المساعد الشخصي الرقمي

مشاهدة النسخة كاملة : ,متى يا فـقـْـد يامذنب.. بتكتب صكَّ غفـْراني؟!



الشيخه الفلانيه
29-09-2014, 09:37 AM
ماعرفـْـتي
كلَّ ما فيروز غنت للصباح
وانا ماشي للجراح
جيتي إنتي في الأغاني
تشعلين الحزْن ثاني
وْترحلي مثل السنين !!
وْترحل افـْـراحي معاك
كنت ألوَّح .. مثـْـل طفل ٍ راحت أمَّـه للغياب
وْظل َّمتـْـسمَّـر عـلى الـْباب وْنسى ... تلويحته للريح
جفَّ عمره وصارت سْنينه تطيح !
ظـَـلَّ شارد
تحـْـت ظلَّ الحزْن يقـْـراك بْـكفوفه للنجوم
وْمارجعـتي
وْظلَّ يقـْـراك بـْعيون الحالمين .. وْمارجعتي
لين وصـَّــله الضياع إلى الذنوب
وْصار متبلـَّـد شعور
وْراح لل ...
وْراح لل ...
وْماتذكــَّــر
غير وجْهك
يصحى في عينه وْينام
هذي إنـْـتي بـْـليل مطرح
تعبرين الذاكره بين الزحام
آآآه مدري
من حذفـْـك بـْسكتي حلم وْيماااااااااام
صدقيني
وانتي تدري
لاجديد
لاجديد
من تركتي الحلم بيدين السنين !!
لاتروحي
ليل مطرح يسأل الليله عليك
والألم يعزف
على نغمة مفاعيلن إليك :

على حد الحنين وْذاكرة ارض الاماني الجرْد
............................... وقفـْت اتـْـنفس الضيقه ادنْدن آخر ألـْحاني
بقيت وْما معي إلا ثقاب الذاكره والبرْد
............................... شعلت بْداخلي ذكرى السنين وْكل أحزاني
جلسْت ادْفى على جرحي حزين وْ ما معي اي فرد
............................... وحيد وْاحْضن الوحْده..أكمَّل نصْفي الثاني
فقير وْماعرفـْت الا مواعيد ٍ خذلـْها الورْد
............................... طفيت النور يا مريم أخبـِّي وجهي الفاني
قبلت آخون أيامك واخون احْلامنا والنرْد
............................... كسير وْقارئة حظي بكت اهوال فنـْجاني
على بابك ..سألتك حضْن وعْيونك تقول /الطرْد
............................... مشيت آجرَّ خيْباتي وْزماني ينـْسج أكـْفاني
ألا تبـَّـت يدين الخوف لا خان الشعور / السرْد
............................... متى يا فـقـْـد يامذنب.. بتكتب صكَّ غفـْراني؟!

شفتي وشْ سوى الشتات ؟!!
وْكيف هذا الشعـْـر صاير
ردَّ ثاني لـــْـفاعلاتن فاعلات
وانتي إنتي
تتركين الخوف وسْط الجوف وتــْــروحي بـْسكات
ليت تدري
شاعرك اصحاب عمره ضيعوه
انحرف والبارحه اصبح يخونك
في تمام الفاجعه إلا .......... مكان
وبعْـد ماخنـتـك ....صحيت !!!
ابتدى صدري يضيق
وْسال ذنـْـبي من عيوني
وْبين وجـْهي والظلام
كنت أشوفك
والمطر يغـْـسل شوارعنا الحزينه
كانت الدنيا حزن
واتذكرك
اتذكرك
اتذكرك
اتذكرك
مليون حزن اتذكرك !!
وارجع معا ذنبي وحيد
اختـْـنق مابين جدْراني وامووت
أحسب أيام الندَم تابوت تابوت
وانفـثـك مع ذاكرة تشرين
واحْـزان الفقارى الكادحين
وْكلَّ ماحاولـْـت أغـْـفى
وآتوسَّـد ماتبقـَّـى من حنين
جيتي إنتي مْـن السنين
مثل سوط الذنب في صحو الضمير
سااااامحيني
كثر ما دقِّ الندم باب السنين !!




بارد الشاي
غربتي / منفاي
شقتي وقت العتيم
مرَّها حلمٍ قديم
صوَّت بْوجه الكراسي
هذي إنْتي
وين بابك
ما وصَل في شرفة الشباك زاجل
ما مسكتي شنطتي / مكسور راحل
والسجاير
دخَّنت اعصاب شاعر
وانتي وينك
وين بابك
مالقيتك
وانا أصرخ
دام جرحي شارعك
يكفي تمرينه ألم
وين المطار / مْوادعك
أهديني الشنطه بسافر
واتركك
قولي مهاجر
بتركك
للجرح آخر
إلا جرحك
ماله آخر

........ مرِّ الحلَم في ليلتي طيـر مذْبـوح
وْعقْرب الساعة غدى يحْسب غْياب
........ مجنون هذا الليل ما عاد لـه روح
يبكي خيانة بنت فـي أوَّل الْبـاب
........ لو طفَّ نور الحظَّ لو بتّ مجْروح
وحدي بموت وْما بقى عنْدِي احْباب



هذا طيفك
مرِّني في غرفتي
واشياي
حتى في الغربه
معاي
انتي جايه
من وراي
تطعني الذكرى
وراي
تتركيني كل مره
وانا حالف
ذا طريقك ما امرَّه
مرَّت الليله وجوه
وْمرّ فيها وجه أبوي
جاي يسأل :
بعدك تْنام الصباح؟
ياترى صليت ؟
تلمس المصحف يديك؟
ومرِّني في ليلتي
ثوب الطفوله
وْحلمي بْدراجه وْكمَّه جديده
مثل كلَّ اطْفال حارتنا اليتيمه
كلَّهم راحوا يابوي
يْسابقوا وجه الرياح
ما بقيت إلا انا
امسح دموعي بالردون
ناجحين
وْحصَّلوا أغلى هديه
وانا ناجح
طالع الاول يابوي
وينها درَّاجتي ؟؟

جلاد سـوط الفقـر ماعلَّـم البـوح
علَّم بيوت الطين عـن قمْـح كـذْاب
إلقط خلال النخْل يا كـفَّ مسْمـوح
صارت ضواحي الحيِّ للْفقْر أصْحاب
محدٍ طرَق بابي سوى صوت مبْحوح
صوت السنين اللي ذرَت عمْر بتْراب
العيد يا مريـم يجـي يـوم ويْـروح
وْيبقي صغيرك يحْلم بْعطْـر وثْيـاب






ياعيون من الجفاف
من طلب من غيمة وْصالك نفاف ؟؟
ماذكرتي والامل طفل ٍ غرير
مر في عيني ضرير
ياعظيمه
تذكرين ؟؟!!
كنت اهدْهد لك من احْلام الزمان
وكنت أغني لك
( كتبت اسمك على صوتي
كتبته في جدار الوقت )
ليتك تذكرين
وتسألي كل الليالي
من رمى بالطوب
شباكك وراح ؟؟!!


ارجم الذكرى غيابك وانـْتعل حلمي واسافر
....... يمكن الليله تجيبك في عيوني الذكريات
لين مايرجع حنيني واكتبك [جرحين] باكر
....... وارجع انـْسى باب حلمي واتركه للسافيات


من كسا ارض الجفا ثوب السواد ؟!
ومن شعل في الذاكرة
وجهك بلاد ؟ !!
علميني
كيف أقرع موعدك
قبل الرحيل ؟؟
يمْكن إنِّي اسْمع لحزني هديل
أو اطيح بـْفخَّ تاخيرك
واضيع !!



ماوصلتي قد تأخْرتي كثير
....... يمكن اني جيت والساعه غلط
كنت أكتب لك إلى السطر الاخير
....... وكنْت اشكـِّل لك من جْروحي نمط


كان مشواري جريح
ومحجر عيوني ضريح
وْبالمسا
تتناوح الريح
والشتا قد شرَّع ابوابه
وانا البردان
في موقد جراحي
احتضر واطلب سراحي
للضريح
للضريح !!
يمكن انه لو غدى عظمي رميم
تبقى روح الشعر في وجه العتيم
او يجــي لي شخْص وافي
يذكر انِّي كنْت شاعر
وْكل ذنـْبي
كنت كافر
ترجع بْلادي
إلى المجد القديم !!!


/
/

تدري باكر
صوتك الدافي يسافر
وابقى وحْدي
لارحيل
وْلاتذاكر
لاتمري يالجروح
ما بقى بالصبرْ روح


عاندي روح السَّفَر لاتـتْـركيني
....................لو رحَلْتي ينْقضِي عمري حسافه
وين ما رحْتِي امانَه تأخذيني
......................كان ما فيها تعَبْ ولا كلافه


ياجروحي
ملِّني صبْري وسافر
وانتهت آخر قصيده
كانت حـْروفي تموت
وكانت السكَّه طويله
تحتضر فيها الجروح
ليتها عندي تموت


يابعَدْ عمْري ويا ذكْرى سنيني
..............جفَّ غصْن الوصْل واحْزنِّي جفافه
ياشبابيك الطفوله ناظريني
...................ياجدار الطَّين مرَّوا بكْ ضيافه
كان مرَّوا ماطلَبْتك غير عيْني
..................ينْظروا وشْ هو بهَا نظْرَة لطافه


علّميني كيف اسافر
واترك الذكرى وراي
ارسليني في عيونك
لاتخافي
وْلا اخاف
تذكري آخر قصيده
كنْت كاتبْها هناك
كانت جـْروحك حروف
وكانت ضْلوعي ورَق !!


ماعليّ انْ كان ماعدْتي تبيني
...................... .شاعرَك والله ماتهتزَّ قــافـه
تبْحري انْتي وانا يبْحر حنيني
.....................والهجَر يذْبَحْ وانا كلِّي ارْتجَافه
تكْتب الْيسْرى وتخْذلْني يميني
.....................ما سلكْت الدَّرب ليْ فيْها انْعطافه


سافري بي للضياع
سافري بي للهموم
سافري بي للمسافات البعيده
للخيانه لللألم
للموت باحْضان القصيده
ياحياتي
رحْلِتي مشْوار ضايع
وْدامها الذَّكرى مواجع
من يلوَّح للموادع
كلَّ ماهزَّه حنين
وْسالت احْلامه
على خد السنين !!!


تمْضي الايْام وانْتي ماتجيني
.....................في غيابك كلَّ شي روْحيْ تعافه
لـيـْمتَى تبْقى جروحك جاوبيني
...................لــيمتى هذا الألمْ روحي تخافه
جفَّ ريق الشَّعْر وانْتي تذْبَحيْني
....................يا خساره يوم تهْزمْنا مسافه


تدري باكر
راح اشَرَّخْ فيْ ثيابي
وادْرِي باكر
ماتعيش إلا الْهموم
وادري باكر
تنْطفي احْلَى شموع
وادري باكر
مايصحَّ الا الصَّحيح
ينْعِرِف
منْ هو
الْمعذَّب والجريح ؟؟!


مات ذاك الْحلْم ليْتك تسْمعيني
....................مادريت انَّ الْهجَر آخر مطافه
لارحيل وْلاتذاكر فيْ يديْني
..................والسّفَر ويْن السّفَر كلَّي حسافه


لـ

المُزدحم شعرآ .. عبدالعزيز العميري

رايق البال
29-09-2014, 09:48 AM
هلا فيك الشيخه ...
تمتلكين ذائقه جدا راقيه في الإختيار واحييك عليها
الف شكر لجهدك واختيارك وذائقتك وتفاعلك الجميل .. كلك ذووق
(نص يستحق التثبيت والنجوم الخمس )

حبي خالص
29-09-2014, 10:11 AM
الشيخه اختياراتك راقيه
يعطيك ربي العافيه
دمتي برقي ذووقك

اوتار الخيال
29-09-2014, 10:19 AM
طلعتي متذوقة شعر بعد


جميل جدا اعجبتني

اهلي ملاذي
29-09-2014, 11:33 AM
الله عليكك نص فنــــــآاأن جدآآ رآق لي

تسلمي آلشيخهه على هآلآنتقآءء آلذوووق *

عملاق الشعر
29-09-2014, 11:40 AM
الشيخة


كلمات راائعة وذوق راقي دائما

سلمت يداك المبدعة وذوقك الراقي

الشيخه الفلانيه
29-09-2014, 03:10 PM
هلا فيك الشيخه ...
تمتلكين ذائقه جدا راقيه في الإختيار واحييك عليها
الف شكر لجهدك واختيارك وذائقتك وتفاعلك الجميل .. كلك ذووق
(نص يستحق التثبيت والنجوم الخمس )

ألف شكر اخي سعدت بتوآجدك :) "

الشيخه الفلانيه
29-09-2014, 07:34 PM
الشيخه اختياراتك راقيه
يعطيك ربي العافيه
دمتي برقي ذووقك

نورتي الصفححححهہ ♡ *!

الشيخه الفلانيه
29-09-2014, 07:35 PM
طلعتي متذوقة شعر بعد


جميل جدا اعجبتني


شكراً ع المرور ,

الشيخه الفلانيه
29-09-2014, 07:36 PM
الله عليكك نص فنــــــآاأن جدآآ رآق لي

تسلمي آلشيخهه على هآلآنتقآءء آلذوووق *



شاكره مرورك خيتيء :) "

الشيخه الفلانيه
29-09-2014, 07:36 PM
الشيخة


كلمات راائعة وذوق راقي دائما

سلمت يداك المبدعة وذوقك الراقي

سعدت بمرورك اخي , *!