رحله من وحي الخيال(1،2)

[القيصـــــر]

أشرقت شمس صباح يوم الجمعه على تجهيزات عائلة أبو سعد الذي قرر الخروج إلى البر ..
الساعه 7 صباحا
أبو سعد : يالله يا جماعه تأخرنا بنوصل بدري عشان نحجز مكان
أم سعد : أنا جاهزه صارلي ساعه لكن شوف بناتك كل مره شئ يسون
أبو سعد : يا بنات والله إن ما خلصتن خلال 10 دقايق ما في سيره
البنات وأخوانهن الصغار من سمعوا كلام أبوهم ويعرفوه إنه جاد ما بيروح لو طاف الوقت
فأقل من 5 دقايق كلهم راكبين السياره ، إلا أميره بنتهم الكبيره ما زالت تحط أغراض الرحله
بالسياره ..
أميره : بابا بابا
الأب : نعم يا بنتي بعدك ما خلصتي ؟
أميره : خلاص مخلصه بس أسألك البهارات وين خليتهم ؟
الأب : داخل السياره بروحي حطيتهم تعالي إنتي بس
أميره : زين يالله أقفل البيت وجايه
في السياره الأب يتأكد من الجميع إذا كلهم موجودين أو لا بعد ما تأكد توكل على الله وتحرك
مقررين يروحوا لمكان يبعد حوالي ساعه عن البيت مكان هادئ وكثير الأشجار راحوا له قبل سنه
بس المشكله إنه ما فيه ماي المسجد الموجود قرب المكان يبعد ربع ساعه تقريبا لذلك كانوا شايلين
معهم ماي لزوم الطبخ والغسيل غير ماي الشرب طبعا
الساعه 8:20 وصلوا للمكان وأفتر بالسياره لحد ما حصل شجره كبيره ظلها وافر قرر يوقف عندها
ونزلوا أغراضهم البساط (حصير) والفطور وباقي لوازم الرحله لحم ودجاج وسمك للشوي والعصاير
وتجمعوا كلهم يفطروا مبسوطين ع الجو الجميل بعد ما خلصوا الفطور تفرقوا الأطفال راحوا يلعبوا
والكبار كل واحد بشغله اللي يقطع اللحم واللي يغسل الدجاج واللي يجمع حطب أما الأم شغلها الطبخ بس
اللي جلست على ترموسة الشاي والقهوه مالها شغل فيهم ،، وقت الطبخ ما زال بعيد
سعد : بابا يكفي هذا الحطب ؟
الأب : لا يا ولدي وين بيكفي هذا نحتاج أكثر روح جيب غيره
سعد : إن شاء الله
أميره : وين الملح شكلنا نسيناه
الأم : أبوك حطه بالسياره قومي شوفيه
أميره : ساره قومي إنتي أنا ببهر اللحم
تروح ساره للسياره وتعفسها فوق تحت وما حصلت الملح
ساره : ماشي ملح هنا
الأب : الظاهر إني نسيت أحطه بالسياره ما عليه بس يرجع سعد
بخليه يروح المحلات اللي عند المسجد ياخذ لنا من هناك
الأم : لالا ما يروح تعرف ما عنده ليسن وبعدين أخافه يضيع المكان
واليوم الجمعه يعني المحلات بيسكرن روح إنت دام فيه وقت
الأب : طيب أروح أنا أنتبهي على الصغيرين ولا تخليهم يروحوا بعيد
ولما يرجع سعد خله يشعل النار
الأم : طيب جيب لي معك 7 آب ما أريد عصاير
الأب : زين
راح أبو سعد وخذ ملح وشوية مكسرات وما نسى ال7 آب
ولما رجع شاف كل الأمور تمام راح صوب النار يرتب الحطب
وبعدها جلس يساعدهم باللحم بهرت أميره اللحم والدجاج والسمك
وبدأوا يحطوا اللحم بالأسياخ والدجاج يصف بالترتيب على شبك الشوي
أما السمك يلف بالألمنيوم
الساعه 12 الظهر بدت الروائح الزكيه تنتشر بالمكان والأطفال واحد
ورا واحد يتوافدوا على الشوايه ويسرقوا من اللي جاهز ههههه ويشردوا
أم سعد حطت القدر على ثلاث طابوقات مرتبه وحطت الحطب وشعلت عليه نار
( للناس اللي ما جربت تاكل طبخ مثل كذا أنصحهم يجربوا هههههه )
سعد كان يساعد أبوه وبعدها أبتعد عن المكان راح يجيب سقف
( السقف عباره عن حصى جبل مسطح )
جاب سعد 3 سقوف كبار من مكان قرب الجبل وكانت السقوف مصفوفه
فوق بعضها البعض بشكل دائري المهم سعد كان مستغرب من ترتيبها بهذا
الشكل وقرر ياخذ منها 3 ويروح ، رجع لمكان أهله وغسل السقوف زين
وحط تحتها جمر وأنتظرها تسخن بعدها حط أسياخ اللحم عليها
(مضبي بطريقه ثانيه )
وقت الغدا تجمع الكل على المائده الطيبه اللي تفتح النفس وهوبيس بالخمس ههههه
سعد خذ المضبي اللي سواه بروحه وأبتعد عن أهله اللي ما زالوا يتغدوا
وراح لنفس المكان اللي جاب منه السقوف وجلس هناك تحت شجره كبيره ..
أبو سعد : يالله يا بنات غسلن المواعين وحطوهن بالسياره
وأنتوا يا صغيرن لا تروحوا مكان خلكم هنا بنطلع بعد شوي
أم سعد : ولدك سعد ما هنا بعده ما رجع
أبو سعد : وين راح الله يهديه كان جالس تحت هذيك الشجره
وقت الغدا ويأشر على نفس الشجره اللي كان جالس تحتها سعد
أم سعد : عبدو ركض شوف أخوك من هناك وقوله يجي بسرعه
بنروح
رجع عبدو بعد 10 دقايق ما حصل سعد وخبر أهله إنه ما موجود
أتصل الأب فيه الفون مغلق بدأ الخوف فيهم وأنتشروا كلهم حوالين
المكان ساعه ونص يدوروا سعد بدون فايده صارت الساعه 3 المسا
أنتظروا بعدها ساعه وبلا فايده كأن الأرض أنشقت وبلعته
قرر أبو سعد يبلغ العمليات عن فقدان ولده وبعد ساعه إلا ربع وصلوا
لموقع الحدث وأنتشروا فالمكان وبعد 40 دقيقه من البحث المتواصل
رجعوا لأبو سعد بدون أي نتيجه بس في شئ واحد من الفريق حصل ساعة يد
خلف صخره بنفس المكان اللي كان جالس فيه سعد أكد أبو سعد إنها ساعة ولده ..

وين أختفى سعد ؟؟
وما هي الأحداث القادمه ؟؟

يتبع في الجزء القادم ،،

[قائد الغزلان]

مساء ورد أريج
جميلة�� أعجبتني القصة
وااااصل أخي الكريم
وبارك الله فيك

[قائد الغزلان]

صحيح:confused:
قلم مميز..وأسلوب جميل
بجد تستحق النجوم الخمس بكل جداره
ومستنين الجزء القادم بكل شوق :o

[رايق البال]

هلا فيك القيصر ..
قصه بالفعل مشوقه من بدايتها وبإنتظار التكمله بفارغ الصبر
الف شكر لإبداعك وتفاعلك الجميل
طابت لياليك ..

[رووح الورد]

...رااحة تسعد بها رووحك...
أخي..^^القيصر^^
قلم تنهمر من مزوونه رواائع الابداع والفن في الصياااغه...
قصصه ممتعه ومشووقه جدا...وبإنتظااار التكمله ...واغلاق الحلقااات المفقووده فيهااا...سنكن في انتظار طليعتها ال2 بكل رغبة وشووق...

[نوارة الكون]

بدايه مشوقه كما تعودنالا منك استاذ القيصر
واصل فنحن بانتظار الباقي من القصه

[القيصـــــر]

مساء ورد أريج
جميلة�� أعجبتني القصة
وااااصل أخي الكريم
وبارك الله فيك


هلا فيك القيصر ..
قصه بالفعل مشوقه من بدايتها وبإنتظار التكمله بفارغ الصبر
الف شكر لإبداعك وتفاعلك الجميل
طابت لياليك ..




