نبض الإحساس .. سجّل إحساسك في هذه اللحظه

[رايق البال]

الوعود تموت لا مات .. الضمير
غايبي ... ما كان صادق بالوعد .
قال : انا ببقى معك حتى الاخير
و راح ما كنه مواعدني ..( ابد ) ..!

[رايق البال]

ف كف ايدك ابوس اشياء .. ماتنباس
ابوس النور، ابوس الصبح ، والنسمه
'

قبل ايدك " حزن " يسكن وجيه الناس
بعد ايدك اشوف الناس ( مبتسمه )

[رايق البال]

انساك لحظه واذكرك باقي العام
حتى وانا ناسي
نسيت
..

وذكرتك
..!

[ورد القرنفل 1]

‏اخفيت حبـك عن الانظار في قلبي
ومــحــبتك بالاشعار ماقــدر اوفيها
انـت في عيوني اجمل ما خلق ربي
وانت في حياتــــي اغلـى ما فيها

[رايق البال]

نصيحه قالها واحد لقيته من ثلاث سنين
نظر في وجهي المملي غياب وقام وصاني
امانه لا تزور ارض الغرام الا معك قلبين
عشان ان جرحوا واحد تعيش بقلبك الثاني ..!

[رايق البال]

حاول توسع خاطرك كلما ضقت
دام العمر بأحداث الأيام حافل

[رايق البال]

قل للزمن / لا ضآق صدري عوآفي

... بكره تزين وينشرح خاطر الوجـد

كان الألم .. في محجر العين غآفي

... ترا الأمل ماله وسط خافقـي حـد

[رايق البال]

تعآل قلبي ترّوع حد ترويعه
ابنتثر شوق وإنت اللي تجمعني

سنين عمري مع شهوره واسابيعه
تفدآك لا لا تضيعهآ وتضيعني ..!

[رايق البال]

وين أنت ياللي كل ما قلت وين أنت
حتى السؤال يقول وين الأجابه

عامين ضايق و أنت لليوم ما بنت
و هي حالتي بين الحزن و الكابه

[رايق البال]

علمني الحزن كم ياخذ ولا يشكر
وعلمته شلون لامن ضاق يلقاني
من وقف العمر دون الضحك مستنكر
ومن علّق الهم صوره فوق جدراني؟
لو استر الجرح من نزفه بدا يضهر
واجرحك اللي كسرني قبل عدواني

[ورد القرنفل]

‏وَبي ‎شَـوْقٌ إلَيْـكَ أعَلَّ قَلْبي
وَمَا لي غَيرَ قُرْبِكَ مِنْ طَبيبِ

[ورد القرنفل]

دنيتي من غـير حسكـ سـطـر خالـي مـن حروف ..
ينتهي الإحـساس فـيني كالجـسـد من غـيـر روح ..
لا تـظـن صـمتي غيـاب أو تجـاهـلـ أو ظـروف ..
أنت شي في حـياتـي ما يـتعـوض لـو يروح ..

[رايق البال]

مساحة الليل ماكانت تكفينا
كنا نسولف ثواني والفجر يطلع
والحين عقب المفارق صار يمدينا
نشبع هواجيس من وحده الين اربع

[ورد القرنفل]

‏مساء الخير على اللي لاضحك سنّه
تضحك له عروق قلبي في محانيها

[الساهر4]

‏مساء الخير على اللي لاضحك سنتين
تضحك له عروق قلبي في محانيها

[ابوقيس99]

مزيون بخدود وروده
بس سلب عقلي بعناده
جاير وتلني بصدوده
واحرمني نوم الوساده

[أميرة الروح]

انا صبر النخيل اللي رغم شح المطر وافي
عطش من عقب ماكانت مشاريبه من الجمة
ترى مو شرط من يضحك بطول الوقت متعافي
يعاني القلب لكن مانشوف جروحه ودمه

[أميرة الروح]

تعرف اني عدت للماضي الجميل
يوم شفتك يابعد كل البشر

طاحت الدمعه من عيوني تسيل
فوق خدي واخطفت تنزل حدر

عنك انا يا السولعي مالي بديل
وصوب غيرك ما يطاوعني النظر

لا تقاطعني يا بو الطرف الكحيل
يوم اشوفك عاد عمري للصغر

[ابوقيس99]

ما بين فل ورياحيين
في قمة حلاك وفتونك

متميز بالانف والعين
حلوه عطورك ولونك

[رايق البال]

على البال
كل التفاصيل على البال
واحلى التفاصيل
على البال

[حكاية حلم/]

يا كثر ما رافقت خلان واحباب ..ويا كثر ما في شدتي هملوني
علي كثر ما اعدهم ستر وحجاب ..علي كثر ما احتجتهم واتركوني
من صارت الخوه ثمن حفنت تراب .. نفس الوجيه الي نصوني جفوني
علمتهم واشلون الاهداف تنصاب .. ولما سواعدهم قوت صوبوني

[أميرة الروح]

*لو بحصل لي. أتمناها*
*نازراً بيت الله ازوره*

*برادة الله ارحل اوياها*
*وحوض زمزم اورد نهوره*

*ذي منياتي ووين بلقاها*
*ياعرب الاوضاع مدثوره*

*صعب صعب النفس منواها*
*تحصله وتعيش مسروره*

*غير كان الرب وافاها*
*مع جميل العود والصوره

[رايق البال]

نحن لا نرتب اماكن الاشخاص
في قلوبنا ..
افعالهم هي من تتولى ذلك .!

[رايق البال]

احيانا كل مانحتاجه التقدير فقط
وليس رد الجميل ..!

[ابوقيس99]

‏يا ليتَ قاسيةَ الفؤادِ ترفقَتْ
‏بمُتيّمٍ لمحَ الجمالَ فذابا
‏
‏ما ضَرَّها لو أنها ابتسمَتْ لهُ
‏فلَرُبَّ مبتسِمٍ ينالُ ثوابا

[أميرة الروح]

‏انـا على باب الـوفـا مـا تعديت
‏استقبل الوافيـن .حـب وكـرامه
‏
‏واللي تجاهلني وهـو عارف البيت
‏إن جاء هلا وإن راح درب السلامه

[رايق البال]

نحن لا نرتب اماكن الاشخاص
في قلوبنا ..
افعالهم هي من تتولى ذلك .!

[ســـعـيد مصــبـح الغــافــري]

https://up.omaniaa.co/do.php?img=13452 (https://up.omaniaa.co/)

[رايق البال]

هلا بالجميع ..
الف شكر للجميع على مانثروه من مشاعر لطيفه وجدا راقيه في صفحات النبض بكل اقسام الرواق ..
سوف افوم بغلق هذه الصفحه بكل اقسام الرواق وفتح نفس الموضوع في صفحة جديده لأسباب عديده لا داعي للتطرق لها حاليا ..
بإنتظار ماتسكبه اقلامكم الجميله واختياراتكم الراقيه كما تعودنا منكم ..
الف شكر لتفهمكم ..
طابت مساءاتكم ..