يا الله انا طالبك يا خير مطلوب

[مجنونك ما يخونك]

يالله وانا طالبك ياخير مطلوب
مطالبن ماهي عليك بصعيبه

اطلبك تغفر ماعليه من ذنوب
فزعتك للي يرتجيبك قريبه

والرزق لابن آدم ميسر ومكتوب
والمجتهد ماياخذ الا نصيبه

والفقر للرجال ماهو بعذروب
الرجل عذروبه الا باح طيبه

لا صار مابه طيب لو يملك شعوب
راس<ن> بليا طيب ماينبديبه

وان صار طيب صار ونعم ومحسوب
وقولة نعم ماهي عليه بغريبه

الطيب له باب ومناهيج ودروب
ولا يليق الا على من ضري به

يبغى نفوس وروس وعيون وقلوب
تحميه وان جت حزته تدعي به

ماهوب يكنز في دواليب وجيوب
مايكنز الا وسط روس<ن> صليبه

له قمة<ن> عليا وله وضع واسلوب
والعفرته والهنجمه ماتجيبه

والطيب لهله دايم الدوم منصوب
على وفا وافي وشيمه وهيبه

والطيب مايلحق هله نقص وعيوب
اللي حياته طيب ماشئ يعيبه

العيب للي يلبس الطيب مقلوب


مصيبة<ن> ياكبرها من مصيبه

مايستوي للي على الطيب مغصوب
الطيب ماعمره يجي بالغصيبه

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[حبي خالص]

صح الله لسانه الشاعر
ولا هنتي على الانتقاء الذوق مجنونك
يعطيك ربي العافيه

" نص يستحق النجوم الخمس "

[رايق البال]

هلا فيك مجنونك ..
الله عليك الله نص واختيار ولا اروع
الف شكر لجهدك واختيارك وتفاعلك الجميل
طابت صباحاتك ..

[وآرف ❤️]

".ّ~
.
.
.
مجنونك
قصيدة جميلة جدا ..
^ كل الشكر لأختياراتك الراقيه
^ طاب مسائكِ ✨؛

[نسر البوادي]

مجنونك طرح جميل اختي يعطيك الف عافيه ياذوووق