...رااحة تسعد بها رووحك...
أخي..^^القيصر^^
قلم تنهمر من مزوونه رواائع الابداع والفن في الصياااغه...
قصصه ممتعه ومشووقه جدا...وبإنتظااار التكمله ...واغلاق الحلقااات المفقووده فيهااا...سنكن في انتظار طليعتها ال2 بكل رغبة وشووق...


بدايه مشوقه كما تعودنالا منك استاذ القيصر
واصل فنحن بانتظار الباقي من القصه

صباحكم خير جميعا
ألف شكر لكم على المرور الجميل
أسعدني تواجدكم على صفحتي
تقديري وإحترامي ،،

[الشيخه الفلانيه]

قصه جميله أخي
بنتظآر الجزء القادم ..
يعطيك الله العآفيه :).

[عملاق الشعر]

القصير


قصة راائعة اخي
وقلم راقي

في انتظار التكملة



سلمت يداك المبدعة

[Raba]

ههههه احس السالفة فيها جن ذوقك كذا
أهم شيء لا تخليها قصة مفتوحه هههه ،،،
بارك الله فيك متابعين

[نديم الماضي]

قصه جميله وسرد جميل
وقلم رائع ومجهود طيب
يعطيك العافيه..

[القيصـــــر]

قصه جميله أخي
بنتظآر الجزء القادم ..
يعطيك الله العآفيه :).

مرورك الأجمل
كل الشكر والتقدير لك ،،

[القيصـــــر]

القصير


قصة راائعة اخي
وقلم راقي

في انتظار التكملة



سلمت يداك المبدعة

أسعدني مرورك إستاذي العزيز
تقديري وإحترامي ،،

[القيصـــــر]

ههههه احس السالفة فيها جن ذوقك كذا
أهم شيء لا تخليها قصة مفتوحه هههه ،،،
بارك الله فيك متابعين

هههههه الجن ضروري موجودين
إن شاء الله هالمره أقفلها ما أخليها مفتوحه ولا يهمك
ألف شكر وتقدير لك على المرور ،،

[القيصـــــر]

قصه جميله وسرد جميل
وقلم رائع ومجهود طيب
يعطيك العافيه..

الأروع تواجدك على صفحتي إستاذي
كل الشكر والتقدير لك ،،

[حنااايا..الروح]

هالقصة رجعتني لسنتين لوراء لما قريت اول رواية
بعد انتسابي للسبلة من اختيار القيصر بعنوان حبريت الجن

ابعرف شو سر رواياتك وقصصك مع الجن
بداية رائعة تجبرنا على التلهف لمعرفة المزيد عن الرواية

[القيصـــــر]

هالقصة رجعتني لسنتين لوراء لما قريت اول رواية
بعد انتسابي للسبلة من اختيار القيصر بعنوان حبريت الجن

ابعرف شو سر رواياتك وقصصك مع الجن
بداية رائعة تجبرنا على التلهف لمعرفة المزيد عن الرواية

نورتي الصفحه إستاذه حنايا
وأشكرك على متابعتك المستمره
بيني وبين الجن علاقه وطيده هههههه
تحياتي القلبيه لك ،،

[القيصـــــر]

بعد بحث دام 4 ساعات فريق العمليات ما حصل شئ أو خيط ممكن أنه يوصلهم لحاجه
غير الساعه فقط ولكن الساعه بالنسبه لهم أمر عادي ما راح تدلهم على شئ
الساعه 9 مساء
الملازم/ عابد النبهان :يا الوالد أبو سعد مثل ما أنت شايف بحثنا بكل مكان وبلا فايده
روحوا أنتوا للبيت وإن شاء الله نحن مستمرين بالبحث وإذا في أي شئ نبلغك إن شاء الله
أبو سعد : وين أروح وأنا ما أعرف ولدي وين أراضيه
الملازم / عابد النبهان : يا أبو سعد جلستك هنا ما راح تفيد بشئ صدقني
ونحن عنك ومنك هذا عملنا وإن شاء الله الولد ما فيه إلا العافيه،،وبعدين
حرام مخلي أهلك هنا توكل على الله ونوافيك إذا في شئ
تحرك أبو سعد للسياره والدنيا ضايقه عليه ولا يدري وش يسوي
وصل للسياره الكل يبكي على سعد بكاء يقطع القلوب وأم سعد
خلاص ما بقى فيها حيل ركب السياره وحط المفتاح بيشغلها
قالت أم سعد : وين بتروح وتخلي ولدك هنا
أبو سعد : ما باليد حيله وش نسوي فريق العمليات موجودين
وإذا عرفوا شئ يبلغوني جلستنا هنا ما منها فايده
أم سعد : يا ويل حالي على ولدي وبدأت نوبة بكاء هستيريه
تحرك أبو سعد للبيت تايه الفكر وصلوا للبيت الساعه 10
ساره وعبدو وعفرا آخر العنقود على طول راحوا يناموا من الأرهاق
أما أبو سعد وأم سعد وأميره ظلوا طول الليل سهرانين يفكروا بالمصيبه اللي صارت
وكيف وضع سعد و وين موجود إختفائه لغز حيرهم وين ممكن يروح ؟؟
وهم غارقين ببحر أفكارهم دشت عليهم ساره مفزوعه وشكلها يوحي إن كارثه صايره
وعلى طول طاحت بحضن أمها فاقده الوعي حاولوا يصحوها قامت أميره بسرعه تجيب
ماي رشوا عليها ماي وصحصحت بطلت عيونها على وسعهن وتشوف كل مره واحد
بعدها بكت بهستيريا حاول أبوها وأمها يهدوها وقدروا عليها بعد جهد إنها تهدى
قالت بصوت مرعوب : بنام معكم وتشوف على أمها
أمها : شفيك حبيبتي وش صارلك
أبوها : ساره ماما وشفيك فهمينا
ساره : ما فيني شئ حلمت حلم خوفني
أمها : زين وش الحلم اللي يخوفك هالقد خبرينا
ساره : الله يخليك ماما مابا أتذكره ، أميره تعالي جلسي معي
ولا تروحي عني مكان
أميره : جالسه معك لا تخافي بس خبرينا وش الحلم
ساره : لالا مابا أتاذكر الله يخليكم
أبوها : خلاص خلوها براحتها ولاحد يناقشها بشئ ،
أميره قومي إنتي وأختك روحوا للغرفه وخلك معها
أميره : إن شاء الله أبوي يالله ساره قومي نروح للغرفه

راحن للغرفه وساره تشوف كل جزء بالبيت كأنها خايفه
من مجرم بيقتلها
أبو سعد : لا حول ولا قوة إلا بالله البنيه أكيد فيها شئ
أم سعد : يمكن كابوس خوفها غياب سعد أكبر من هذا الأمر
ودخلت بنوبة بكاء من جديد

أبوسعد يهدي زوجته وهو أصلا من داخله ضعيف وده يبكي أكثر منها
وكل شوي يحضن الساعه ويدعي الله يردلهم سعد بخير وعافيه
داخل غرفة البنات ساره تقلب نظرها على أنحاء الغرفه وأميره مستغربه
شو تدور وتكلمها بس ساره بعالم ثاني حالتها مثل حال المجانين
تكلمت ساره بصوت خفيف : أميره تدري أنا ويش شفت ؟
أميره بلهفه : شو خبريني !!
ساره : لكن ما تخبري أبوي وأمي
أميره : طيب بس تكلمني شو
ساره بخوف : ماشي ماشي
أميره : قولي حيرتيني معك أعرف إنه مو حلم
ما بتخافي هالقد لو كان حلم
ساره : هاه لالا حلم صدقيني

ــــــــــــــــــــــــــــــــــــــــــــــــــ ـــــــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــــــــــــــــــــــــ
في مكان ما ،،

فتح عيونه شوي شوي المكان ظلام ما ينشاف شئ ، ومستغرب
يكلم نفسه أنا وين وش جابني لهذا المكان جلس وتكور على نفسه
وسلم أمره لله شوي ويسمع صوت من بعيد بس ما فهم شئ منه
يتكلم كلام مو مفهوم أعتدل بجلسته تحسبن لأي شئ ممكن يصير
تلاشى الصوت ورجع على وضعيته مره ثانيه كل جسمه يعوره
أسترجع الأحداث وتذكر إنه كان شايل الغدا ومتجه صوب الشجره
وفجأه يحصل نفسه بمكان مظلم موحش حاول يعصر ذاكرته وش اللي
صار بالضبط بس للأسف ما قدر يتذكر ،، آخر شئ يتذكره إنه واصل
تحت الشجره بعدها ما يدري وش صار

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

أميره : طيب وش هو يا ساره تعبتي أعصابي
ساره : خايفه يا أميره مابا أتكلم
يدخل عليهن أبو سعد يالله يا بنات صار وقت الصلاه
أميره صحي عبدو يروح معي للمسجد وقومن صلن
وأدعن لأخوكن يرجع لنا بسلامه ، قامت أميره تصحي
عبدو وراح مع أبوه للمسجد وأم سعد والبنات كل وحده
مسكت مصحف تقرأ وتدعي إن ما يصيب سعد شئ
ويرجع لهم البيت ، ولكن أميره لاحظت شئ غريب
على أختها ساره شافتها ماسكه المصحف بالمقلوب
وتتمتم بكلام غير مفهوم حاولت تسمع وش تقرأ
لكن ما فهمت كلامها غريب أم سعد كانت بعيد
عنهم ، سحبت أميره المصحف من إيد ساره
ومسكتها من كتوفها تهزها وتقولها أصحي يا ساره
وش تسوين إنتي وش هالكلام اللي تقوليه جات أم سعد
لبنتها وتسأل أميره وش فيك على أختك
أميره : ماما بنتك أكيد تخبلت مو معقوله حلم كذا يسوي فيها
أم سعد : زين وش سوت ؟!
أميره : أسأليها وش كانت تقول وكيف ماسكه المصحف
أم سعد : ساره يا بنتي شفيك تكلمي وش كنتي تقولي
رحميني الله يرحمك الله فيني مكفيني
ساره : ماما شفيك تبكي أميره وش صار لأمي ؟
أميره ما قدرت تنطق بكلمه وعيونها على ساره
وبخاطرها تقول (أكيد ساره فيها شئ مو طبيعي )
ما زالت أميره غارقه بأفكارها وفجأه ...
.
.
.
يُتبع ،،

[حنااايا..الروح]

القيصر ..
هذي الرواية الرائعة غير مكتملة
متشوقين لمعرفة باقي الاحداث
أتمنى أن نرى التكملة في القريب العاجل
تقبل مني مروري ولك كل التحية

[روح الحلا1]

رواية جميلة جدا
تشوقنا لبقية الرواية..
ربي يعطيك العافية ..

[القيصـــــر]

القيصر ..
هذي الرواية الرائعة غير مكتملة
متشوقين لمعرفة باقي الاحداث
أتمنى أن نرى التكملة في القريب العاجل
تقبل مني مروري ولك كل التحية

ألف شكر لك على متابعتك إستاذه حنايا
إن شاء الله سوف تكتمل تفاصيل القصه
في قادم الوقت
ودي وإحترامي ،،

[القيصـــــر]

رواية جميلة جدا
تشوقنا لبقية الرواية..
ربي يعطيك العافية ..

الأجمل تواجدك
ألف شكر وتقدير لك ،،

[الٍمٍذٍھَہّلٍھَہّ❤️]

قصه جمييييلهه

شكرا لك أخي....

[كل الحكايه اشتقتلك]

جزيل الشكر لجهدك سيدي
مودتي

[نوارة الكون]

استاذ القيصر
ازتادت الرغبه ومعرفة مصير سعد
وشوه سالفه ساره بعد
اتمنى انك ما تتطول علينا نحن في شوق للبقيه

[القيصـــــر]

قصه جمييييلهه

شكرا لك أخي....


