قصيده ابكت كل من قرأها وانا أولهم

[مجنونك ما يخونك]

قصيده ابكت كل من قرأها وانا اولهم


قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه



يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

*********************

[حبي خالص]

الله يرحمها ويرحم جميع امواتنا
اليمه بحق..
يعطيك ربي العافيه مجنونك

" نص يستحق النجوم الخمس "

[رايق البال]

هلا فيك مجنونك ..
نص جدا مؤلم ومؤثر ورحم الله امواتنا جميعا
الف شكر لجهدك واختيارك وتفاعلك الجميل
طابت صباحاتك ..

[مس ماريانا]

يالله ..الله يرحمها ويرحم جميع اموات المسلمين ...

نص جدا جميل ومؤثر ..

سلمت الذائقة المميزه

[وداد روحي]

رغم عدم دخولي في هذا القسم
ولكن لا أعلم لما أتيت هنا وشدني العنوان
ودفعني الفضول لقراءة النص ترافقني دمعاتي
مؤلم الفقد وخاصة الرحيل وهو الموت فكيف يكون الحال
عندما يكون المفارق أحد الوالدين
أعانه الله ورحم والدته وجميع موتى المسلمين
اختيار موفق رغم الشجن
احترامي لك

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[مفآهيم آلخجل]

ذآئقة رآئعة


إنتقآأإء مميز


كل آلشكر لك...!