أن العمـر كلـه مجـرد دقايق

[نورمان]

نطوي مع الأيام عـام ٍ ورا عـام
وتمر ساعات الفـرح فـي دقايـق

أيام راحت بالعمر مثـل الأحـلام
يوم ٍ بهـا زعـلان وأيـام رايـق
⌣
درست من دنياي وأتعبت الأقـدام
وبدلت عن بعض الطرايق طرايـق

وكفخت بأفكاري كما الطير لاحام
وماعاقني عن ماكـر العـز عايـق

ياصاحبي خذني معك سيف وحزام
وياك في وقت الرخـا والظوايـق

وترى البشر ياخوك منقسمه أقسام
بين الردى والطيب شفت الحقايـق

لقيت من صلى وزكا ومن صـام
ولقيت منهو لأقرب النـاس بايـق

ولقيت من قلبه حقـود ٍ ونمـام
ولقيت من قلبـه يعـز الرفايـق

ولقيت من يبني الأمل فوق الأوهام
واللي يموت ولايعـرف العوايـق

ولقيت من يملك بساتيـن وأنعـام
واللي من الحاجه ينـام متضايـق

الله خلق هالخلق سـاده وخـدام
ذي دبـرة الرحمـن رب الخلايـق

وآخرك يابن آدم ترى قطعة الخـام
أمـر ٍ أكيـد ومايبيلـه وثايـق

يالله عسى ماكون قطاع الأرحـام
وعساي من عقب القبر في حدايـق

جاك الكلام وخذ معه بصمة إبهـام
أن العمـر كلـه مجـرد دقايق

[رايق البال]

هلا فيك نورمان ..
عوده جميله ونص واختيار اجمل خاصه وان اسمي فيه هههه
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

[روح الحلا1]

انتقاء جميل عزيزتي
تسلمين وربي يعطيك العافية..

[حبي خالص]

اختيار جميل نورمان
يعطيك ربي العافيه
كلك ذووووووووووق

[نورمان]

هلا فيك نورمان ..
عوده جميله ونص واختيار اجمل خاصه وان اسمي فيه هههه
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)

شكرا استاذ لجميل اطرائك
اسعدك الرحمن

[نورمان]

انتقاء جميل عزيزتي
تسلمين وربي يعطيك العافية..


مرورك الاجمل
سعدت بك حفظك الرحمن

[نورمان]

اختيار جميل نورمان
يعطيك ربي العافيه
كلك ذووووووووووق

مرورك الاجمل
شكرا لك
دمت بود

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته