شعر شاب فقييير خطب بنت عمه المليونيير .. شوفوا ايش صار فيه

[مجنونك ما يخونك]

سبحان من يرزق بتوع الملايين
الـرازق الـلي مايخـيـب الــرجـا بــه
لـي عـم عـنده مـعرض للصوالين
امووت واعرف بس من وين جابه
وإذا سألته قال بعت الدكـاكـيـن
مـايدري اني مـا هـضـمـت الإجابة
الـشاهد إني رحت له قبل يومين
فـي قـصـره العـامـر ودقـيت بـابــه
قال ارحب ارحب عد ورد البساتين
يـــا مرحبا بــاللي لـفــا يـــا هـــلا بــه
قـلـت البقــا عـــد الـنفــل والـرياحـين
يا شـيخ شـمل اهـل الـكـرم والـذرابة
قـال اسلم الله يحفظك لي من العين
وآمـر أوامــر حـضـرتـك مـستـجــابــة
قلت الصراحة طالب قرب غالين
ودي تــزوجــنــي كريــمـتـك يـــــابـــــه
ثنى وقال أهلين والله وسهليين
والكـــون ترخــص لأجـــل عــينــــك رقابه
لكن ترا عندي شروووط وقوانييين
قـــلت اشـرط اشـرط يــا حـبـيب الغلابة
قال أولا مهر العروسة ثمانين
غـــيــر الــرســـوم وغـــير حــق الــعــصـــابــة
والثانية عمك يبي منك سبعين
رســــم الابـــوة والــــنـســـب والـــــقـــرابــة
وام العروسة حقها منك ستين
عــشــانــهـــــا ســـت الحــــســن والــمـهــابـة
واخونها كلن يبي منك خمسيين
عــــــدا ونـقـدا تــنــدرج فــي حــســابــه
واخواتها الخمس اعطهن من ثلاثين
عـــشــــان تـــتــــوثــق عــــروق الــــــنـسابـة
وتجيب طقم عيار واحد وعشرين
وخـــاتـــم مـــن المـــاس الــمصــفى تــــرابــه
واكياس مليانة كعوب وفساتين
الـــــوانـــهـــــا واشــكـــالــهـــا مــــا تــــشـــابــــه
ومــوتر بسواقه وفيلا بدورين
اثـــاثـــهـــــا مــــن بـــطـــرتـه يـنـحـكـى به
واحجز لنا قاعة بقصر السلاطين
واحـــجــــز بـــهــا رقــــاصـــتــــيـــن وربــابــــة
وامنع دخول اهل اللحي والبزارين
واعــــزم امـــــيـر الــمــنــطـــقــة بـــالـــنـــيـــابـة
هذي الشروط اللي على بالي الحين
وذكـــرنــــي الــلـــي مـــا حــســبــنا حسـابه
قلت اذكر الله يا عدو المساكين
واســتـــغــفــره لا يــبـــتـــلــيك بــعــذابـــــه
الظاهر انك منت عارف انا مين
انا لو أرقى فوق متن السحابه
ماجبت حتى نص درزن مواعين
واضحك بكيفك واعتبرها دعابة
شروطكم هذي شروط المجانين
شروطكم شغل ابتزاز ونهابة
شروطكم تقصم ظهور البعارين
شروطكم همن وغمن وكآبة
شروطكم والله سيوف وسكاكين
تذبح بنات المجتمع مع شبابه
وين الرضا والعطف واليسر واللين
اللي ذكرها الله بمحكم كتابه
وين الصفات اللي أمرنا بها الدين
وين اختفى نهج النبي والصحابة
ياعم جعل اللي خلقنا من الطين
يرد عقلك من خطاه لصوابه
ويا جعل نصيبي عند غيرك قول آمين
ويحسن عزا الصابر ويجزل ثوابه
قال انت لو فكرت تفكير صاحين
ما شفت في مجمل شروطي غرابه
حنا في عصر العولمة والمزايين
ماهو عصر الفلسفة والخطابة
والناس تسعى للرتب والنياشين
وانت اهتمامك بالشعر والكتابة
والشعر ما ينفعك لو هو دواوين
مادام جيبك مثل بيت الخرابة

يابوك لا تسمع كلام المصاخين
واسأل مجرب عاش في وسط غابه
قلت الله اكبر يا محرر فلسطين
من يسمعك يحسبك ذيب الذيابة
تراك شايب راس مالك ريالين
والبنت ما تسوى جناح الذبابة
قال انقلع مالت على وجهك الشين
ولا عاد اشوفك عندنا يالزلابة
قلت ابشر ابشر لكن الباب من وين
واقفيت من عنده على صوت بابه



وسلامتكم ..

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

[مجنونك ما يخونك]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايتهhttp://files2.fatakat.com/2011/4/13038777581900.gif

[جلنااااار]

مجنونك كلمات رائعه .. الله يعطيك العافيه .. دمتي بخير

[الشيخه الفلانيه]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً :) !

[رايق البال]

هلا فيك مجنونك ..
نص جميل وجدا رائع
الف شكر لجهدك واختيارك وتفاعلك الجميل
طابت صباحاتك ..

[مجنونك ما يخونك]

مجنونك كلمات رائعه .. الله يعطيك العافيه .. دمتي بخير

http://i29.tinypic.com/2eoh5hz.gif

[مجنونك ما يخونك]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً :) !



https://encrypted-tbn0.gstatic.com/images?q=tbn:ANd9GcQrOj7FwZXqacvOT_79FcgndaRAY9uXS ZwtnVohqRzLXzAs7Dj0

[مجنونك ما يخونك]

هلا فيك مجنونك ..
نص جميل وجدا رائع
الف شكر لجهدك واختيارك وتفاعلك الجميل
طابت صباحاتك ..

http://dl4.glitter-graphics.net/pub/1531/1531564npp55vid3c.gif

[حبي خالص]

نص جميل مجنونك

[مجنونك ما يخونك]

نص جميل مجنونكhttp://forum.tawwat.com/images-topics/images/rd/0020.gif

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

http://www.htoof.com/vb/images/smilies/22.gif