حبي خالص
08-02-2016, 10:05 AM
الصاحب اللي كان مشغلني بـ رد الأسئله
......حتى سكتّ.. وبعْدها صار السكوت أفضل جواب
كم قلت له: مثلي.. عن الوان العمُر لا تسأله
......أنا تساوت عندي الوان السعاده و العذاب
أنا حياتي مالها الاّ لون واحد.. و اجهله
......خليط من لون الهوا و النار و الما و التراب
ما مَرّ في عمري مراحل.. كل عمري مرحله
......في كل عمري كنت طفل و كنت كهل و كنت شاب
أصير شايب.. لا شعرت ان المقابيل : أرمله
......و اذا شعرت ان المقافي : طفله..آعوّد شباب
أنا الغريب.. اللي جميع الناس بالدنيا هله..
......وبرغم هذا. خاطره من قرب كل الناس طاب !!
أبكي على حالي.. لأني ماقدرت أبكي وَلَه
......و اضحك على حالي.. لأني ماقدرت أضحك عجاب
مالي شبيه إلاّ السكوت اللي يثير البلبله
......و مالي نقيض إلاّ الكلام الكذب و الفعل الهباب
بين الأماني الماضية و الذكريات المقبله ..
......أمشي وخطوات الحضور أرسم بها جُرّة غياب
أتمهّل إن مرتني أيام الرخا.. مستعجله
......و اقول لو تقبل علي بالمال : يامال الذهاب
قدَرْت أعيش الواقع اللي ماقدَرْت أتـخيّله !!
......مدري أصبت العذر أو في عذري.. أخطيت الصواب
بس المهم : إني قدرت أضرب لغيري أمثله..
......وشلون.. ما يرجي ثواب الصدق أو يخشى العقاب
ما هو غرور و لا تواضع.. كل مافي المسأله..
......ياصاحبي.. إني رفضت أحْسِب لغير الله حساب
طرد السراب لْمن يحَسْبه ماء.. ماهي مشكله
......المشكله.. طرد السراب لْمن يعَرْف إنّه سراب !!
......حتى سكتّ.. وبعْدها صار السكوت أفضل جواب
كم قلت له: مثلي.. عن الوان العمُر لا تسأله
......أنا تساوت عندي الوان السعاده و العذاب
أنا حياتي مالها الاّ لون واحد.. و اجهله
......خليط من لون الهوا و النار و الما و التراب
ما مَرّ في عمري مراحل.. كل عمري مرحله
......في كل عمري كنت طفل و كنت كهل و كنت شاب
أصير شايب.. لا شعرت ان المقابيل : أرمله
......و اذا شعرت ان المقافي : طفله..آعوّد شباب
أنا الغريب.. اللي جميع الناس بالدنيا هله..
......وبرغم هذا. خاطره من قرب كل الناس طاب !!
أبكي على حالي.. لأني ماقدرت أبكي وَلَه
......و اضحك على حالي.. لأني ماقدرت أضحك عجاب
مالي شبيه إلاّ السكوت اللي يثير البلبله
......و مالي نقيض إلاّ الكلام الكذب و الفعل الهباب
بين الأماني الماضية و الذكريات المقبله ..
......أمشي وخطوات الحضور أرسم بها جُرّة غياب
أتمهّل إن مرتني أيام الرخا.. مستعجله
......و اقول لو تقبل علي بالمال : يامال الذهاب
قدَرْت أعيش الواقع اللي ماقدَرْت أتـخيّله !!
......مدري أصبت العذر أو في عذري.. أخطيت الصواب
بس المهم : إني قدرت أضرب لغيري أمثله..
......وشلون.. ما يرجي ثواب الصدق أو يخشى العقاب
ما هو غرور و لا تواضع.. كل مافي المسأله..
......ياصاحبي.. إني رفضت أحْسِب لغير الله حساب
طرد السراب لْمن يحَسْبه ماء.. ماهي مشكله
......المشكله.. طرد السراب لْمن يعَرْف إنّه سراب !!