قــــــصــــــيـــــدة "طفلتي جمآنة"

[غلاتي ف حلاتي]

جنون الليل خيم في سواده .. وماتت دمعتي في وسط عيني

قلوب وسطها جهل وبلاده .. تقاليد تقطع في وتيني

بديت انساك يا لون السعاده .. ظروف فاصله بينك وبيني

بكيت ودمعتي بالعين عاده .. سببها واحد من والدييني

وحزني ماخذ كل الرياده .. وهمي لو نسيته مانسيني

كبرت ولا كبرت الا قراده .. وكن الجرح واضح في جبيني

تفرعن والدي ظلم وجلاده .. تقاليدٍ ماهي من شرع ديني

وزوجني لواحد من عناده .. سنين واجده بينه وبيني

بياض الراس زايد عن سواده .. على ضره عنيده ماتبيني

حملت وجبت مولود بسعاده .. فرحت وقلت هاتي ياسنيني

يتيمة فرحتي هم ونكاده .. ولكن بعدها يخطف جنيني

اخذ مني صغيري في مهاده .. اعطاه لضرتي قدام عيني

سكت وقلت يهنا في مراده .. بكيت وقلت وش تقدر يديني

وجبت الثاني بتالي رماده .. وخفت ان راح يذبحني حنيني

وشاله والده غصب بعتاده .. وانا همي بعدهم يكتسيني

حملت بمن ملت قلبي رغاده .. وقلت الموت لآراحت يجيني

خطفها ماعرف معنى العباده .. وسلمها لها واقفى في عيني

بكيت وقلت وش ترجي حصاده .. وتمتم مقفي في كلمتيني

اخذتك مصنع انجاب وولآده .. ولكن ماحسبتك تفهميني

وسالت دمعتي فوق الوساده .. بكيت ومابكيت الإ سنيني

انا ام اطفال بأوراق وشهاده .. ولكن الامومه ماتجيني

لو اسمع من جمانه قول داده .. حكايتها ترد الروح فيني

جمانه طفلتي مابي زياده .. طلبتك ياجمانه تسمعيني

انا امك ي منى القلب ومراده .. وطيفك مارحل من وسط عيني

ومايملك خفوقي من ركاده .. تحول للجنون ب لحظتيني

متى حظي يبي يسردجواده .. تعبت ولآاحد ماخذ يديني

جمانه طفلتي مابي زياده .. طلبتك ياجمانه تسمعيني

[نسر البوادي]

الله الله عليك اختي علاتي طرح فاق الجمال وانتقاء اروع واجمل تسلمين ياذوووق ننتظر الجديد

[رايق البال]

هلا فيك غلاتي ..
نص جدا مؤلم سواء كان ذلك حقيقه ام مجرد خيال
الف شكر لجهدك واختيارك وتفاعلك الجميل
طابت صباحاتك ..

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[غلاتي ف حلاتي]

ألف شكر لمروركم اسعدني تواجدكم دمتم بود:)

[نورمان]

نص جميل رغم ما يحمله من الم وحزن
سلمت يمناك

[غلاتي ف حلاتي]

الله يسلمج ويسمنج:) بنتي صحيح كلامج
ألف شكر لمرورك:)

[مفآهيم آلخجل]

ذآئقة رآئعةة
إنتقآأإء مميز
كل آلشكر لك!

[الصممت هيبةة]

آنتقاء جمميل ...
شكرآا لكك ..

[احساس روح]

انتقاء جميل عزيزتي غلاتي


سلمت يمناك

[غلاتي ف حلاتي]

الله يسلمكم يارب:) اشكركم ع مروركم