......وشلون ماتشتاق عيني لعينه

[الصممت هيبةة]

ياويل قلبي كل مااشتقت لقياه
....................وشلون ماتشتاق عيني لعينه
أنا أدري إني حيل أحبه وأهواه
...............وأنا أدري إن القلب صار بيدينه
أموت أنا به في غيابه وأحياه
...............وشلون أجل لوصافحتني يمينه
حاولت أنا اكتم عبرتي يوم فرقاه
..................وألملم جروح الزمان الطعينه
واعطيه من قلب المعنّى معاناه
...............وآخذ من جروحه ولو هي دفينه
وأضيعبه في زحمة الناس وأنساه
..........وأنسى معه ذكرى السنين وحنينه
لقيت نفسي كل ما حل طرياه
..................عروق قلبي كلها تقول وينه
يامر على قلبي ولا شك ينهاه
.................كلي أنا تحت الإشارة رهينة
ما كل من يضحك سعيد بدنياه
..............وما كل من يبكي دموعه حزينه
أحدن بكى والكل يدري عن بكاه
................واحدن مع الضحكه تحس بونينه
ياشين فرقى الحب وياشين بلواه
...............والمشكلة دنيا بلا حب شينه
والزين ما يكمل ولو كان ماحلاه
.................إلاحبيبي ماتغيّر بزينه
ماجيت أسولف عن حلاه ومزاياه
...........يكفي أحاسيسي وقلبي عارفينه
كن الفضا في غيبته ضاق مسعاه
................وكني غريقٍ ينتظر له سفينه
شف دنيتي ياصاحبي عقب فرقاه
..............مثل الظلام اللي حصل بالمدينة
باكتبه أنا في صفحة الشعر واقراه
.............وباذبحه بزود الغلا دون سكينة
وبارسمَه في لوحةالشعر وانعاه
................وبادفنَه بين الضلوع الحنينه
بوسط الحشا في داخل الصدر مثواه
..................إما يسار القلب وإلا يمينه

[حبي خالص]

الصمت .. عوده جميله وانتقاء.
يسلم ذوقك عزيزتي

"نص يستحق التجوم الخمس"

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[نسر البوادي]

ياسلام ابيات غايه في الجمال وانتقاء اروع واجمل تسلمين ياذوووق

[زهرة الأحلام]

.
.



غاليتي / الصمت ..
كلماآت جميلةة ، ذوقٌ راآقي
أسعدكـ الرحمن !

[الصممت هيبةة]

يسلموو على مروركم جميعآا ..

[رايق البال]

هلا فيك الصمت ..
اختيار جدا رائع ولا جديد عليك هذا التميز
الف شكر لجهدك واختيارك وتفاعلك الجميل
طابت لياليك ..