،عيونك،ضحكتك حسنك التام
يزود نقصه بس نقصه زيادة! ..



في ركننا المنسي لقانا غدا هـام*
لا عاد تشرب قهوة الحب سَادة ..



خل الكفوف تصافح دموع الاحلام
وخل الشفاه تجرب الاستزادة!..



شعري مهر حبك ..



سوالفك، سوالف يدينك، اكمام
نخل و حياك العذب مُر ٍ قناده ..



تفضل أيامي .. عتب، غربة، آلام
من نظرة ٍ كانت عسيرة ولادة !



حظ ٍ ماهو معك أنت عمره فلا قام
يوم استرد الشعر معك الإرادة ..




محروم منّك عام ٍ " أكثر من اعوام!"
ماشفت نور مقابلك في سواده ..



شتاه في قلبي : عِوى ريح ودمام
وجهنمه تاكل شـْجَره وعراده..




صبابته للصب لحظة من هيام
من يومه الأول لآخر بعـاده ..



هلا هلا قد قلتها اليوم والعام
ياوهم ٍ أجمل من ليالي السعادة ..!

.
.
.

[عملاق الشعر]

سدرة المنتهى



نص جـــــــــــــــــداااا راائع اختي



سلمت يداك المبدعة وذوقك الراقي

[حبي خالص]

انتقاء عذب سدره
لا خلا ولا عدم رقي ذائقتك وروعة تواجدك

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[♡سدرة المنتهى♡]

سدرة المنتهى



نص جـــــــــــــــــداااا راائع اختي



سلمت يداك المبدعة وذوقك الراقي

أسعدني مرورك أخي عملاق

[اسطورة لن تتكرر]

كالعادة ابداع رائع
وطرح يستحق المتابعة
شكراً لك
بانتظار الجديد القادم دمت بكل خير

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !