ما اعرف ابدل تيوب ليت

[يحيائي10]

السلام عليكم ايها الطيبون

بعض الاسر للأسف تستقطب عامل وافد لتغيير مصباح نوع
تيوب ليت تخيلوا ......!!

فما بالكم باصعب منه بقليل .....هذه كارثة
رغم ان عموتله تساوي شراء درزن تيوب ليت

فلنكن ارقام موجبه في البيت ولنشغل احباؤنا الاولاد في الاتكال على النفس والاعتماد عليهم مستقبلا لبناء جيل معتمد
ليكون بيتنا سعيد



الف شكر

[اموووره]

اممم أخوي تقصد يبدل الليت بس والا الليت مع الكفر ..
إذا الليت بروحه هذي عاد كبيره ما يعرفوا يركبوه ..
بس إذا مع كفر ووايرات أنا انصح يستعينوا بمختص لا يولعوا بالبيت ^^
يعطيك العااافية أخوي

[جمال319]

بسبب الكسل واحيانا ناس تخاف من الكهرباء كثير حتى تغيير لليت تجده يخاف واتفق معاك المفترض لاشياء البسيطه نتكفل فيها ونصلحلها مو كل شي ع الهندي مع اني منهم هههه لانه معي عمال خاصين فيني كل مايخترب شي اتصل فيهم تعالو صلحو لليت وغيره من لاشياء

[احساس روح]

كيه بنت وتعرف تغير ليت ههههه
ما بايه شي وعلم
وحدي اغير ليت عادي واركب غاز ما فيها شي

[يحيائي10]

اممم أخوي تقصد يبدل الليت بس والا الليت مع الكفر ..
إذا الليت بروحه هذي عاد كبيره ما يعرفوا يركبوه ..
بس إذا مع كفر ووايرات أنا انصح يستعينوا بمختص لا يولعوا بالبيت ^^
يعطيك العااافية أخوي


هي مبالغه مني يبدل التيوب فقط وليس تركيب ليت كامل


اشكر

[يحيائي10]

بسبب الكسل واحيانا ناس تخاف من الكهرباء كثير حتى تغيير لليت تجده يخاف واتفق معاك المفترض لاشياء البسيطه نتكفل فيها ونصلحلها مو كل شي ع الهندي مع اني منهم هههه لانه معي عمال خاصين فيني كل مايخترب شي اتصل فيهم تعالو صلحو لليت وغيره من لاشياء

الاعتماد على الغير للأسف الشديد

الف شكر اخي

[يحيائي10]

كيه بنت وتعرف تغير ليت ههههه
ما بايه شي وعلم
وحدي اغير ليت عادي واركب غاز ما فيها شي

كفو علييييييييك

[البروفيسور عيسى]

طرح رائع جدا بارك الله فيك '

يعتمد على الأسرة كيف يعني حد يهتم وكذا يحس إنه شيء بسيط ومابياخذ وقت والبعض عندهم كما يقولوا البيسه فايشه،لكن تبقى حرية لانتدخل في شؤونهم

[حمد نجد]

الرفاهية علمتنا الاتكالية
شكرا لك اخي بحيائي على النصيحة .. رزقك الله بيتا سعيدا .. تحياتي

[Raba]

نوبه يطلبوا أحد يغير ليت ونحن منهكين نصلح كرافي ونركب ادراج وليتات ومراوح مفكوكه ،، الله كريم بس

[مائة بيسة]

هذول وايد دلوعين بس يمكن يخافون من المرتفعات يعني يصعد درج ويصلح ...
https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

[حنــان]

هههههههه

اذكر صديقتي تقول المكيف ما يبرد ماعرف شو فيه بنجيب عامل يسويله سيرفس!

قلتلها طلعي الدرج و بتشوفي فوق المكيف مثل الشبك .. شليه و غسلية اكيد واجد تراب فيه


اليوم الثاني تقول حنان شكرا كنا بنخسر فلوس عشان عامل يسوي سيرفس و المكيف الواحد ب 25 ريال !!

[مسقط الحب]

الحمد لله العامل ما يدخل البيت إلأا لتسليك مجمع او شي صعب اما ليت وتنظيف مكيف وتركيب نقاط هذا بروحنا نسويه
البعض منهم يدخلو العامل في غرفة النوم والعامل عاد عيونه فكل شي قاصر عن يجلس ع التسريحه ويمشط شعره

دائماً لازم نعود انفسنا ان لا نتكل على غيرنا في هذا الامور

[،إستثنائي،]

الحمد لله في مثل هذي الامور احب اتفنن واعتمد ع نفسي واكتشف بس بحذر اكيد.
بوركت

[تباشيرالأمل]

السلام عليكم

هذي امور سهله اعتقد الاغلبيه يسوونها
بانفسهم تنظيف المكيف تغيرر الحنفيات وتبديل المبات
كلها امور اعتياديه بالنسبه لنا
شكرا لك استاذ

[seajie]

كيه بنت وتعرف تغير ليت ههههه
ما بايه شي وعلم
وحدي اغير ليت عادي واركب غاز ما فيها شي

انتي رقم واحد

[seajie]

يعجبني اللي يعتمد على نفسه ... واللي ما يعرفله يطلب حد يساعده فيه ...

[واحد بطران وشايف نفسه*]

أخوي موضوعك جميل لا نحصر الليت فقط بل هناك اشياء غيرها كالتنظيف أو الطبخ
حتى أحياناً تجد بعض الشباب الاغلبيه وهم العزابيه يعتمدو على الكواي في كوي ملابسهم وغسيلها وليش ما يغسلو ويكيو وحدهم ما المانع
انه شخص يتعلم

[حامي الذمار]

بالعكس اصلا تستمتع لما تقوم بأعمال الصيانة مثلا المصابيح والفلاتر ماي شي جميل تحس نفسك شخص مفيد او منتج !

[همس الأفكار]

في النهاية يعتمد على طريقة حياة كل فرد !
منهم من اعتاد على الراحه في كل شيء

ليس جهلاً منه او عجز
وانما هناك من يقوم عنه بكل شيء

والاعتماد على النفس أمر مهم
ومثل مايقولوا اخشوشنوا فإن النعمة لاتدوم!

[يحيائي10]

السلام عليكم اخوتي اخواتي


الف شكر على اهتمامكم بالموضوع والاضافه النيرة التي اضفتونها في الموضوع لأثرائه
الاهم ما في الموضوع هو غرس روح الاعتماد على النفس وعدم الاتكال على الغير
فبارك الله فيكم