يقول أحبك حيل ويعشق عشرين

[نوارة الكون]

يقول أحبك حيل ويعشق عشرين

السلام وعليكم ورحمه الله وبركاته

يقول انا اعشقك ياشيخه الزين ..
. ومهما ابكتب فيك ادري شويه
دنياي لاشفتك تزهر بساتين ..
. وان غاب طيفك ذقت طعم المنيه


اذوب انا يابنت من نظره العين ..
. وتذبح قليبي شفاهك النرجسيه
يقول انا وافي وابيك توفين ..
. ابيك انا وياي صبح ومسيه


ويقول"احبك حيل"ويحب عشرين ..
. ونفس الحكي قاله لهذي وذيه .!!
هذا ترى هو حال شبابنا الحين ..
. يا للأسف ما عاد فيه حميه


كثرة فتن ولا هي قلة الدين ..
. ولا البلا كله من ضعف البنيه..!
يابنت مابه حب في وقتنا الشين ..
. والله يحبك لجل غايه دنيه


لامن قضى يرميك وانتي تخسرين ..
. ومحدٍ ترى غيرك يكون الضحيه
والله من حبي لك ابيك تعرفين ..
. منهو يحبك ما يجي بالخفيه


دوسي على قلبك ولا لا تبوحين ..
. ولايضعفك حكيه وخلك قويه
وعوذي باسم ربك من الشياطين ..
. والله يحفظك من كله زله وخطيه


وحبي هلك..كان بودك تحبين ..
. وربعك وناسك والوجيه الهنيه
والصاحب الصادق بالعسر واللين ..
. ومنهو طلب ايدك بشمسٍ ضويه


ذولا الذي من حبهم ماتملين ..
. ومايلحقك من دربهم شر واذيه
نظمت لك حرفي من واقعٍ شين ..
. وقتٍ ردي ونفوس جشعه رديه


لاتفكري قولي مجرد تخامين ..
. ولامخاوف بايته بصدر حضريه
ولاانا مالي بدرب المحبين ..
. ساقي كسرته لو وطى درب الخطيه


((سمعتي تسوى في عيوني ملايين )).
.. والله ما ارخصها مادمت حيه
وترى الحكي مقصور على الرديين ..
.(( و ادري به رجالٍ مارضت بالدنيه

[مجنونك ما يخونك]

http://vb.almstba.co/imgcache/almstba.co_1371578223_319.gif

[حبي خالص]

الله نواره
انتقاء جميل وذوق راقي
يعطيك ربي العافيه وكلك ذوووق

[رايق البال]

هلا فيك نواره ..
الله عليك الله نص واختيار ولا اروع
الف شكر لجهدك واختيارك وتفاعلك الجميل
طابت صباحاتك ..

[وآرف ❤️]

".ّ~
.
.
.
نواره
قصيدة جميلة جدا ..
^ كل الشكر لأختياراتك الراقيه
^ طاب مسائكِ ✨؛

[الشيخه الفلانيه]

،






قصيده جميله ;
كُل آلششكرْ عَ آلأنتِقآء
يعطيكِ آلله آلععآفيهً :) !