جزيل الشكر لجهدك سيدي
مودتي


استاذ القيصر
ازتادت الرغبه ومعرفة مصير سعد
وشوه سالفه ساره بعد
اتمنى انك ما تتطول علينا نحن في شوق للبقيه

مساءكم ورد جميعا
إن شاء الله سوف تكتمل القصه في قادم الوقت
والمعذره على التأخير ،،

[جلنااااار]

مساك الله بالخير اخي القيصر .. روايه جميله .. نحن في شوق لمعرفه ما الذي صار لسعد .. وما سبب هلوسة ساره ..
ننتظر التكمله .. يعطيك العافيه ودمت بخير

[Raba]

بنتظااااااار التكملة القيصر لا تتأخر علينا لاه

[القيصـــــر]

مساك الله بالخير اخي القيصر .. روايه جميله .. نحن في شوق لمعرفه ما الذي صار لسعد .. وما سبب هلوسة ساره ..
ننتظر التكمله .. يعطيك العافيه ودمت بخير

صباحك ورد إستاذه
كل الشكر لك على المرور إن شاء الله سوف يتم إستكمال
باقي الأجزاء ،،

[القيصـــــر]

بنتظااااااار التكملة القيصر لا تتأخر علينا لاه


هلا عاشقة الجن ههههههه بكملها إن شاء الله
كل الشكر والتقدير لك ،،

[القيصـــــر]

أميره ما قدرت تنطق بكلمه وعيونها على ساره
وبخاطرها تقول (أكيد ساره فيها شئ مو طبيعي )
ما زالت أميره غارقه بأفكارها وفجأه ...


نستكمل الجزء الثالث ،،

فجأة تحول صوت ساره لصوت رجولي خشن ونظراتها شرار وتشوف على أميره بنظرات توعد
قالت ساره : اللي يلمسها ما راح يصير له خير (يقصد ساره) طبعا اللي يتكلم جان
أميره وكلها خوف : ساره شفيك وش صارله صوتك
ساره : إنتي بالذات لا تقربي منها وإلا بتندمي
الأم واقفه تشوف وعارفه إن بنتها تلبسها جان وبقلب الأم الحنون الخايفه حطت إصبعها الإبهام
بين حواجب ساره وقرأت عليها آية الكرسي والمعوذات وبعض الأذكار اللي تحفظهن وبلا فايده
زادت الطين بله صارت ساره تتشنج أكثر وتكورت على نفسها وهي تصرخ بهذاك الصوت الخشن
ما أطلع منها فهذه الأثناء تذكرت أميره إن الماي البارد ممكن يفيدهم ويعذب الجان راحت المطبخ
وجابت ماي بارد وتمت ترش على أختها وهي تتلوى وتتشنج أكثر حتى فقدت الوعي كم دقيقه
خلوها ممدده مكانها ، رجع أبوسعد من المسجد وسمع زوجته تقرأ قرآن بصوت عالي على غير العاده
لما دخل الغرفه شاف ساره بنفس الوضع ممدده على الأرض وأميره وأم سعد يقروا قرآن ..
أبو سعد : خير شفيها ساره
أميره : ما ندري وش صارلها شفتها ماسكه المصحف بالمقلوب وتقول كلام ما فهمته ولما جيت أكلمها
صوتها تغير وكلمنا رجال وتشنجت ومثل ما أنت شايف حالتها
أم سعد : والله هالرحله اللي رحنا لها ما جابت لنا غير المصائب بنتك متلبسنها جان ويقول ما أطلع منها
أبو سعد : لا حول ولا قوة إلا بالله وش هالحاله أستغفرك ربي
أم سعد : قوم نوديها عند معلم خليفه يقرأ عليها ويطلع هذا لعنة الله عليه
أبو سعد : صبري يا حرمه الشمس بعدها ما طلعت الساعه ٧ بنروح
٠
٠
٠
٠
٠
٠
نور يقترب منه شوي شوي أعتدل في جلسته يشوف من هذا اللي جاي توقف النور بمسافه قصيره
أتضح له إنها نار واحد شايلنها بس ملامحه ما واضحه المسافه كانت بعيد شوي والمكان من أساسه
ظلام أنتظر حتى بدأ يقترب منه اللي شايل النار وبعد ما وضحت ملامحه أرتعب من المنظر كان يسمع
بقصص مثل اللي يصير له بس ما توقع إنه بيوم يكون بنفس الموقف وقف يردد الأذكار ويقرأ قرآن بصوت
مسموع ،، رجل طويل أسود عليه شعر أبيض مجعد وعيونه حمرا أنيابه كانت بارزه شوي وعليه ملابس سودا
يعني سواد ف سواد ما يبين منه إلا عيونه وأنيابه ،،
قاله بصوت مرعب : أنا هفاف موكل عليك في هذا المكان وأعلم أنه لا مخرج لك من هنا حتى تموت
أو تتبعنا وعليك أن تنفذ جميع شروطنا
سعد أغمى عليه من المنظر المرعب وطاح من طوله فاقد الوعي
٠
٠
٠
٠
٠
في السياره لمنزل المعلم خليفه الذي يبعد قرابة الأربعين دقيقه عن منزل أبو سعد
أبو سعد : ساره حبيبتي أقري آية الكرسي والمعوذات وقولي أعوذ بكلمات الله التامه من كل شيطان وهامه
ومن كل عين لامه أعوذ بكلمات الله التامات من شر مـ٠٠٠
ساره بصوت غاضب : بببببببببس صدعتني وتعض على أسنانها بقوه
أم سعد : الله أكبر عليك عذبت بنتي
أبو سعد : أسكتي يا أم سعد لا يسوي شئ فالبنت هالظالم
وصلوا بيت معلم خليفه نزلوا أبو سعد وزوجته وساره أما أميره والباقين فالسياره ينتظروا
أستقبلهم معلم خليفه في المجلس الخاص بعلاج الممسوسين من الجن يتوسطه مجمر كبير
تفوح منه رائحة اللبان مختلط برائحة بعض أوراق الأشجار ومكتبه كبيره آخر المجلس فيها كتب
كثيره وبعض الأدويه على جنب
معلم خليفه : تفضل يا أبو سعد إن شاء الله البنت ما فيها إلا العافيه
جلسوا كلهم وكانت ساره مقابل معلم خليفه مسكها من أيدها وبدأ يقرأ عليها بعض الآيات
وبعدها كلام غير مفهوم حتى بدأت ساره تتشنج من جديد ويصفر لونها وصارت تهذي بكلام كثير
ناظر المعلم خليفه أم سعد بنظرات غضب ولوم .....
.
.
.
.
يُتبع ،،

[روح الحلا1]

متابعين لك
بس لا تطول..

[جلنااااار]

صباحكم ورد .. احداث مخيفه عسى ان تنتهي ..
ننتظر البقيه .. يعطيك العافيه اخي القيصر..

[القيصـــــر]

متابعين لك
بس لا تطول..

أسعدتني متابعتك
كل الشكر والتقدير لك ،،

[القيصـــــر]

صباحكم ورد .. احداث مخيفه عسى ان تنتهي ..
ننتظر البقيه .. يعطيك العافيه اخي القيصر..

ربي يعافيك
كل الشكر والتقدير لك على المتابعه ،،

[بنت االعرب]

قصة جميلة
سلمت الانامل
تحياتي لك

[Raba]

هلا عاشقة الجن ههههههه بكملها إن شاء الله
كل الشكر والتقدير لك ،،

هههههه وابيلي لا تقول عاشقتنهم سامعتنهم قريب
يأخذون كلامك جد ما فيني هههههه احب قصصهم لكن ههههه


بس بعدني في انتظار التكملة لاه

[القيصـــــر]

قصة جميلة
سلمت الانامل
تحياتي لك

ألف شكر وتقدير لك على المرور ،،

[القيصـــــر]

هههههه وابيلي لا تقول عاشقتنهم سامعتنهم قريب
يأخذون كلامك جد ما فيني هههههه احب قصصهم لكن ههههه


بس بعدني في انتظار التكملة لاه

أسعدني تواجدك إستاذه
كل الشكر والتقدير لك ،،

[القيصـــــر]

لي عوده هنا لتكملة روايه من وحي الخيال

خالص ودي ،،

[روانـــــووو]

لي عوده هنا لتكملة روايه من وحي الخيال

خالص ودي ،،

اوهوو رواية اشوف :rolleyes:
لي عودة لقراءة تلك الأجزاء إن شاء الله
احسنت

[القيصـــــر]

حد يبا نكمل القصه وإلا طااااااف :21:

[نوارة الكون]

حد يبا نكمل القصه وإلا طااااااف :21:

صباح الخير عوده حميده كملها